استفسار عن طيري الكروان

[alsindrella]

النسبه للتسبيح حقولك طريقه مجربه
1- الافضل كتير ان يكون التسبيح بالنهار و ليس بالمساء فعلا بتفرق كتير و عن تجربه
2- الحجره التى سوف يوضع بها الطير بعد التسبيح تكون قبل موعد التسبيح بساعه مغلقه و مشغل فيها دفايه زيت
و طبعا يكون الطير خارج هذه الغرفه قبل التسبيح
3- عند الاطمئنان ان الغرفه اصبحت دافئه نبدأ بتسبيح الطير بالطرق اللى وصفها الاخ الفاضل الطائر الغامض
4- نضع الطائر فى منشفه و نروح به الى الغرفه الدافئه
5- نضع الطير فى قفصه بجانب الدفايه
6- بعد ساعه تقريبا حيبدأ الطير يجف و حتلاحظ ان الطير بعد التسبيح بينام بعمق فلا تقلق عليه و ممكن يرتعش بسيط عادى لا تخاف هذا طبيعى حتى فى الصيف يحدث ذلك
7- بعد الجفاف التقريبى و الطير صحى من النوم نبدأ نقلل درجه حراره الدفايه
و بعد شويه نطفيها خالص مع ابقاء الباب مغلق
8- و عند الاحساس ان درجه حراره الغرفه اصبحت قريبه من درجه حراره باقى الشقه بأمكانك فتح الباب و اخراجه لغرفه اخرى او كما تريد
و ده تقريبا بعد حوالى 4 ساعات بعد التسبيح

دى طريقتى فى الشتا و اتبعها كل اسبوع
و يا رب اكون افدتك و نفذها و لا تخاف