طريقتي (الخاصه) في تربية وتدريب فروخ الكروان (حصري)

[sdda7]

المشاركة الأصلية كتبت بواسطة جورجي

ماشاء الله.. تبارك الله .. تربية وتدريب ممتاز
نطقه وكلامه واضح جداً .. تحمست يصير عندي واحد زيه
أناِ الحين عرفت كيف الكرونات تنطق .. تربى من عمر صغير .. مثل عمر اسبوع او ايام
أخوي الفرخ وهو صغير لما تحطه بالحاضنة ليش تحطه في شيء زي الكوب ؟ " اقصد في فروخ الروز كانوا في علبة مستطيلة "
أخوي الشوفان المطحون ينفع لتغذية الفراخ او لا ؟
والوجبة اللي في مرحلة الفطام هي نفسها المستخدمة في التغذية سابقاً بالمزاز ؟
والمعذرة والسموحة على الاسئلة الكثيرة

اهلا وسهلا اخوي بالعكس اسأل زي ما تبي

اولا اخوي فراخ الروز كانو سليمين ولا فيهم شي ساحبهم فقط لان الجوز جديد على الانتاج ولا توفق في الانتاج الاول وكانو في ايام المربعانيه عشان كذا حطيت العلبه المستطيله ويكون تجويف العلبه المستطيله حاجز يمنع تسرب البروده للفروخ وجميعهم يتكلمون واصواتهم واضحه
ولله الحمد وراعين لعب وخدع بسيطه

اما كروكو مربيه في اخر فصل الصيف تقريبا قبل الرمضان شهر 7 و كان مصاب بما يسمى بالكساح وهي حاله تصيب العضام تسبب تشوه للعضم

(العضام تكون لينه جدا لنقص الكالسيوم وحضانت الام تسبب انفراج الساقين مما يؤدي الى تعوق اقدام الطائر مستقبلا اذا اهملة الاصابه )

وهذي صور رجله وهو بعمر 4 ايام ...









حطيته في العلبه عشان ما يمد رجليه ويتصلب العظم بالشكل الطبيعي

الشوفان بصراحه اخوي ما جربته ولا اقدر افيدك فيه

اما الوجبه اللي في مرحلة الفطام عباره عن :

حب شمسي مقشور اخذه طال عمرك وادقه في النجر واضيف عليه حب الكناري غير مقشور لكي يتعلم التقشير ولا راح يبلع شي الا ويجرب يقشره واضيف عليه شوي من البيض اللي يباع بالمحلات لونه اصفر جاف ماتحضرني صورته لكن ان شاء الله اضيفه .

او بقايا الوجبه اللي اوكله اياها احطها عنده بصحن وهو يفترس على راحته

عساك فهمت الزبده

واي استفسار انا حاضر يالغلا