اشترك في نشرتنا البريدية ليصلك كل جديد

^NajDi^ · 08-01-2011, 11:22 AM

السلام عليكم ورحمة الله وبركاته

اخواني انا شريت قبل ست شهور او اكثر شوي فرخ افريقي وكنت أأكلة سيريلاك لاني وقت شرائي له ما بعد انفطم ومشيت معه واكلته وكل شي وكبر وانفطم وما قصيت جناحه ابد

ودائما اخليه برا القفص الا وقت النوم المشكله انه جنني ما يبغا يوقف على الستاند ابدا يبغا فوق راسي ولا كتفي واذا نزلته يرجع يطير ويوقف فوق كتفي ولا راسي انا ابغاه يتعود على الستاند ما قدرت وبعدين كل شي قدامه يعظه ويخربه وياكله بس الله حق من يوم اناديه يجي على طول يطير على يدي وكتفي

والمشكله الثانيه اذا سكرت عليه في القفص ينجن يقعد يكسر يبي يطلع صار يعرف يفتح القفص رحت شريت له قفل وصرت اقفل عليه بالقفل بس ينجن يقعد يكسر ويزعج

اتعبني صراحه

يعني مشاكلي معاه ابغاه يتعود على الستاند وما قدرت
ابغاه ما يخرب ويعظ كل شي قدامه
ابغا اذا دخلته القفص ما ينجن مع العلم ان اغلب وقته يكون برا معي ومع ابوي ومع امي ومع البيت كله يلعب الا وقت النوم ندخله في القفص لاننا نخاف عليه يطير في كل مكان ويكسر واخاف ينجرح من قزازه يكسرها ولا شي

وشاكر ومقدر لكم تجاوبكم

الرسام1 · 08-01-2011, 07:49 PM

الله يعينك
اعتقد انه لاينبغي من البداية انك تعود الببغاء على الفلته
يجب عليك ابقاءة دائماً بالقفص حتى ينصت للكلام اللي يتلقاه, ويجب اخراجة نصف ساعه إلى ساعة فقط يتشمس ويلعب ويغير جو
هذا الرأي يعبر عن وجهة نظري واترك التعليق للاخوان .

ام ماجد · 08-01-2011, 10:47 PM

اممممممممم مثل طيري بالضبط دائما برا الا وقت النوم
ودائما يبي يطلع على كتفي وراسي يطير لي حتى اذا مب منتبهه له
مايبي القفص ويتقلب انا اطلعه عللشان جنحانه تتعدل لانها تخترب
وبعد اذا دخلته القفص يشتغل بريشه تعبني
بس شسوي النوم لازم داخل

وعندي مشكله اكثر منك انه للحين يخاف من اهلي
على الرغم انه بيننا بالمجلس من شهرين وللحين مب راضي يألفهم ><

خليه على الاستاند بغرفه واتركه خليه يطلع عليه

العض حط له العاب يكسرهم

2fiq.200 · 08-01-2011, 11:34 PM

ماشاالله الله يهنيك فيه لا تحبسه خله يدرج ويتسلا ولومره معزم حطله سلسله في رجله طبعن سلسله خاصه لشي هذا تشتريها من محلات الحيوانات الكبيره تثبتها في الاستاند وتركبها برجله مع الايام يتعود

^NajDi^ · 09-01-2011, 07:59 AM

الله يعطيكم العافيه بس انا ابيه يتعود على القفص يصير عادي بالنسبه له يدخل فيه وابيه يتعود على الستاند يصير عادي يوقف عليه واذا بغا يلعب يجيني الحين ما يروح للستاند الا وقت الاكل والقفص لو يموت جوع ما راح ياكل فيه

fawzi · 09-01-2011, 12:36 PM

ماشاء الله تبارك الرحمن الله يحفظه لك صراحه في ناس ودهم ان اطيورهم تجي على كتفهم المهم حاول انك تعلمه شوي شوي وهذا لازم يكون مع الصبر وطوله البال

^NajDi^ · 09-01-2011, 01:52 PM

^
^
^
الله يجزاك خير بس وش الطريقة الصحيحه لتدريبه على الستاند والقفص