شريت درة باكستاني مبتدء في تربية الطيور

[عمر)]

السلام عليكم ,,

طبعا سالفتي كتالي

انا احب القطط وللاسف الوالدة رافضة نهائيا ً اني اجيب للبيت ومليت وودي اربي حيوان وانتو بكرامة

اليوم رحت لمحل حاسب ابي سيدي وندوز بفرمت جهازي ,,

وطلعت من المحل وشفت محل حيوانات جديد حول بيتنا

قلت خلنا نتفرج

دخلت وشفت عنة ببغاوات حلوة اسمها درة باكستانية اعمارها من 4 شهور الي 5 توها

قلت بكم قالي مع القفص بـ 200 ريال استغربت قلت لية رخيصة قالي السعودي محترم جدا

لازم ننصب علي الناس عشان يشترون هذا سعرها قلت الله يجزاك خير وعشانك امين

انا بجرب اول مرة بحياتي قال خلاص

وخذيت درة اخضر جبتة للبيت بس ما اعرف شي تخبرون راعي ضبان ههههههههه

وماشاء الله يدي ما نقص إلا اني احطها في ملف خرم يدي مع كل محل مليت منة ولا خنقتة قال وااك قسم بالله اكتب لكم وانا اصابعي مخرمة

وش السوات يا جماعة الربع

ويالتي لو احد فاهم يرسل لي اميلة عشان استفسر منة واخذ راحتي

ووش تنصحوني فية ؟

وكيف سعرة ممتاز ولا الببغاء ما يستاهل ؟

ولكم التحية ,,

[نيمو ببغائي]

هلا والله اخوي انت بالرياض اصبر لا تشتري اذا كنت تبيه يكون اليف وتلعب معه يبيلك تروضه وتصبر عليه وتدربه

تبي واحد اليف وجاهز رح للسوق الحمام الي جمب الحراج رح وقل وين حراج الببغاوات ويعلمونك حقين المحلات ورح ودور انشالله تلقالك اليف ومدرب نصيـــــــــــــــــحة

[نيمو ببغائي]

ااااااااااااسف اخوي اجل شريته شف تبي تروضة اول شي خله يعتاد على المكان اسبوع تقريبا عدين رح للمحل حيوانات خلهم يقصون اضافره جنحانه واشتر قفازات حقت ببغاوات عشان لو عضك ماتحس بعد يوم رح شف لك مكان تدرب الطير فيه غرفة مسكره وبعدها طلع الطير واطلقه بالغرفه وطلع القفص عشان مايرقا عليه ويدخل
بعدين بعد ماطلقته بالغرفة راح يحاول يطير بس ما يقدر بعدين يعرف انه مايقدر انت رح امسكه و لمس راسه خله يهدا ولمسه لين يهدا بعدين وخر يدك الثانية راح يكون على يد وحدة بس للاسف راح ينط بح امسكه مره ثانيه وسو نفس الشي لمسه من فوق راسه بعدين اتركه على يد وحده واذا نط حط يدك اذا ما رقا امسكه وحطه على يد وحده بعدين حط اليد الثانيه على صدره هو راح يرقى بعدين حط يدك الثانيه على صدره وكل شوي سو كذا بعدين وقفه على يد وحده ولمسه ومع تكرار التدريب انشالله يكون اليف فترة التدريب مرة باليوم وحاول اذا حطيته على يدك تاكله وانشالله اني افدتك

[كاسكـــو]

ووش تنصحوني فية ؟

وكيف سعرة ممتاز ولا الببغاء ما يستاهل ؟

^^
^^
^^
ننصحك بتصفح المنتدى من مواضيع مثبته وغير مثبته

وتشوف الردود بين الاعضاء كلها راح تفيدك وتتعلم كل شي ان شاء الله

وتعرف تتعامل مع الببغاء بالطريقه السليمه

اما بالنسبه للسعر مناسب جداً وحلو

[عمر)]

الف شكر لكم علي الردود يالغالين ,,

لكم التحية وفائق الود ,,