مبتدي في تفريخ الكاسكو

[LoveNight]

حبيبي اهلا فيك ..


حتى تكون تجربه مفيده وتنقلك للامام ضروري ماتاخذ الامور بعشوائيه ! يعني مو هذي الطريقه الصحيحه انك تروح وتشتري سبعه ازواج والسلام !

اول شي كيف تعرف ان هالازواج ذكور واناثي متوالفين مع بعض ! افرض طلعو كلهم رجال ! هل ترضى انه يمارسون المنكر مع بعضهم :>

لذلك على شان يكون الشي مشروع وحلال لازم تتاكد من هذا الموضوع .. وهالشي لا يحصل الا بفحص دم DNA وغير هذا وذاك فيه اشخاص معينين يجيبون لك ازواج سبق انتجت يعني على الاقل تاخذ شي مضمون نوعا ما بعد اراده الله .. افضل من المغامره العشوائيه ..

مجرد انك اقدمت على هالشي فكره جميله بس لايكون الموضوع تقليد وحب تجربه بدون هدف ! اعمل بشكل صحيح على شان توصل للنتيجه يا الغالي .. وبعدين الازواج المنتجه اسعارها مابين 3500 الى 4000 يعني مو ذيك المبالغ الهائله اللي تسمع عنها .. وممكن يكون بعضها سبق انتج ..

بعدين لا تنسى يكون لكل زوج قفص معين ومرتب بشكل وقياسات مناسبه مو غرفه وتطلقهم فيها !

هذا شي مو صحيح يا الغالي .. رتب امورك من جديد واذا فعلا ترغب بالانتاج بشكل جدي ممكن ادلك على ناس يبيعون لك ازواج على الاقل مفحوصه انها ذكر وانثى ..

تحياتي لك