الحمد لله علي كل شئ

[swordfisher]

امس كان اول ايامي مع حوضي الجديد ولم يبدو به اي شئ خطا كله تمام

ولكن اليوم استيقظيت علي صوت كسر به وفضيان المياه منه من لا شئ وموت معظم السمك لكن حاولت انقاذ البعض المتبقي

[kholio619]

الحمد لله علي كل شئ الحوض اتكسر لوحده !!! اكيد في حاجه غلط او انك مستنتش علي السيلكون ينشف في حاجه اكيد غلط

[swordfisher]

السلام عليكم

اخي خوليو والله انا بعد لصق الحوض صبرت عليه يومين عقبال لما ينشف

وبعد كده جربته وحطيت فيه مياه وجربته بالمياه لمده يوم كمان

وبعدها بيوم جيبت السمك وكل شئ كان تمام لا بينقط ولا اي شئ

لغايه امبارح بس

والصبح قمت علي صوت كسر في الوجهه الاماميه للحوض اتشق نصفين

مش عارف بقي اخي خوليو هل العيب من السيليكون ولا ايه بالظبط

لان ما حدش قرب منه

[kholio619]

اكيد السيليكون مالشو دخل لانك بتقول الكسر كان في الامام وليس في الآطراف

يبقا حاجه من الاتنين

اما ان سمك الزجاج قليل علي عدد الترارت
اما ان نوع الزجاج ردئ

هو حوضك كام لتر ؟

[swordfisher]

هو الحوض 60 * 40 * 30 قسمته علي 1000

طلع لي 72 لتر و سماكه الزجاج 6 مم

يا ريت يا اخي خوليو توضح لي السبب ان امكن

[عاشق الحوض]

اولا الحمد لله فعلا على أن محدش أتصاب لو كان جنب الحوض
ثانيا أنا أسف جدا لخسارتك دى من أولها كده
لكن أهم شئ أنك لا تسمح للشعور بالأحباط و الكأبة بالأقتراب منك ففى الحياة بشكل عام كثير من الناجحين و المشاهير و الأثرياء كانت بداياتهم محبطة و بائسة بشكل غريب و الأغرب أنهم لم يستسلموا للفشل ،

و فى هذه الهواية الجميلة و الراقية جدا ستجد أن أكبر مربى الأسماك و أصحاب أكبر الأحواض و أجملها كانت بدايتهم مليئة بالصعوبات و الفشل و الخسائر لكن الأصرار و المثابرة هو ما يصنع النجاح

جيد أنك بدأت بالحمد فربنا فعلا يستاهل الحمد فى كل حل و على كل حال
يجى بعد كده محاولة التفكير بهدوء فى أسباب ما حدث ، و أنا شخصيا أتفق مع أستنتاج أخى الكريم خوليو أن السبب هو الزجاج أما ضعف أو رداءة صناعة و أحب أيضا أن أضيف أيضا أن تتأكد أن سمك هذا اللوح المكسور مساوى لنفس سمك باقى ألواح الحوض فضغط وزن الماء الذى لا يستهان به يضغط على أضعف نقطة فى الحوض ليكسرها خصوصا إن كانت غير مدعومة بمساكات ( مساطر) أعلى الحوض مثل مكان الكسر عندك
نصيحتى الأهم لا تيأس و أبدأ من جديد
لكن مع الحرص فى فك الزجاج المكسور من السيلكون حتى لا تجرح نفسك
ربنا معاك

[swordfisher]

جزاك الله كل خير اخي عاشق الحوض

وان شاء الله نصائحكم كلها تتحط في الحسبان

اكرمك الله واعزك

[usama_brhm3]

اذا كان الكسر بالزجاج يكون عيب من الزجاج وعند شراء الزجاج يجب مراعاة الاتي
1 - لا يوجد به بزوز
2 - لايوجد فقاعات هواء
3 - لا يكون الزجاج به ريجا ( عالي وواطي)