مربوا القطط وهم السفر

[ضحكه]

السلام عليكم

اكيد كل واحد فينا يحب قطوه اوقطوته ويحرص دائما على رعايتها والاهتمام بها لكن إذا

جا وقت السفر يقعد يفكر وين احطها ووش افضل مكان راح يعتني فيها ،أكيد كل واحد فيكم

يواجه هالشي .

انا في نظري ان مربوا القطط على ثلاثة انواع في تصريف قططهم اذا سافروا:

النوع الاول: هذولا بالهم طويييل وسيعين صدر وين مايروحون ياخذون قطاوتهم معهم .

النوع الثاني: يكون عنده اصدقاء يحبون الحيوانات او اقارب نفس الشي فيحط قطاوته

عندهم ، والنوع هذا في نظري جدا محظوظ بصراحه لانه راح يسافر وهو باله مرتاح.

النوع الثالث:وهذولا اللي تعاني قططهم الويلات وهم اللي يفندقون قطاوتهم (وانا على راسهم )

وسبحان الله مااتذكر ان عندي قطوه ابغى افندقها الا قبل يوم اويومين من السفر وهات يالف

على هالمحلات الين الاقي محل فاضي يستقبلها .

المهم ياليت كل واحد يعلمنا وش يسوي بقطوته اذا بغى يسافر واللي مثلي وعلى شاكلتي

يفندقون ياريت يعلمونا وش افضل محل جربوه للفندقه علشان تعم الفائده.

[leo75]

هااااي حبوبتي ضحكه
بالنسبه لي لي بغيت اسافر ما اغير مكان القطاوه يكونون بالبيت مع الخدامه طبعا اعطيها زود على راتبها<<<<ابغششها عشان إدير بالها عليهم عدل وبهالحاله اكون حيل مطمنه وما أحاتي شي

[هتون]

كنت احطهم بالعيادات بس بعد اخر مره تركت فيها قطى وحقنه الطبيب هرمونات وطاح شعره حرمت وصرت اخاذهم معاي اخر يحليلهم وهم معي بالفندق بصراحة ونس بس كنت خايفه يشفوننى الى بالفندق ويطرودنى ويقولولى ممنوع

[x-ray]

انا لما اسافر اخذ (سنوبول ) معايا
مش خسارة فيه 15 ريال قيمة تذكرته
لانة محد راح يهتم فية مثلي
والا اش رايكم؟؟

[مخاوية قطاو]

والله بنسبه لي انا طبعا مانسافر كثير بطياره
اكثر سفرياتنا بالسياره<<<<جربوهااا سعت صدر
المهم اذا سافرنا انا اخذهم معي وتشوف المشاكل مع اخواني
وخاصة اختي الكبيره خخخخ
والنا في السياره اذا جودي او ميكا قعدوا في حظنها تشوف الازعاج (وخريها عني لا ارميها برا السياره الحين ) ومن هنا تبدا المشاكل في السياره عاد يجي دوري اني ارد عليها مااخليها في قلبي تقرقع>(لاياشيخه يالله جربي )
وتتدخل هنا عاد امي ويلحقها ابوي ويالله الناس اللي برا سمعونا
تخيلوا الوضع داخل السياره
عاد اذا وصلنا الفندق اشوف وجه اختي مكشره خخخخخخخخخ
نكدت عليها صاروا يشيلون هم السفر عشان جودي وميكا خخخ
شكلي طولت من قلب.....
المهم انا اركبهم معي في السياره ورى
وكذا مااقلق عليهم ابد يكونون طول الوقت تحت عيني (يعني تحت مراقبتي)

[ضحكه]

هلا والله ليو تصدقين حركتك فكره بس ماادري احسها صعبه اسافر واخلي الشغاله

الحالها في البيت بس يمكن شغالتك امينه، تسلمين عالرد

هتون بصراحه يحق لك تخافين عليها بعد اللي صار بس احسه حوسه السفر مع القطاوه

شغلتهم شغله ،اسعدني مرورك ياقمر

اكس راي ان جيت للحق مو خساره فيهم بس ماادري احسه حوسه السفر فيهم مشكور على مرورك وابداء رايك

مخاوية قطاو انتي اجل من وسيعين الصدر بس وش تسوون في حمامهم وانتي بكرامه

واكلهم بصراحه اهلك معطينك وجه امزح امزح ماشالله عليك الله يهنيك يارب ومشكوره

ياعسل عالرد

[Withered Rose]

موضوع حلو بصراحه يستحق المناقشه ..

آنه قبل السفر أحاتيهم وايد يعني أروح أشتريلهم بدال حق شهر أكل و رمل حق شهر و نص كلا أخاف ينقص شي و آنه مو موجوده لول .. و أوصي الخدم عليهم الحمدلله أهم يحبونهم وايد و عندهم فكره عن تربيتهم خصوصاً وحده عندها قطو تربيه بديرتها .. و أتصل عليهم أتطمن من فترة لي الثانيه .. و لما رجعت إنصدمت منهم ما شاء الله مع ان الفترة تقريباً شهر و صايرين دببه يحليلهم ..

[ر111ني]

انا شخصيا لمن اسافر ما اشيل هم بس اقول لاصحابي انا بسافر وابغى احط سيلفر عند احد
ماشاء الله الاقي سبعين بيت يستقبله ويرعوه وكل واحد يقول خليه عندي طبعا ماراح تعرفو ليه لكن اذا اخذتوه معاكم في طلعه بحر ولا كباين ولا اي مكان اتفرجو على الحفله الي يسويها والناس الي يلمهم وهوا ماشاء مرة طيوب بس تفحيط ونوم وتنطيط

[ضحكه]

هلا والله ويذرد روز مثل ماقلت لليو هي صراحه

فكره حلوه ومريحه في نفس الوقت بس احسها صعبه اخلي الخدامه الحالها في البيت

ومنور الموضوع بردك

راني والله انا امنيتي الاقي احد يمسكها الين ارجع بس ماش كل صديقاتي

يخافون من القطاوه،مشكور عالرد

[Dominique]

احنا حاليا من يبنا دومينيك ما صدف وسافرنا بس من يوم طب البيت وآنا أحاتي هالشي

امي تقول خليه مع الخدامة

الخدامة تحبه أشوى بس شوي كمخة

يعني أخاف يوم من الأيام تنسى باب الصالة مفتوح او مردود

والملقوف بعد ما يقصر صاير يحط ايده ويدز الباب اذا كان مردود ويطلع من الغرف فمابالج فبيبان الصالة ؟!

واذا الباب مسكر يحاول يفتحه خبل عباله كلمرة تسلم الجرة تعلم على الهياتة بالسيارة صار كلساعة يوقف عند الباب ويماوي
شنو ..

والله طلعوني
.
.
.