الرجاء المساعدة بسرعة جرائى في خطر

[king-01]

السلام علكم و رحمة الله و بركاته

شباب عندي جرءأعمارهم 8 أيام يتغذون من أمهم بصورة عادية المشكل أني لاحظت أن بطونهم كبرت بصورة غريبة و السبب أنهم من يومين لا يقضو حاجتهم فالرجاء المساعده العاجلة

[Musab Pro]

اولا جيب لهم صور .

الجراء بالعاده يصيرون دببه و مربربين .. ممكن الشي اللي انت تتكلم عنه طبيعي .

ثانيا الام تنضف اوساخ الجراء مباشره .

يعني لا تتوقع تشوف فضلات بالمكان .. الام تنضفها اول باول .

تاكد يالغالي من اللي يصير وياك واجلس عندهم ساعه او ساعتين و راقب الوضع .

[king-01]

هذه صور بعض الجراء حجم البطن غريب

[zErOkA]

اخوي الصور مو طالعه

[bonbon]

اخوى مثل ما قال لك الاخ مصعب
دائما الام تقوم بهذه العمليه
عمليه التنظيف
لا داعى للقلق
عن تجربه شخصيه
وياريت تجيبلنا صورهم
يتربو بعزك وتقبل مرورى

[Musab Pro]

حسب اللي اشوفه بالصور هذا الشي طبيعي يا صديقي .

ايضا حسب الصور اللي لونه رصاصي اعتقد انه موصخ ! .


ونصيحه نصيحه يا اخي الكريم .. اهتم بنضافة مكان الجراء تراهم جدا جدا جدا حساسين

[madtaz]

طبيعي جدا انه بطنهم ينتفخ

لكن اذا بقيت النفخة فترة طويلة ولاحظت فعلا انهم ما يخرجون الفضلات

اعطيهم ابرة الدود ( يكون في في بطنهم دود )

وعلي الحالتين الامر عادي جدا وما يحتاج الخوف

[Abo_fahed]

السلام عليكم ورحمة الله وبركاته..
الاخوان كفوو وفوو ماشالله عليهم الجراوي حلوين الله يخليهم لك ان شالله
وبخصوص الاخراج اذا راقبتهم ولم يخرجو سو عملية تدليك خفيفه وسلسه على البطن ( مساج ) حتا تشجع الجرو وتسهل عملية الاخراج ( يكرم السامع )
وتقبل مروري

[الموسوي]

اخوي هذا شيء طبيعي لأنها توها جراء ولا يستطيعون الحراك بشكل مستمر

انتظر عليهم شوي راح تشوفهم انهم طبيعين ومافيهم شيء

تحياتي