ابو فهد .. علي .. الرازم .. كل من له خبره في التدريب يدخل

[Abo_fahed]

وعليكم السلام ورحمة الله وبركاته ..

اهلين وسهلين اخوي

علينا وعليكم وتعودونه بالخير ان شالله ..

-ـ-ـ-

انا راح اشتري كلب جيرمن شيبرد طبعا مو بيور لاكن مستواه 75 %

المستوى لا يعتبر عامل مهم جدآ في عمليات التدريب

اهم شي مميزات الكلب الفطرية أو الوراثيه :-

1 - البري درايف >> مطاردة الاشياء

2 - فايت درايف >> الهجوم والشراسة

3 - بروتيكشن درايف >> الدفاع والحراسة

بعدين تأتي المميزات الخارجية للكلب

وكم كان من الكلاب العمياء كانت >> حارسة ممتازة وتم استعمالها في عمليات التقفي

لكن. << !

مانقول مثلا كلب فيه اعاقه بالرجل >> لان هذا ماراح نجهده بالتمارين والتدريبات

-ـ-ـ-

الكلب اجتمااعي يعني ماينبح عالغريب ولا يحرس

فقط مدرب طاعة

افضل شي صراحة

اهم شي يكون الكلب اجتماعي >> وهالشي راح يخليه حارس قوي لان ماعنده خوف من الناس

وصحيح ان الشراسة = الخوف

لكن << !

الخوف نوعين :

الخوف من الشي

الخوف على الشي

والشراسة عند الكلب يجب ان تكون = الخوف على الشئ

على سبيل المثال :

خوف الام على جرائها

لان الخوف من الشيء سببه عقدة بسبب سوء معاملة ويحتاج الى تأهيل من جديد

-ـ-ـ-

لمى اشتريه هل راح اقدر ادربه تدريب شراسة ؟؟ مع العلم انه اجتماعي

مثل ماوضحت لك بالاول اهم شي انه اجتماعي

الكثير من الناس يغلط ويقول اذا الكلب اجتماعي ماينفع حراسة !!

هذا اكبر غلط

لان التاسيس الاجتماعي هو تأسيس الكلب على كل شي تريده ان يصبح

-ـ-ـ-ـ

بخصوص التدريب اكيد تقدر تدربه ولاتنسى ان الفصيلة >> جيرمن شيبرد

لكن في البداية لازم تعرف شغلتين مهمتين جدآ جدآ :-

1 - الحرص الشديد بالتدريب

2 - الصبر ثم الصبر >> ماكو شي يجي بالساهل

-ـ-ـ-

تدريبات الشراسة تكون بعد عمر الـ سنة يعني >> 13 شهر

حتى يكتمل نمو الكلب بالكامل :

الجسد >> لكي يتحمل التدريبات

الفك >> وهذا شي اساسي لعملية التدريب وخاصة العض

التفكير >> لان الكلب صغير يأخذ التدريبات على انها لعبة ومرح بالنسبة له

-ـ-

وان شالله بس يوصلك الكلب ويتعود عليك وتبني معاه علاقة قوية

ولاتنسى << !

ان تردد عليه اوامر الطاعة >> لانها المفتاح الاساسي لعملية الشراسة والحراسة

-ـ- حتى يمكنك التحكم على تصرفاته -ـ-

ولاتنسى <<

التغذية الصحية للكلب :

من صدور وكبد الدجاج المسلوق أو الاغذيه المخصصة للكلاب

-ـ- حتى يتم نمو الكلب على افضل وجه -ـ-

ولاتنسى << !

التحصينات وافحص دفتر التحصينات الخاص بالكلب واحرص على اعطاؤه التطعيمات في وقتها

-ـ- حتى تقوي وتعزز صحة الكلب -ـ-

ولاتنسى << !

التمشية اليومية للكلب والركض والهرولة والقفز

-ـ- حتى تقوي عظامه وتزيد من رشاقته -ـ-

كل هذه الامور اخوي العزيز تؤهل الكلب >> للحراسة الممتاز


-ـ-ـ-

بعد ذلك سيكون لنا حذيث آخر باذن الله وسنتناوله بالشرح الكافي والوافي لك

لان الحراسة والشراسة موضوع طويل

لاتسبق الاحداث الحين وسو الي وصيتك عليه يالغالي

-ـ-ـ-

ومبروك عليك مقدمآ يالغالي ولاتنسى تنزل لنا صوره عشان نفتخر فيه بقسم الصور