هل يمكن الرجن حآليآً..؟

[صمت الأمل]

وعليكم السلام ورحمة اللهـ وبركاتهـ .


الاخوان ماقصرو بإسداء النصائح جزاهم اللهـ ألف خير .


وكلها صحيحهـ .


الدجاجهـ لو صار في رأسها ترجن راح ترجن ,, سواء العدد قليل أم كثير .. بيض مخصب او غير مخصب .


وحنا فقط نحاول نجتهد ونحثهم على الرجن ,, لايوجد أي طريقهـ تجبرهم على الرجن .


أولا ضع لهم عش ,, وممكن يكون أحد هذهـ الأعشاش :


http://www.2zoo.com/vb/showthread.php?t=206986


بعد توفير العش , اشتري لكـ درزن بيض بلاستيكي أو كور الجولف أو الطاولهـ ..


لأن الدجاجهـ راح تنخدع بها وهي ماتميز بين بيضها والبيض المزيف .. ونقدر نحول عدم تمييزها لفائدهـ لنا .


خذ أنت البيض الطازج واتركهـ في الثلاجهـ لمدهـ .. وان شاء اللهـ مايفسد طبقا للتجربة هنا :


http://www.2zoo.com/vb/showthread.php?t=210224


وبعد ماتقرر الدجاجهـ الرجن على هالبيض المزيف .. تقدر تبدلهـ بالبيض الملقح اللي بالثلاجهـ ,, والأفضل تتركهـ يدفأ لدرجة حرارة الغرفة قبل ماتضعهـ تحتها .


وايضا تقدر تشتري بيض مخصب من أنواع دجاج الزينهـ .. اما براهما أو قطني أو أي نوع ترغب بتربيتهـ .


وتتركها ترجن عليهـ وترعاهم .


ان شاء اللهـ أفدناكـ ,, وأي سؤال آخر لاتتردد بطرحهـ .