كيف اجيب طيور من برا البلد ارجو عدم المسح

[قاهر الايام]

هلا اخوي

اذا انت بتسافر بنفسك اتوقع انها كلش سهله

انا كنت ابي اعرف الطريقه اذا كنت بجيب عن طريق النت

المهم اخوي دام انك انت بتسافر الطريقه اسهل

المهم اول شي لازم تروح المحجر الصحي وهذا يصير على شارع الضلع انا ما ادله بالضبط لكن ادري انه هناك

المهم اول شي تسالهم وتشوف البلد اللي ناوي تجيب منها اذا مسموح تستورد منها او لا واتوقع المانيا مسموح تستورد منها

المهم وتطلع لك ترخيص اتوقع سعره في حدود دينار او دينارين وبما انك ما تملك سجل تجاري اذا ما خاب ضني مسموح لك تدخل 20 طير زايد او قاصر ما اذكر بالضبط بس اللي الكلام اللي اقوله لك قاله لي واحد يشتغل في المحجر في احد منتديات الطيور

المهم بعد ما تطلع الترخيص تتوكل على الله وتسافر وتشتري الطيور اللي تبيها وبعد ما تشتريها توديها بيطري علشان يفحصها ويطلع لها شهاده او مثل ما يسمونه جواز علشان تقدر تستوردها وتدخلها البحرين
وعلى ما اعتقد تحجز لها عالشحن واتوقع هذا من المطار تحجز وانت اذا صرت هناك او اذا رحت المحجر في البحرين اسألهم عن كلشي وتأكد

المهم بعد ما تخلص كل اجرائات التصدير من المانيا وترجع البحرين ان شاء الله بالسلامه راح يستلمون الطيور من المطار وراح ينقلونهم المحجر للفحص واجرائات قانونيه بالعاده ما تطول يمكن في نفس اليوم تخلص الاججرائات ويمكن تطول ليوم ثاني طبعا يستلمونهم من المطار ويعطونك ورقه علشان تستلمهم من المحجر طبعا راح تملي استماره بمعلوماتك ووقت اللي تخلص الاجرائات راح يتصلون فيك علشان تستلمهم منهم

ومثل ما قلت لك انت اذا رحت المحجر اسألهم عن كلشي لا تنسى شي اسالهم عن الاجرائات كلها في البحرين وخارج البحرين كلشي مطلوب علشان بعدين لا يقوولون لا انت ما سويت جذي ويصادرون الطيور

وان شاء الله تروح وترجع بالسلامه وان شاء الله تلقى الطيور اللي تتمناها

اخوك قاهر الايام