مشكله غريبه مع الهامستر حقي :(!!!

[Mad Mood]

أخطاء أصحاب المحلات كثيرة، خصوصاً اللي ما ينتج يعني بس يشتري من زبون ويبيع لزبون ثاني.

هذا درس لك.. وعشان تتأكد المرة الجاية من جنس هامسترك اسأل في أكثر من محل وتأكد ان اللي تسأله خبير في الهامستر.. أو تعلم انت طريقة التمييز تراها اكثر من سهلة

الام تنسى عيالها اذا غابت عنهم فترة فطبيعي انها تعوفهم

والصغار ما رح تقدر تساعد في تربيتهم او رضاعتهم بنفسك إلا بعد يومهم السابع أو الخامس ع الاقل

الصيني ما انصح فيه كثير عشان شكله القريب من الفأر.. الروسي أحلى وألطف

اذا انت تبي يكون عندك بيبيز تربيهم من وهم صغار خذ لها ذكر، وانا شخصياً انصحك بهالشي لأن تربية الصغار متعة ما بعدها متعة.. ولما يكبرون بيصيرون يحبونك وسالفة العض والهواش هذي ما رح يعرفونها بعد ما يكبرون يعني بيكونوا أكثر من أليفين =)

موفق

[Mogo]

مشكور اخوي الحين جبت ذكر بس اجمعهم على طول ولا. اصبر شوي لانها توها والد !! << حسيت أني شي مزعج

[Mad Mood]

العفو

لا شدعوه خذ راحتك =)

اي تقدر تجمعهم.. دام ماتوا عيالها خلاص ما هي أم

طبعا احتمال الانثى تضرب الذكر في البداية لأنها تحمي منطقتها.. هذا طبيعي

بس للاحتياط وعشان ما يكون الهواش طويل او عنيف..

امسك الذكر بيد والانثى بيد، قربهم من بعض بحيث تصير انوفهم شبه متلاصقة

خلهم على هالوضع خمس ثواني.. بحيث يشمون بعض

ثم اقلب الانثى وخل الذكر يشم اعضاءها التناسلية.. كمان خمس ثواني

وحطهم بالقفص، وبإذن الله يلقحها على طول وبدون مشاكل

أي سؤال انا تحت أمرك

[Mogo]

Thanks broo