غشيم و أبغاكم تدلوني !!

[عبووود أبو عيون سووود]

السلام عليكم و رحمة الله و بركاته
تحية طيبة يا شباب يا حلوين و بعد ،،،
أنا أول مره أزوركم في قسمكم الجميل هذا و أبغى منكم مشكورين تساعدوني وما تبخلو علي بمعلوماتكم القيمة و المفيدة
أنا عندي جوز بادجي و جوز كروان و ناوي أشتري عليهم جوز كناري كمان
بس اللي عرفته إن أنواع الكناري كثيرة لكن الأكثر شيوعا ً و إنتشارا ً 3 أنواع
1 - الكناري الهولندي
2 - الكناري السوري
3 - الكناري الصيني
بس حبيت أعرف و بكل أمانة أيهم أسرع إنتاجا ً و أكثر تغريدا ً ( يهمني التغريد و الصوت العذب أكثر شي ، أجل مشتري كناري ليش ؟ عشان أتفرج عليهم مثلا ً ) هاهاهاه
و أيهم أسهل في التربية و أسرع في الإنتاج و كم سعر الجوز البالغ المنتج و أيش أهم الأشياء اللي أركز عليها قبل أختارهم و كيف أفرق بين الأنثى و الذكر عشان أتأكد إنهم جوز ؟
الخلاصة ( أبغى تغريد حااااار و إنتاج سريع )
وش تنصحوني فيه من أنواع الكناري الثلاثة ؟
و الله العظيم يا شباب ما زرتكم في منتداكم الجميل هذا إلا لأني متعشم فيكم خير و ما أبغى ينضحك علي صراحة
لأنكم تعرفون البياعة اللي في محلات الطيور الله يصلحنا وإياهم أغلبيتهم يبغوا يمشوا بضاعتهم
و بعضهم الله يهدينا و إياهم ما تفرق معاهم بالصدق أو بالكذب ، وما أبغى أكون ضحية
تكفون تكفون تكفووون اللي ما عنده خبرة لا يجاوب عشان لا أتلخبط
و آسف على الإطالة