اشترك في نشرتنا البريدية ليصلك كل جديد

abu7rb · 16-02-2011, 02:11 AM

روجر موضوعك جدا ممتاز!!
وبصفتي رجل ماخليت مكان مادورت فيه
لا في غابات بالسعوديه ولا مزرعه ولا بر!!
وبعد ماحصلت اللي تفضلت فيه جذور وقطع خشب ميته لسنوات
إتضح لي بأن لو حتى الخشب ميت!! وصاقعته الشمس 3 سنوات!! بالغالب عندنا راح يفشل بتقولي ليش

تفضل
1- طحت على شجر 100% أشكال واو على قولتهم هههههههه لكن وش حصل معاي بالنهايه؟ زيوت عطريه صارت طافحه فوق الحوض!!! مع العلم بأني خليتها 10 أيام!!
نظفت الحوض من الزيوت وقلنا هذي للزباله تكرمون
2- طحت على نوع ثاني شكله أحلى وجاف 100000000000000000%
غسلته وبالملح فركته والمره هذي بعد 12يوم!!
وديته الحوض كان أوكيييييييييييييييييييي!!
بعد 4 أيام بديت ألاحظ غبش مثل لون عدم إكتمال الدورة النيتروجينيه!! شكيت بالخشب كون الموضوع هذا ماطلع ألا بعد ماحطيت الخشب .. دخلت يدي الحوض بشيل الخشب بغى يزلق من يدي؟
صار عليه طبقة كأنها فازلين!! دار مادار. ذبيته الزباله تكرمون!!
في النهايه إنت لو تعرف إن الطريقة هذي مجديه كان ماشريت من الأمازون ووفرت على نفسك!!

رحت بعدها ياطويل العمر والسلامة شريت كرتون كامل خشب من ماليزيا جاهز للأحواض مكون من 12 خشبه وإستخدمت أغلب الموجود تقريبا وريحت مخي.
قبل ماأحط الخشب الماليزي بالحوض نقعته بالمويه الحاره مرتين على السريع كل مره كانت مدتها 5 دقايق وإنتهينا من المغامرات والبحث . بس بكل أمانه من إيجابيات البحث إني كنت آخذ أطفالي وزوجتي رحلة غداء خارج المدينه منها نغير جو ومنها أبحث أنا على كيفي هههههههههههههه