سؤال بخصوص تدريب القطط على البقاء فى المنزل وايضا العدائيه

[Sanguinius]

ما هو تأكيلهم بره هو الى دخلهم ,انا كنت بأكل قطه برضه و كنت بحط لها الاكل تحت الشباك مع الوقت بقت تطلع على الشباك و امسح عليها و احط لها الاكل تحت بعد كده بقت تخش البيت تاكل جوه و بعد كده استوطنت فبقت تنام و تقعد و تاكل و تشرب فى البيت و انا معترضتش لانه كانت بتعمل بره و كانت كانها مدربه مع انها شوارعيه فكانت لما تحب تعمل تنونوا و تبص للشباك فاقوم افتحلها فتعمل بره لكن المشكله انها خلفت خلفتين لغايه دلوقت هنا و اول خلفه كانت 3 ,تخيل 3 كائنات صغيره فوضويه زى كده فى البيت ؟ عموما فضلوا قاعدين لغايه ما كبروا و لغايه دلوقت فيه واحده منهم فى البيت و بعدين القطه الام جابت خلفه تانيه 4 المره ديه فحكايه اكلهم بره فاشله تماما و اما حكايه شراسه القط فانتى فهمتنى غلط انا مقصدش يقتل القطط التانيه ,انا بس عايز قط بيدافع عن منطقته بدل ما القطط تخش و تقرفنى فى عيشتنى -تبول فى كل مكان و امراض- فمعتقدش ده فيه اذى لحد
و اذا كان ممكن فازاى و لو حتى فكره عامه
و اما حكايه القط الشرس بيكون اتعامل غلط فهل انتى متأكده ؟ اصله انا كان عندى قط بيتى شيرازى على بلدى و كان طول عمره فى البيت و كان وديع لكن لما ابتديت اجوزه و اديه لناس تانيه و اختلط بقطط ابتدى يبقى عنيف شويه قصدى لما يزهق منى ممكن يخربش علشان اسيبه و كذلك ابتدى يكره اشيله مع انى متأكد انه متعرضش لاسأه و هو صراحتا الى بيتعرض له انه القطط البيتى التانيه كانت بتضربه و كذلك الحال مع قطه تانيه برضه كانت فى البيت و كانت وديعه جدا -نوعها كان بلدى - و كانت بتكره الشيل لكن مكنتش بتفرد مخالبها خالص بس للاسف ابتدت تطلع بره و مع الوقت بقت ممكن تخربشنى لما اشيلها او العب معاها مع انى برضه متأكد انه محدش اذاها اذا استثنينا خناقات القطط و عموما شكرا على الافاده و ياريت حد يجاوب على اسئلتى و مناش هستخدمها فى الشر انا كل الى عايزه القطط تبطل تيجى تعمل لى فوضى و تكسر الاطباق و تتبول و تتخانق و تولد و الصداع ده و نفس الوقت اكون مربى قط كويس و يا ريت الشرح يكون بخطوات و شكرا مقدما

[Octopus]

في حل و هو رش الليمون او العطر على مكان يعني عند الباب احسن من ان تجيب قط شرس

و بالنسبة ل الصغار القطة الام لو ما بيغيتهم تقدر تعطيهم اي حد يتبنى قطط