تجربة مريرة لم تنتهى ومتوقع أنهيار الحوض فى اى لحظة ... أغيثونى

[العقرب الامبراطوري]

المشاركة الأصلية كتبت بواسطة lhmansour

السادة المشرفين واعضاء المنتدى الكرام ..أغيثونى حرصآ على أرواح السمك

هذه هى أول مشاركة لى فى المنتدى فأعذرونى إن لم اجيد عرض الموضوع .. بداية وبدون أى مجاملة يجب شكر القائمين على هذا المنتدى الرائع لما يحتوية من معلومات ثرية وهامة ..

انا هاوى جديد لتربية الأسماك أعشقها منذ زمن وكانت لى تجربة سابقة منذ عدة سنوات وفشلت ولما زاد الضغط النفسى على اليومين دول قررت أحاول مرة أخرى ..

عندى حوض سمك 50X30X30 مفروش جرش ملون وبة فلتر (JAD) 300 لتر/ساعة وأثنين ماتور الأول ملحق بلعبة والثانى موصل بمسطرة 45 سم وزرعتين صناعى .

و عليكم السلام و رحمة الله و بركاته المفروض تقرا المواضيع المثبتة قبل البدء بالهواية
الجرش الملون يحول الى جرش طبيعي و الفلتر قوي جداً على الاسماك
اما الأكل فأنا بشكلهم كل يوم حاجة مرة قشرومرة الحبوب الصغيرة المدورة ومرة علف وجبتلهم مرة دود .

أنا بدأت الحوض بالأتى : 1 بلاكستموامس كبيرة+ 1 بنجاسيوس كبيرة + 2 جرامى + 1فايتر + 2 بلاك مولى + 2 ترسة صغيرة

وفى نهاية الأسبوع الأول جبت : 5 تايجر + 5بلاتى + 1 ثعبان لا اعرف أسمة لكنة يشبة ثاعبين الأرض العادية وطولة حوالى 20 سم .

وكنت لما أجيب سمك جديد اضعه فى الحوض بالكيس حوالى 15 دقيقة ثم أصب الكيس بالمية بتاعتة فى الحوض .

وبعد يومين الصبح لقيت واحدو جرامى ميتة وأثنين بلاتى واخر النهار ماتت البنجاسيوس والجرامى الثانية ثم ألكات فيش وباقى البلاتى.. لم يكن تظهر اى اعراض على السمك الميت لايوجد تأكل زعانف او امراض ظاهرة وفى النهاية لقيت الفايتر عايشة بس متشرحة مفيهاش حتة سليمة وذيلها كلة بالكامل متاكل ومضروبة ومعضوضة من كل حتة .

مش عارف المشكلة مركبة هل مياة الحوض مش مضبوطة .. هل الترسا هى السبب .. هل الثعبان .. لا أعرف

المهم فضيت الحوض كلة وغليت الجرش ونظفت الحوض وجبت سمك جديد كل دة امبارح والنهاردة .. الصدمة بقى أن أحد اعز أصدقائى حب يكرمنى فجالى وجاب لى مجموعة سمك تملى الحوض لوحدة اللى هو أصلا مليان .. الوضع دلوقتى كالأتى :

1 بلاكستوماس كبيرة - تستبعد
7 تايجر بارب - تستب

2 بلاك مولى

4 جرامى دوارف

2 جرامى (Honey) كبار جميع الاسماك باللون الاحمر تستبعد
3 كات فيش

4 بلاتى
2 نيون تترا تبقى
4 بلاك فانتوم تترا تبقى 1 سلفر شارك تستبعد
1 سمكة الريشة ( بلاك جوست نايف ) تستبعد
1 سمكة البغبغان ( بدأت تظهر عليها أعراض النقط البيضاء ) تستبعد
وخارج الحوض 2 ترسا فى طبق بلاستيك لوحدهم ( تستبعد و يتم بيعها )
وجبت حضانة صغيرة فيها 2 مولى مصابين بالنقط البيضاء وحاطط معاهم الثعبان وواضح انهم خايفين منة واخدين ركن فى جنب الحضانة .

المشاكل التى تواجهنى الأن .. وهى أسئلتى :

1 - عدد السمك كبير جدآ على الحوض ( أسيب أية واستبعد اية ) كتبتها فوق
2 - ما هو السمك اللى ممكن يعيش فى الحضانة أو فى بلورة زجاج من غير فلتر ( بماتور هواء فقط )

لا يوجد اي سمك يعيش في البلورة لانك ما تقدر تخلي فيه سخان اما الحضانة مخصصة لصغار الاسماك
3 - اعمل اية مع البغبغان اللى جالة النقط البيضاء وانا سمعت انة غالى .

معناها بيع السمك
5 - الانواع دى كلها تأكل زى بعض ولا فية بعضهم لية أكل مخصوص .

اقرا عن كل نوع
4 - هل كل الأنواع دى متوافقة مع بعض

لا توافق بتاتاً اخي الكريم
5- انا لاحظت أن البلاك مولى بينقر فى الجرامى كلة الصغير والكبير ( أفصلهم ولا أسيبهم )

تستبعد المولي و الجورامي حوضك لا يكفي لهم
6 - مش لاقى ملح خالى من اليود هل أحط ملح طعام عادى والكمية اد اية

اخوي لا يحتاج الملح و لا تستطيع وضع ملح الطعام
7 - دواء اللانتى كلور المحل اللى باعهولى بيقولى حط 30 نقطة على الحوض كل يومين (هل هذا كثر ام قليل) وبعد كدة اعمل اية

اخي مكتوب على العلبة كم تحط في الحوض
مش عارف انا مش متفائل بالوضع عندى ومش عارف اعمل اية وصرفت كتير اوى وضميرى بيأنبنى على السمك اللى بيموت بسبب جهلى ...

أغيثونى فرج الله همكم .. ارجو أن اجد اجابات مستفيضة على كل الأسئلة اللى فاتت .

اخي ادا كنت تهتم فعلاً فبيع السمك و ابقي اسماك التترا و ابدا حالياً بقراءة المواضيع المثبتة بالفهرس للمبتدئين

الثعبان هو سمكة و لا يربى داخل حضانة ايضاً يستبعد و السلاحف يتم بيعها لانها لا تعيش مع السمك و تربيتها صعبة تحتاج الى تشميس و حوض كبير و سخان و مقياس حرارة الكتروني و اكل خاص

القياسات المفروض لحوضك
قوة الفلتر : 450
السخان : 50 واط
درجة الحرارة : 25