مشكلة تخوف كلبي يطلع من انفه دم

[Nona999]

مشاءلله تبارك الرحمن يتربى بعزك ..

واخوي فيه كذا مشكله ..

اولا الغرفة وفيها تهويه ماتكفي انت تعرف ان جونا حار احنا ماتحملناها عشان كلب قطبي يتحملها ممكن البروده يتحملها بس الحر لا ابدا والهواء اللي يجيه هوا حار مو بارد عشان يعتدل الجو عنده..

و الحمدلله ان ربي اكرمنا بالغدد العرقيه اذا حسينا بحر ..

و الكلاب ماعندها غدد هذي فـ تختزن حراره داخل جسمها حط نفسك مكانها ( الله يرفعك و يكرمك )

تختزن الحراره بجسمك ولا تطلع كيف بتتحملها و هذا طبعا غير الفرو اللي عليه

وتعرف جاينا طباخ التمر ( الحر الشديد ) لازم تلحق وتحط مكيف لكلبك لان الحراره ماتستحمل ولو تلاحظ انه يدخل يده داخل طبق المويه او يكب المويه ويجلس عليها ..

ثانيا بالنسبه للاكل

الدراي فود مع الدجاج كويس ,, ولكن اكبر غلط انك تعطيه عظام وعظام الدجاج صغير ~> لانها تسبب بتمزق جدار المعده والامعاء وممكن تسبب له امراض لجهازه الهضمي مستقبلا فـ احنا من البدايه نحاول نبعد عن هذي الاشياء ..

--------------

وانا اتوقع ان الدم اللي يطلع بسبب الحر ..

لان الدراي فود يعطي للكلب طاقه عاليه وحراره ومع حرارة الجو ..؟ (الله يرحمنا يعني )

وانت على كلامك ماتلعب معاه الا فـ الليل ومع اللعب انت نفسك تحس بحر فما بالك هو ..؟

وبخصوص كلامك (من بقايا المطاعم ) اكل المطاعم كله بهارات والبهارات تضر الكلب وممكن تسبب له تساقط شعر وحساسيه ومعده الكلب ماتتحمل البهارات لسى صغير عمره 5 شهور و هو غني عن هذي الامراض..

وانا افضل انك تعطيه دراي فود الخاص فيه + تسلق له صدر دجاج او لحم او كبد دجاج وتبعد عن البهارات والعظام والشحوم والدهون والاكلات الضاره بالكلاب ..

و اتمنى انك تنتبه لكلبك عن الحر وتهتم بالتحميم والتغذيه هي اساس مستقبل الكلب ..

وانا افضل انك توديه للبيطري عشان تتطمن عليه اكثر ..

والهاسكي كلب جميل مشاءلله ..



موفق