تكفون يالنشاما طيري مريض و بيروح من يدي الحقوني

[النورس الماسي]

ابشر الجميع الطير بصحه وعافيه
واسف لتاخري لطرح النائج
لاني كنت عمال احاول اني اعالج الطير دون اللجوء للعمليه
ومن ذاك الوقت لين قبل اسبوع انا شغال بالطير والزكمه معاه ماهي راضيه تخف منه مع اني استخدمت كل العلاجات الممكنه من تايلان وعلاجات اخرى وكانت فتحات خشومه تتسكر وكنت في اليوم انظفها له مرتين واقعد اشفط الي في انفه بواسطه شفاطه الانف حقت الاطفال وكنت احط له بندول حق الجيوب الانفيه حاط حبه في قارورة مويه صحه صغير وحاط ربعها مويه وكنت احط غطايه منها في المشربيه حقت الطير عشان لا تلتهب الجيوب الانفيه عند الطير لانه كان احيان عينه تتنفخ واقعد امسحها له واقطر فيها نقطتين من التايلان في عيونه
وكان الوضع ماشي الزكمه خفت بشكل بسيط لين صارت فتحه وحده من خشومه هي الي تتسكر وكنت انظفها له باستمرار
المهم بعد هذا كله الغده الي تحت المنقار كانت خافه عن اول كثير لكن برضه كانت متورمه لين قررت وقلت يا ولد ما بدها مالك غير انك تسويله العمليه لاني كنت حاس ان الاحتقان الي في الغده هو الي مخلي الزكمه ماهي راضيه تفك
ووديته لطبيب بيطري قالي مالك غير الجراحه او انك تنتظر عليه الغده ماهي كبيره قلت له ماني منتظر سويله العمليه والامر لله وسوى له العمليه ولله الحمد الطير اموره صارت عال العال بفضل الله وراحت الزكمة نهائيا لا خشوم مقفله ولاهم يحزنون والطير تحسه ارتاح عن اول كثير ورجع لتصفيره وهروجه وتنقيزه ولله الحمد
هذا كل الي صار معاي من طقطق لين السلام عليكم


واشكر كل الاخوان الي كانو متفاعلين مع الموضوع وجزاهم الله كل الخير