طلعت حبه في (( ...))

[Candy sweet]

المشاركة الأصلية كتبت بواسطة Mad Mood

الشابورة مفيدة إذا كانت بُر

أما البيضا كلها دهون.. انتي تعطينه بيضا؟

الدهون، الحوامض من الخضار والفواكه، السكريات والحلويات.. هذا الثالوث المحرم على الهامستر!

جربي الماي والملح دام ماعندك غيره.. وأنصحك تمسحين المكان بـ مُرة مخففة إذا عندك.. ممتازة جداً لمثل هالحالات.. ثلاث مرات في اليوم

بس وديه بأقرب فرصة، يا إما يعالجه إذا حالته خطيرة.. أو يعطيك المرهم اللي قلت لك عليه.. والمرهم خليه عندك احتياط لأي مشكلة.. جرح.. التهاب جلدي.. خراج.. ورم.. التهاب العين.. لا سمح الله

التورم ذا قد مر علي مرتين واستخدمت المرهم وطابوا في يومين.. ومن بعدها بطلت اعطي هامستراتي اي شي فيه دهون

وخليتهم على نظام حمية غذائية ما أغيرها.. حبوب الهامستر.. الجزر وشرايح الجبن قليل الدسم كل يومين.. ومرة في الاسبوع خس ومرتين تفاح.. وبس لا ازود ولا انقص.. لأن الخلط في أكل الهامستر أقرب طريق لموته

وما شاء الله صحتهم صارت احسن من اول وعلى كثر هامستراتي ولا واحد منهم مرض من يومها والحمدلله

لا انا ما اعطيهم شابوره بيضاء .. والحمد لله
بروح دحين و اعقمه بمويه وملح ..

المشكله ما اعرف وين الصيدليه البيطريه ؟ ولا احد يودني لها

بس بإذن الله في اقرب فرصه بوديه البيطري
وشكرا لك كثيرا