بخصوص الدجاجة الراجنة و قدرتها على حضانة البيض

[صمت الأمل]

المشاركة الأصلية كتبت بواسطة أبو خلف

السلام عليكم اشكررر اختي صمت الامل على الجواب السريع
الله يبارك فيك

البيض متواجد تقريباً منذ اسبوع او اسبوع ونصف!! وانا صراحة ماعرف افرق بين اللي قبل اسبوع وبين الجديد


لكن للامانه فيه بيض مدفون مادري وش السبب وانا اليوم جلست اشيل البيض و لقيته ثقيل جداً ماشاء الله يعني اتوقع انه فيه فرخ والدجاجة الان لها ثلاثة ايام تقريباً وهي راجنة


بالنسبة لطريقتك هذه اعرفها لكن هل تشكل خطر على البيض !! لاني بخليها ترجن عليه احط عليه ماء ؟!!



بالنسبة لسؤالك هل يوجد دجاج معهم ولالا يوجد دجاجة وحدة وديك فقط وكلهم كانو يبيضون في نفس المكان اللي هي ترجن فيه بس من يوم ما رجنت هي على البيض صار فيه خلاف بينها وبين الدجاجة

وصارت الدجاجة الغير راجنة ما تبيض وشريت لها مخفق مخصص للبيض الدجاج وحطيت فيه بيضة من الثلاجة ومع ذلك صار له يومين وما باضت فيه
تبيض هي
اشكرك على ردك السريع وبارك الله فيك وفقك الله

وعليكم السلام ورحمة اللهـ وبركاتهـ ..


البيض المدفون مو مشكلهـ ,, أحيانا الدجاج يتحمس في حفر التراب ويرميهـ في كل مكان حواليهـ ,,


وجاء البيض هالتراب واندفن شوي .


والبيض راح يكون الفرق واضح في وزن البيض الجديد الثقيل وبين القديم الخفيف ..


وبالنسبهـ لطريقة سطل الماء ان شاء اللهـ مافيها خطر , لكن لاتتأخر بتركـ البيض في الماء .


وجفف البيض بمنديل أو فوطهـ قبل ماترجعهـ تحت الدجاجهـ .


وبالنسبهـ للدجاجهـ الثانيهـ شكل الخلافات اللي بينهم ماراح تسمح الدجاجهـ الأولى لها انها ترجن .


حاليا الأفضل تخفف من عدد البيض لأنهـ كثير جدا عليها وأيضا كلهـ تقريبا جديد .. لكن لو فقس كلهـ الدجاجهـ تقدر ترعاهم كلهم .


اذا تعرف أحد عندهـ دجاجهـ راجنهـ أو فقاسهـ ممكن تعطيهم 7 _ 10 بيضات ويفقس عندهم وتتركـ الصيصان لهم .


للأسف هذا هو الحل اللي ممكن أعطيكـ اياهـ ,,


لو أحد الأعضاء عندهـ فكرة أو مر بنفس هالتجربهـ ياليت يكتبها هنا ..


ألف شكر لكـ لإهتمامكـ بدجاجاتكـ ,, وفي أمان اللهـ .