إشتريت هذا الببغاء أبي منكم النصح لي

[ببغاء اخضر]

مبررووووووووك عالطير

[النوخذه]

الف مبروك عليك الطير بس معلمتنا وش اسمه وبكم شريته

والك جمل تحيه

[mmc260]

الف الف مبروك اخوي على الطير ويتربى في عزك
وما يحتاج نوصيك اهتم به وحطه في عيونك
واعتقد ان الاخوان ماقصرو معاك وبالاخص ( كاسكو البحرين )

واهلا بيك اخوي في المنتدى

[كاسيكو]

ماشاء الله تبارك الله

الطير فرخ يمكن عمره 3الى 4 شهور

[إحساس نادر]

أخي كاسكو البحرين

مساء الورد


الف شكر لوجودك وللمعلومات المهمه التي إستفدت منها
سأعمل بنصائحك من اليوم


بس لدي سؤال لو سمحت لي
الطير صار له عندي الآن أسبوع
وتوه يعني صار يتقبلني أعطيه الأكل بيدي وما يجاعر ولا يهرب
بالعكس يا خذ الأكل بكل سعادة

السؤال أخوي لو أخرج الطير من القفص أخاف يهج أو يتعبني في الرجوع للقفص
خصوصاً أن جنحانه كبيره يعني مو مقصوصه
يعني أطلعه وهو بالشكل هذا أو لا

والسؤال الثاني كل يوم ساعه أو ساعتين أطلع القفص بالحوش
أخليه يتشمس وهذا بعد الفجر وقبل المغرب
بس أشوف حركة زايده اليومين هذا بالنسبه للهرش أوتكون عاديه لأني قليل خبره

والف شكر لوجودك واتحملني الله يسعدك أنا واسألتي الفضولية



مودتي

[إحساس نادر]

أخي خضر

الله يبارك بعمرك والف شكر لوجودك ومباركتك

[إحساس نادر]

أخي النوخذه

الله يبارك فيك والله الأسم للحين ما سجلناه
بس جالس انادية لي اسبوع بكوكو
واعتقد هذا الأسم بيكون اسمه


بالنسبة للسعر مدري يمكن غالي شوي بس أعجبني
بعدين هنا بجده قليل الفروخ هذي يعني صار لي أدور يمكن شهر أو أكثر
شريته 1500
عارف السعر كبير بس عشقته





مودتي

[إحساس نادر]

أخي mmc260


الله يبارك فيك وربي كلكم ما قصرتوا
وما أستغني عنكم

وشكراً لكل فرد هنا


وخلاص ياغالي صرت واحد من أهل المنتدى يعني بتلاقيني جالس ليل نهار هنا
اقرأ وأستفيد ويمكن في يوم أفيد بعد ما أكسب الخبره

مودتي

[إحساس نادر]

أخي كاسيكو

الله يسعدك يعني أخوي عمر الطير ينفع للتعليم
يعني بأختصار توفقت فيه أو لا


مودتي

[كاسكو البحرين]

السؤال أخوي لو أخرج الطير من القفص أخاف يهج أو يتعبني في الرجوع للقفص
خصوصاً أن جنحانه كبيره يعني مو مقصوصه
يعني أطلعه وهو بالشكل هذا أو لا
ج-حاول فتح القفص من الأعلى و وضع العصا اللي يوقف عليها وترك الطير بنفسه يطلع
بخصوص ترجيع الطير الى دااخل القفص يعتمد على مدى إستجابة الطير ، حاول معاه على اللي يتقبله مثلاً ، خذ العصا وقربهه له الى جنب صدره وحاول بدفع العصا تجاه الصدر دفعة خفيفة جداً عشان يرتقي ومن ثم إدخاله الى القفص بهدوئ تام ، إن ماتقبل هذه الطريقة إغلق الباب اللي فوق وفتح الباب الرئيسي للقفص وحاول ملامسة الطير وهو شي طبيعي بيتهرب منك اشوي اشوي وخل حركة يدك تتجه الى الباب وهو بقوم بالواجب بحاول الدخول لأخذ الآمان
وقبل هذا الكلام اخوي (قص الأجنحه ضروري) تجنب الطيران والهروب وهذه مرحلة مهمة لأنك تروض الطير ، دع قص الأجنحه للخبير بحيث يقدر يقص الأجنحه بتريب وبدون جرح الطير ونبه اللي بقص الأجنه عدم الإقتراب إلى مجرى الدم ويترك أول 4 ريشات ويقص البقية كما ذكرت



والسؤال الثاني كل يوم ساعه أو ساعتين أطلع القفص بالحوش
أخليه يتشمس وهذا بعد الفجر وقبل المغرب
بس أشوف حركة زايده اليومين هذا بالنسبه للهرش أوتكون عاديه لأني قليل خبره

الحركة هذه شي طبيعي ومهمة في نفس الوقت للطير لأن الطير يحرك ويرفرف جناحه كتمرين وتمغيط للجسم ، ومثل ما قلت التشميس يكون بعيد عن الشمس الحاره جداً

بالتوفيق