الكاسكو الهولندي

[شامخ رغم انكساري]

السلاام عليكم ورحمة الله
واسعد الله اوقاتكم بكل خير
اخواني انا عندي سؤال محيرني له اسبوع
وقلت مالي الا اعضاء توزوو هم الي بيعطوني الجواب
طبعآ السؤال هو بخصوص الكاسكو الهولندي لي اسبوع ادور بالنت هولندي يكون عمره على الاقل سنه ومالقيت كل الي موجود فرووخ من عمر 6 شهور الي 8 بس
حتى بسووق الحمام كل الي موجود فروخ
وش السبب ياجماعه
يعني معقوله مافيه الا فرووخ ؟
او انها ماتتعدى هالعمر وتموت ؟
ويومكم ورد

[الكاكي]

لا موجود ولكن قليله لانها تموت قبل تصل الى عمر السنه بسبب قلة مناعتها من الامراض

[صاحب الشاطي]

و الله انا الي سمعته عكس كلامك اخوي ( الكاكي )

يقول احسن عمر يكون 7 شهور لكي يكون الخطر اقل من قبل

يعني الي بيموت اكثر بيكون من 5 شهور و تحت

اسمحلي انا معلوماتي مب كثيره و مب قدر خبرتك بس انا الي اعرفه كتبته

[شامخ رغم انكساري]

المشاركة الأصلية كتبت بواسطة الكاكي

لا موجود ولكن قليله لانها تموت قبل تصل الى عمر السنه بسبب قلة مناعتها من الامراض

فديت قلبك والله يالكاكي على سرعة تجاوبك
والله انا لي شهر قاعد بسوق الحمام وماشفت ولاواحد عمره سنه او اكثر
حتى هنا بالمنتدى ماشفت كلها فروخ
عشان كذا انا مستغرب
والي من جد يخليك تستغرب بقوووه
في محل بسوق الحمام جيته تقريبآ قبل شهر ونص او شهرين وكان عنده مجموعه كبيره
من الهولندي وفي شبك واحد والنضافه تحت الصفر والطيور فوق بعض
ومريته قبل يومين والاقى نفس الطيور موجوده ومثل ماهي
قلت في نفسي الحين على هالوساخه وقل العنايه وعايشه مثل الفل ماشاء الله
واحنا مجرد مانشتريه ونعتني فيه ومضادات وقلق ويموت

[شامخ رغم انكساري]

المشاركة الأصلية كتبت بواسطة صاحب الشاطي

و الله انا الي سمعته عكس كلامك اخوي ( الكاكي )

يقول احسن عمر يكون 7 شهور لكي يكون الخطر اقل من قبل

يعني الي بيموت اكثر بيكون من 5 شهور و تحت

اسمحلي انا معلوماتي مب كثيره و مب قدر خبرتك بس انا الي اعرفه كتبته

اسعدني تجاوبك اخوي الشاطي
هو صحيح اخوي الشاطي كلاامك
ولااكن السؤال ليه مانشوف بالسوق الا فروخ ماتتجاوز اعمارها 8 شهور
يعني لوتدور هولندي عمره سنه وفوق ماتلقى الا قليل جدآ
هل معناته انه قليل الي يتجاوز هالعمر ومايموت والا وش السالفه
ومع العلم ان سعره غالي بعد على قلة فرصته في العيش والاعمار بيد الله

[ولـد الديـرة]

السلام عليكم
دش على المواضيع المثبته احسن
لانه اعمارهم من 6 الى 8 شهور هي احسن لانه بداية التعلم وتاكل بروحه ويكون مناعتها اكثر من الصغيره
واذا صار عمرها اكبر يكون صعب التعلم واحسن عمر في بداية التربية هي من 6 الى 8 شهور لانها من الطفل

[qassem]

وانت ليش تبي الي عمره سنه خذلك واحد عمره 6 شهور احسن عشان يتعلم الكلام بسرعة

[hazzz]

اخي الفاضل

حسب خبرتي المتواضعة في تربية الفروخ الهولندي

نادر جدا انك تحصل فروخ هولندي بعمر سنة عند التجار لانه ببساطة شديدة ان افضل عمر لبيع

الفروخ عند المحلات هو من 5 الي 8 شهور تكون دوبها مفطومة وتطلع علي اليد واليفة ومطلوبة عند

الهواة ولكن بعمر سنة تكون بدات الكلام ويكون سعرها غالي مو متل الفروخ اللي ماتكلمت

وانا شخصيا اعرف عدد كبير من الهواة وانا منهم عندنا فروخ بعمر سنة واكبر ولكن غير معروضة للبيع

لانها تعدت عمر الخطر وبدات الكلام واستحالة انهم بيفرطوا فيها باسعار الفروخ المعروضة بالسوق

ارجو ان اكون وفقت في الرد علي استفسارك من وجهة نظري المتواضعة

[كاليبسو]

السلام عليكم
اضم صوتى الى
غير معروضة للبيع

لانها تعدت عمر الخطر وبدات الكلام واستحالة انهم بيفرطوا فيها باسعار الفروخ المعروضة بالسوق

ارجو ان اكون وفقت في الرد علي استفسارك من وجهة نظري المتواضعة

[zxooozx]

المشاركة الأصلية كتبت بواسطة hazzz

اخي الفاضل

حسب خبرتي المتواضعة في تربية الفروخ الهولندي

نادر جدا انك تحصل فروخ هولندي بعمر سنة عند التجار لانه ببساطة شديدة ان افضل عمر لبيع

الفروخ عند المحلات هو من 5 الي 8 شهور تكون دوبها مفطومة وتطلع علي اليد واليفة ومطلوبة عند

الهواة ولكن بعمر سنة تكون بدات الكلام ويكون سعرها غالي مو متل الفروخ اللي ماتكلمت

وانا شخصيا اعرف عدد كبير من الهواة وانا منهم عندنا فروخ بعمر سنة واكبر ولكن غير معروضة للبيع

لانها تعدت عمر الخطر وبدات الكلام واستحالة انهم بيفرطوا فيها باسعار الفروخ المعروضة بالسوق

ارجو ان اكون وفقت في الرد علي استفسارك من وجهة نظري المتواضعة

رد 100% مضبوط

والمرض مايفرق بين محجل او غير محجل

اولا امر الله وقضاؤه

وثانيا يعتمد على نظافة الاكل والمكان وملائمة البيئة التي يعيش فيها الطائر وخبرة صاحب الطير