ياخبراء الرمادي ماهي حقيقه (الجنجري)

[مـحـمـاس الـمـنـحـاس]

شباااااااب
سؤال محيرني
واتمنى من خبراء الرمادي معلومات عنه

هل يوجد نوع من فصائل الببغاء الافريقي (الرمادي) يسمى الجنجري؟؟؟

انا سمعت هالمسمى من اكثر من تاجر واكثر من مربي من اهل الطيور عندنا هنا بالرياض

وانا شخصيا قد كان عندي طير من هالنوعيه قبل فتره

الشي اللي يفرق بهالنوع من الطيور وهو الشي اللي شفته بنفسي

راح اقوله لكم على شكل حكايه
وهي حكايتي مع الطير اللي كان عندي
انا اخذته فرررخ<----ما ادري عن عمره بالتحديد
المهم انه فرخ من شكله وحتى من لون ذيله"طبعاا احمر بس فيه شويه سواااد"
مثل كل الفروخ
الغريب بالموضوع لون العيون كان اصفرر او تقريبا عسلي فااتح
مو رمادي لا اصفر او قريب للعسلي او تقريبااا تقدر تقول اصفر داخل عليه رمادي
ماني عارف كيف اوصفه
فالبدايه كنت افكره كبير بالعمر من لون العيون ولكن من يوم شفت لون الذيل داخله سواد شكيت
واللي حمسني اخذ الفرخ اني اخذته وقتها من واحد من اقاربي له خبره كبييييييره بالطيور وقال لي هذا (جنجري) وان عيونه تصفا من العسلي للأبيض
وبالفعل الطير جلس عندي فتره وتقريبا بعد ماكمل عندي خمس اشهر قلبت عينه بيضاء وحتى ذيله صفا لونه (احمرر صافي بدون شوائب ولا سواد)وانطلق الطير بالكلام
وهذا اللي جنني

اتمنى اذا كان فيه احد من الاعضاء يعرف هالفصيله يفيدنا بمعلومات عنها ويفيدنا بأسمها العلمي
لأني بحثت كثييير بالنت وماحصلت شي اسمه جنجري

[مـحـمـاس الـمـنـحـاس]

معقوله مافي احد يعرف عنه اي شي؟

[كرستي]

مرحبا اخوي محماس
مواصفات طيرك مثل مواصفات طيري كنت اظن انه كبير بس السواد الي في الديل شككني والرجال الي اشتريته منه قال عمره 11 شهر بس انا قلت غريبه ليش عيونه عسلي فاتح له عندي 3 اشهر بس يصفر ويحاول يتكلم مو واضح ..
ككنت اتمنى اساعدك بس اول مره اسمع منك .

[ابو محمــد]

من وين تجيب هذه المسميات اخوي ابو نوره

اللي اعرفة ان رأس جنجري شرق ولاية مرباط في عمان

واذا عندك صوره للكاسكو يكون افضل.

[كاسكـــو]

اكثر من 12 سنه لي في تربيه ببغاوات الكاسكو

ولا سمعت بالجنجري هذا ابد

اعتقد مجرد اختراعات وتعرف كل يوم والثاني طالع لنا مصطلح او مسمى جديد

[محب الحيوانات الاليفه]

والله شي غريب

[محروح السنين]

ابو نوره صور لي رجل الطير صوره واضحة ولون عيون طيرك اسمه خمجي مابين العسلي والاصفر والابيض سبحان الله لاكن صور لي رجل الطير صوره واضحه

[..{ Ė๓ǻ]

غــريب جدآ كلامك
كيف كآنت عيونه عسليه وبعدين صآرت بيضآء ؟!
صرآحه اغرب معلومه مرت علي

[مـحـمـاس الـمـنـحـاس]

ابو محمــد
والله مدري من وين جابو هالتسميه يالامير
لكن سمعتها من اكثر من واحد هنا عندنا بالرياض
وللأسف الطير اللي كان عندي قد طااااااااار من عندي ولا عاد لقيته
وماعندي له الا صوره وحده قديمه ومو واضحه
لكن قبل كم يوم انعرض علي واحد مثله بحاول امر راعيه اذا ماباعه ابشرررر بالصور

كاسكـــو
والله مدري وانا اخوك من وين ابو هالتسميه
والمشكله سمعتها من اكثر من واحد
يعني لو من واحد وبس كان قلت تأليف بس مدري

محب الحيوانات الاليفه
مرورك اسعدني

محروح السنين
نورت حبوب
ومن ناحيه صور للطير والله مافيه الا صوره وحده قديييييمه
ومو واضحه بس للمعلومه اسم لون العيون اللي انت قلته(خمجي) قاله لي واحد عرض لي طير نفس المواصفات اللي قلتها لك

..{ Ė๓ǻ
مرورك اسعدني
ولو كنت اعرف كيف تغيرت للأبيض ماكان سألت
ههههههههههه
ولو مو المعلومه غريبه ماكان دورت معلومات عن هالاوصاف