ارجو المساعده

[سحاب]

السلام عليكم ورحمة الله وبركاته
عندي فقاسه وفيها بيض سمان صيني
بس المشكله اني وضعت البيض في ايام غير منتظمه بس مسجل عليهم تاريخ المهم
والحين اكثر البيض صار لهم 17يوم وش اسوي في البيض هل اخرجهم من الفقاسه واحطهم في حضانه !!!!!!!!!!!!!!
افيدوني الله يعطيكم العافيه لاني اول مره افقس بيض

[صمت الأمل]

وعليكم السلام ورحمة اللهـ وبركاتهـ ,,


أهلين وسهلين اخوي سحاب ,, من فترة ماشفناكـ ..!!


كيفكـ ؟؟ أخباركـ ؟؟


بالنسبهـ للسمان اذا فقس تسوي لهم مثل صيصان الدجاج ,, لكن تتعامل معهم بحذر شديد ..


تقدر تتركـ الفراخ بالفقاسهـ 24 ساعهـ عشان ينشفون وينتفش ريشهم ,, وأصواتهم تشجع أخوانهم اللي البيض .


بعدها بيوم تقدر تنقلهم للحضانهـ بعد ماتفرشها بنشارة الخشب ,, لكن لاتعطيهم أكل أو ماء في اليوم الأول ..


ولازم يكون في صحن الماء صخور أو حجر لمنع الصيصان من الغرق أو يقلبوا الصحن على أنفسهم ..


طبعا هذا في الأسبوع الأول ,, وكان الأفضل تفقس البيض كلهـ بوقت واحد عشان يكبروا سوا لكن مو مشكلهـ ,, حصل خير !!


بعد مايعدوا الأسبوع الأول بالسلامهـ خفف عنهم حرارة المصباح شوي .. وكل اسبوع خففها أكثر .. الى الأسبوع الرابع وطفيها عنهم في النهار اذا الجو يساعد ..!!


وحاول تتركهم عند أشعة الشمس كل فترة وفترة عشان تقوى عظامهم .


وان شاء اللهـ يارب تنجح بتربيتهم وتتوفق معهم ..


وبشرنا بالنتائج !!


بإنتظاركـ .

[سحاب]

اهلين اختي صمت الامل الحمد لله انا تمام
ما قصرتي الله يعطيك العافيه والله استفدت منك كثيير

ابشري اول ما يفقسون بعلمك
وشكرا للك وعلي مرورك الرائع

[سحاب]

صمت الامل ابشرك فقس السمان الصيني
اليوم الفجر الان موجود في الفقاسه
طيب متى اطلعها من الفقاسه
ومتي تبدا تاكل

[صمت الأمل]

المشاركة الأصلية كتبت بواسطة سحاب

صمت الامل ابشرك فقس السمان الصيني
اليوم الفجر الان موجود في الفقاسه
طيب متى اطلعها من الفقاسه
ومتي تبدا تاكل

ماشاء اللهـ تباركـ اللهـ ,,


ألف ألف مبروووووووووووكـ ,, اللهـ يتمم لكـ على خير وعقبال ماتشوفهم يكبرون بالسلامهـ .


طيب حاليا بما انهم فقسوا راقبهم هل نشفوا ؟؟


اذا كانوا ناشفين ونشيطين كل فترة وفترة فتمام اتركهم بالحضانهـ ,, لكن راقب درجة حرارة الحضانهـ .


اذا شفت الصيصان تهرب من المصباح وتجلس بعيد معناها ان درج حرارتها عاليهـ عليهم .


اما اذا شفتهم متجمعين تحتها ومتكومين على بعض معناهـ ان حرارتها غير كافيهـ .


وبالنسبهـ للأكل والشرب عطهم في اليوم الثاني من تفقيسهم ,, وأيضا انتبهـ للسرهـ اللي تحت بطونهم .


اذا شفت انها مازالت منتفخهـ ورطبهـ فلاتعطيهم شيء حتى تنشف .


لأن لو أعطيتهم أكل ماراح يستهلكـ جسمهم باقي الصفار وراح تلتهب السرهـ عندهم .


عطهم ذرهـ مطحونهـ أو بسكوت شاي مطحون او حتى شابورهـ سادهـ مطحونهـ .. وقلد لهم حركة النقر على الأكل بإصبعكـ ,,


راح يراقبوكـ ويحاولوا يقلدوكـ ,, اذا تعلم واحد منهم فحلو ,, لأن اخوانهـ راح يقلدوهـ .


ولاتنسى الماء ,, عطهم في صحن جدا منخفض ,, واذا خلصو شرب شيل الصحن ولاتتركهـ عندهم ..


اعتني بهم مثل صيصان الدجاج ,, لكن بحذر أكبر ..


ولاتشيلها أو تتعامل معها كثير ,, لأنها جدا جدا ضعيفهـ .


وبشرنا بأخباركـ معهم ..


في أمان اللهـ .

[صمت الأمل]

ياليت لو أحد الأعضاء اللي جرب تفقيس السمان ونجح في تربيتهـ يذكر لنا تجربتهـ معهم ..!!


وكيف كان يعتني بهم وأكلهم وتربيتهم وكل شيء عنهم ..


وألف شكر لكم مقدما .

[سحاب]

ماصرتي صمت الامل
والله استفدت منك كثير
لاسف ما فقس الا اثنين واحد باقي حي واحد حي
واحين انتضر الباقي

الصراحه صوص السمان روعه ضريف جدا