حالة مستعصية الرجاء عدم النقل

[AL'3asy]

[CENTER]السلام عليكم شباب
انه عندي كاسكو عمره سنه وكم شهر صيد مو اليف متوحش

جربت طريقت العضو "سكر"الي الفه بلمنشفة بس قدرت امسح عليه ومن يوف على يدي يعض ويشرد اكثر من 4عضات يدي تشلخت

ابي خليه اليف وطريقه فعالة 100% ومافيها عض

ياريت ماتنقلونه لانه ماحد يدخل هناك

[مس^^مس]

السالفه يبالها صبر ..

كل يوم ع الاقل ساعه او اقل انا بالنسبه لي من اشووفه تعب ع طول ارجعه القفص

.. بالعكس المنشفه جدا ممتازه

[ابوخاالد]

شوف حبيبي تقدر بدون منشفه ولا شي

لكن لازم تصبر

فقط غيرله ماء واكل واجلس قدام القفص مده معينه تلقنه كلمه تكون سهله

ويكون معلق بارتفاع جيد ومكان يمكنه من الاطلاع على الداخل والخارج

واتركه على هالحال لمدة 10 ايام الى اسبوعين
انت بنفسك بتلاحظ الجعره خفت او تكون راحت بعد


بعدها انتقل للمرحله الثانيه افتحله غطاء القفص وبعد مايوقف ويرفرف بجنحانه

وياخذ راحته
قرب عنده وكلمه وحاول تعطيه اكل .. معليش بياخذها ويرميها وواصل واذا استمر يرميها وقف تعطيه

وخلك كذا يومين او ثلاث ايام

وبعدها انتقل لمرحلة القفازات ، خله يوقف على يدك بالقفازات وطلعه من يد الى يد

كم يوم وبعدها طلعه على يدك بدون قفازات

صحيح الموضوع بياخذ منك قرابة الشهر

لكن هذا توليف على روقااااااااااااااااااااااااان

اهم شي لاتستعجل ابدا وخلك واثق من طيرك إنه احسن طيرررررررررررررررررررررررررررر

[عبادي1]

شوف حبيبي انا بذكرلك سالفتي مع الكاسكو تبعي

شريت واحد غير اليف

واول ماجبته خليته تقريبا 3 ايام وبعدها قلت مالي إلا المنشفه

ومسكته ومسحت راسه الين يدي تشنجت من التعب

وبعدها جربت اطلعه يدي بالقفاز وصار الوضع اوكي وبدون قلفز يعض لكن يطلع بعد ما احشره بزاويه او على الارض

لكن بعد اسبوعين اتضحلي ان الطير يطلع يدي خوفا مني وليس اعتيادا او ارتياحا وثقةً فيني

فقلت مالي إلا اخليه براحته يولف علي متى مايبي وصرت فقط اغير المويه والاكل وتنظيف القفص ومداعبته بالكلام
واستمريت تقريبا 3 اساابيع

الحين ولله الحمد مايجعر ابدا ابدا ابدا

ومستحيل يعضني او يعض اي شخص في البيت

صحيح إنه مازال يرفض حك الرأس ويلف راسه رفضا لحكه لكن مستحيل يعض حتى وإن اشهر منقاره ايهاما بالعض فبمجرد اقتراب الاصبع يقوم بلعقه ويكتفي بذلك

الآن له عندي شهرين تقريبا وماباقي الا حكة الراس وانا مابي اجبره عليها

وطيرك بمجرد احساسه بالامان والاطمئنان لك سيخرج لك مخزون الكلام الذي كنت تلقنه إياه

وبيننا الايام

اهم شي الصبر

[AL'3asy]

تسلمون كلكم
بوخالد انه تمللت صار له شهر يوميا اجلس معه وابدل له الاكل والماي وافتح القفص ويركب ويرفرف وياكل من يدي
بس اذا داخل لاقفص اذا برع يعضني

____
مس مس

اهو ما تعب انه تعبت-_-
_________
عبادي1

انه صار له شهر وانه امسح راسه حت راسه وانه امسحه له

بس اليوم في تقدم بس ألم! احين سعات يرضى احك راسه وهو برع القفص بس سعات يعض مره وحده على غفله
وانشالله بتبع جدولك وأمري لله