مرض خطير

[عرباوي]

يا شباب انا فايتر فيه مرض الاستسقاء شنو اسوي عشان اعالجه

[متدرب]

اهلا بيك خوي

انا مثلك مبتديء .. بس من اسبوع عندي سمكة اصيبت بهذا المرض

واستشرت الدكتور خالد .. واليك الخطوات

اولا .. عزل السمكة في حوض , حبذا لو كان بسعه 35 - 40 لتر

ثانيا ً .. احضار مضاد حيوي " ايريثرومايسين " 500 ملجم
واخذ حبتين وطحنهم جيدا ً , واضافة 20 مليلتر مـاء ,,

ويتم اضافة 1 مليلتر يوميا ً صبـاحا ً ومســاء لمدة اسبـــوع

مع تغيير الماء " انا اقوم بتغيير الماء يوم ويوم لا "

بس الى الان , ما تغير شي عندي ..

طبعا ً هو ذكر انه اذا لم يكن فيه تحسن ,, اغير الدواء من ايرثرومايسين الى كلاريثرومايسين

[عرباوي]

بس لو سمحت ترى ما اعرف 35 لتر يعني شنو حجم الحوض لاني ما اعرف احسب او ممكن صورة للدواء الذي ذكرته لو سمحت

[متدرب]

بالنسبة لمعرفه حجم الحوض

الطول × العرض × الارتفـاع والناتج تقسمه على 1000

يعني انا حوضي مثلا ..

60 طول × 30 عرض × 30 ارتفاع = 54000

اقسمهم على 1000

54000÷1000 = 54 لتر

...

بالنسبة للدواء , هو مضاد حيوي بشري , تجده في اي صيدلية " بس تقوله اريد اريثرومايسين 500 ملجم "

طبعا ً شكله يختلف باختلاف الشركة المصنعه ,, وياما شركات تصنع

ان شاء الله قدرت افيدك

[متدرب]

المشاركة الأصلية كتبت بواسطة عرباوي

بس لو سمحت ترى ما اعرف 35 لتر يعني شنو حجم الحوض لاني ما اعرف احسب

تقدر اخوي , تتحكم في عدد اللترات بغض النظر عن حجم الحوض .. يعني عندي الحوض اللي عزلت فيه السمكه حجمة كبيييير

فانا حطيت فيه فقط 35 لتر

[عرباوي]

مشكور بس تقدر تفصلي شلون استعمل الدواء لاني والله ما فهمت

[متدرب]

ولا يهمك

لحظات وارجعلك

[متدرب]

اولا ً .. نقوم باخذ حبتين من الدواء 500 ملجم

ونطحن الحبتين جيدا ً


ثم نضيف عليهم 20 مليلتر ماء ,, باستخدام السيرينج


يصير بهالشكل


نقوم باضافة 1 مليلتر من الدواء المخلوط بالماء , باستخدام السيرينج للحوض .. مرتين في اليوم

مره صباحا ً ومره مساء لمدة اسبوع




..

ان شاء الله وضحت الفكرة

[عرباوي]

والله مشكور ما قصرت عادي احط السمكة المريضه في حوض صغير الي يحطون فيه سلاحف او شكثر اغير الماء اسف لاني طولت عليك او خليتك اتروح اتسوي الدواء بس اطحن الدواء ويه البلاستيك

[متدرب]

أهلا بيك , ولا يهمك

بالنسبة للحوض , ما اعرف كم حجمه

انت تقدر تحسب عدد اللترات باي قنينة ماء او قارورة اللي مكتوب عليهم عدد اللترات

..

ما فهمت شو تقصد بطحن الدواء ويه البلاستيك

انت اللي تطحنه الحبوب , طبعا ً لون حبوب الدواء هنا بينك " وردي " , ومثل ما قتلك يختلف باختلاف الشركة المصنعه للدواء


بالنسبة لتغيير الماء , انا اغيره يوم ويوم لا .. بس طبعا ً مو كل الماء , ربعه او ثلثه فقط