أستفسار بخصوص الكاسكو , حيرني ما عرفت شو اسويله .

[هاوي مكاو]

السلام عليكم , عندي موضوع محيرني وعجزت من كثر ما حصلت حلول لكن ما فادة

عندي كاسكو من 4 شهور تقريبا عمره من 6 ل 7 شهور الطير ما شاء الله عليه , صحتة 100 من 100 , المشكله انه اللحين مكمل ما بين اسبوع ل 10 أيام ساكت ما ينطق ابدا خير شر
ما العلم انه من قبل اول ما يشوفني بجعد يصفر ويصارخ ويسوي حفله لين اجي عنده ويطلع على كتفي او على يدي , اللحين ابد ما يي على يدي ولا يصفر ولا يسوي حفله , قلت ممكن يكون فيه دود بطن ولا بكتريا وديته العياده قبل 3أيام , قالولي مافيه شي ابدا صحته الحمد لله زينه , قلت اخليه على هواه كم يوم ما المسه ولا اي شي غير اني انظفه واغيرله الاكل والماي وانظف القفص .
بس ما فاد شي ابدا حيرني , بس يوم اقرب عنده امدله يدي ينزل راسه وامسحه عليه ,واجعد اكلمه يشوفني اكلمه بس ابدا خير شر . شو الحل وياه عجزت معاه اول مره اعجز معا طيور .

يا ريت اهل الخبره يفيدوني في الموضوع .

[Octopus]

بيفدوك اهل الخبرة

[kitty]

ياحليله اكيد فيه شي مضايقه
حاول تسولف له كثير وتصلح له الالعاب وتمسح عليه .............
الله يحفظه لك

[مس^^مس]

شغل التلفزيوون أي صوووت عالي .. وشووف ايش يسوي وقتها ..

ع الاقل بيصفر ان شاء الله ..

[فوآز]

لاتخليه لحاله العب معاه سولف معاه طلع برى خليه يتمشى
تلاقيه طفشااان

[ksa-dhoom]

انا متأكد انك تحط له مكان واحد للنوم واللعب وهذا خطأ عشان ما يصير كئيب
اقعد معه وقت كثير وحسسه انك تحبه والعب معه واشتري له العاب ولا انت سوي

[ksa-dhoom]

m;2055447]انا متأكد انك تحط له مكان واحد للنوم واللعب وهذا خطأ عشان يصير كئيب حط له مكان مخصص لنوم ومكان مخصص للعب
اقعد معه وقت كثير وحسسه انك تحبه والعب معه واشتري له العاب ولا انت سوي[/QUOTE]

[هاوي مكاو]

تسلمون على الرد كلكم , كل هالكلام مسويله , مقضي وقتي وياه مب لوحده ابد , واللعاب عنده , كل شي عنده . بس ما اعرف شو فيه

[هاوي مكاو]

وين اهل الخبره

[هاوي مكاو]

نصيحه يا اخوان لا تعتمدوا على كلام الدكاتره مع احترامي لهم , ولكن افضل اللي بيودي طيره يتعالج يوديه عند عياده مختصه في الطيور , لانه البعض من الدكاتره ما يعرفون يتعاملون معا الطيور من كثر ما يتعاملون ويا الكلاب والقطاو .

وشكرا لاني مجرب هذا الشي .