مواقف مع ببغاواتكم

[قاهر الايام]

والله فكره حلوة

انا صادني موقف مع ببغائي الكاسكو كوكو طبعا مو اليف كلش لكن كنت يوم من الايام وكان الجو معتدل طلعته وياي بدون القفص وحطيته على خشبه مثل الستاند وكان فرحان ويصفر وتلعب وانا طبعا عيوني عليه خايف عليه ان يصير له شي فجأه كانت فيه سيارة ماره من ناحيتنا لكن بعيده شوي وقام الحبيب وطار عليها انا هني وقف قلبي لاني قلت خلاص اكيد قتله طبعا سيده قمت بسرعه ورحت الحمد الله صار تحت السيارة وما داس عليه طبعا اهو لما اناديه وانا بعدي ما يجي لو اذبح عمري وانا اناديه الا هاليوم انا رايح له واناديه وانا رايح له ووهو جاي يتمشى لي اول مره اناديه ويجيني يمكن لانه حس بالخطر وشلته ورجعته البيت وانا منقهر على صاحب السياره لانه ما فكر حتى يخفف السرعه ومن صار هالموقف صار له يمكن اسبوع مجود على كلمة يالله في كل وقت يرددها حتى انا اقول شكله يحمد ربه ما مات ومن هاليوم حرمت اطلعه بدون القفص واخليه مو على يدي

هذا احد المواقف وان شاء الله راح اذكر مواقف اخرى واكيد راح تصير لي مواقف مع الطير الجديد ميمو

طبعا من اللحين بدة الغيره في كوكو لاني جبت ميمو معاه وان شاء الله راح اذكر لكم مواقفهم لما تصير