رائحة البادجي لاتطاق..ماالحل؟؟

[abu-khuzaim]

السلام عليكم ورحمة الله

قرات المواضيع الي تتكلم عن ترويش (تحميم)البادجي وشفت مقاطع ايضا..

العصفور يروش نفسه بنفسه ... لك البادجي الي عندي يخاف من الماء وريحته صارت كريها

ماالحل؟؟ اروشه بالمرش نفس الي عند الحلاق؟؟ الجو الان بارد !!

هل يكفي ان يكون الحمام اعزكم الله دافئ واروشه بماء فاتر وانشفه ؟؟

واذا روشته اتوقع الريحه ماراح تروح الا بشامبو ... هل شامبو الاطفال يضر العصفور؟؟

او يكفي الماء فقط؟؟

يمكن تجفيف العصفور بالسشوار(مجفف الشعر)؟؟

قريت رد للاخت tota_09 تقول انها تروش العصافير كل اسبوع واتنمى ترد على موضوعي هذا ..


............

كنت اعتقد ان الي عندي انثى ومن خبرتي البسيطه من هل المنتدى الرائع عرفت انه ذكر

الكير لونه بنفسجي فاتح لكن ماعرفت احدد العمر ....فيه اسواره على رجل العصفور

لكن ماعرفت اقراها فيها رقم 19 ورقم 11 ورقمين ثانيه جنبها حرف R

ان شاءالله بنزل صور العصفور قريبا لانه بادجي انجليزي حسب كلام البائع لكني شاك انه استرالي..


وشكرا,,,

[سمؤ إنسأنـ]

بنتظر الصور

والحين برد ممكن انهم يموتو او شي لكن لو هم موجدين دخل البيت والجو يعنى حلو حط لهم صحن ماء ورح هم ينزلو ويتروشو فيه

[abu-khuzaim]

شكرا على ردك اخوي ... حطيت بس مافي فايده!!

العصفور الي عندي غير كل عصافيركم خخخخخخ

اكل غير الحبوب مستحيل ياكل لا جرجير ولا بيض بالقصمات ولا خس ولاموز ولا اي شي حبوب بس

واغرب شي خخخخ قصيت جناحه والطيران عنده ماتاثر ابدا مشاءالله خخخخخ

صراحه بديت ازهق من توليفه لانه عنيد ...

[tota_09]

ياهلا والله اخوي
انا عندي زوجين اروشهم بالبخاخ حق المويه
مره بالاسبوع
صح يطيرون داخل القفص ومايبون بس اتم وراهم لما اروشهم
بس مااستخدم مجفف الشعر اخاف
احطهم بغرفه دافئه واغطي القفص بس اخلى جهه مفتوحه
ربع ساعه ولا هما ناشفين
ولافيهم مويه بس اشيل الاكل من عندهم قبل ماروشهم
بساعه
طيورك زي طيوري سويت لهم بيض وبقسماط
احط لهم فواكه وجرجير وخس لاكن للاسف ماياكلون
مع العلم استخدم اغلب طرق
منها التجويع ومنها اني اضع الاكل بوسط الحبوب
لاكن للاسف ولاياكلون ابد غير الحب

[أحمد العوضي]

السلام عليكم

لا افضل هذه الطريقة لانه اذا الطير اراد الماء فسوف ينزل لها لوحده ويستحم , ممكن يمرض وتخسره لا سمح الله

لذلك اتركه كما هو وعلى راحته لانك ما راح تكون افضل منه بالعناية بنفسه .. كما ان طيور البادجي نظيفه جدا وتستغرق اغلب الوقت وهي تنظف بنفسها الا اذا كان يوجد به مرض معين

وسبب الرائحة هو عدم وجود تهوية بالمكان اللي واضعه فيه .. واهتم بالتنظيف ولا تترك البراز فترة طويلة

[abu-khuzaim]

اخت tota

شكرا على الرد ... الي فهمته انك ترشيهم فقط ؟؟ يعني بدون ماتمسكيهم؟؟

مثلا ترشي الماء الين تحسي ان الريش مبلول فقط ؟؟وهو يكمل الباقي؟؟

امس جوعته وحطيتله بيض بالبقصمات وحطيت معاه حبوب ولكن بلا فايده

واحلا شي لاعصب علي وصار يصرخ يبي الاكل اول ماحط الحبوب المسه وامسكه عااادي يكون رايق خخخ

بس بديت ازهق وافكر ابدله بفرخ ...

[abu-khuzaim]

اخي احمد اشكرك على الرد ...

كلامك صحيح بس زهقت من ريحته واتمنى اشم ريحته نظيف ... وهو لله الحمد مافي اي مرض

وتنظيف القفص يوميا ...والتهويه ممتازه ..لانه معاي بنفس الغرفه ...

[لعبة الايام]

انا بعد ما افضل هدى هده الطريق في الترويش لانه تاخر الانتاج والسبب اجبارك وازعاجك لها طول الاسبوع بترويشها غصبا عنها
الطيور عامتا لم تتعود بوجود مياه نضيفها راح تتروش بنفسها في الوقت الي هي تحس انه محتاج الى انها تتروش
انا عندي المينو ما علمته على الترويش بس عنده اناء وقت تبديلي له الماء على طول يتروش
والبادجي ايضا صحيح ان تربيتي في سلاكه جماعية بس متوفر لهم اناء نظيف يتروشو منه كل يوم
كل هدا من تعويد الطائر بوجود مياه نظيفة ودافئه
اما الاطعمة الاضافة
انا اول الايام كنت اعاني من عدم تقبلهم للاطعمه مثل البيض بالبقسمات والخبز المبلول بالزبادي
وايضاء الفواكه والخضروات صبرت عليهم بعض الوقت والحين ما شاء الله عليم يفضو هده الاطعمه على الحبوب
وهدا بينفع بعدين اكثر عند وجود الفروخ لما الابوين يكون متعودين على هده الاغدية

انت الحين اعمل على ترويشهم بالمرش الى ان تخف حالته وتزيل الرائحة الكريهة ولاكن تحتاج الى مكان دافئ
خالي من وجود اي تيارات باردة

[abu-khuzaim]

شكرا اخوي لعة الايام..

بس انا ماابحث عن الانتاج نهائيا .. ابحث عن التربيه ويكون اليف... وهذا الي خلاني اشري عصفور واحد فقط..

افكر ابدل عصفوري بفرخ حتى يكون تدريبه سهل ...ولكن صار عشره ومتحسف ابدله ...

بحاول فيه هل يومين احط له ماء داخل القفص وان شاءالله ربي يهدي ويتروش ...

واذا مانفع المرش هو الحل الوحيد ...

بالنسبه للاكل الاخر والفواكه كم اخذت منك المحاولات الين رضا ياكل غير الحبوب؟؟

[لعبة الايام]

كويس انك مكتفي بطائر واحد
التدريب يحتاج الى صبر وهدو في التعامل مع الطائر حتى يحس لم تقترب له ما راح تضر بشي
وادا تحس حالك انك ما تقدر على تدريب هدا الطائر وتلاقي صعوبه في التعامل معه
استبدله بفرخ بعمر من 3 اسابيع الى 4 اسابيع
فهدا راح يسهل عليك مهمة التدريب ولاكن يحتاج انك تخصص له وقت لانه ما راح يقدر ياكل بوحده في بداية الامر
ولا تنسى الوقت الي بتكونه فيه في الدوام مين راح يعتني فيه
التدريب يحتاج الى واحد متفرغ وخاصتا في بداية الامر
بس ادا انت نوي على التدريب الله يقدم لك الي فيه الخير وبالتوفيق