حاله طارئه

[يانكا]

السلام عليكم ورحمه الله وبركاته

البارحه اخوي لان زوجته بتولد قريب ان شاء الله ,جاب لي طير الكناري حقه علشان اعتني فيه على ماتولد زوجته لانه يعرف اني اربي طيور كثيره

والصدمه لما شفت طير الكناري اللي جابه والله مأساه القفص اكرمكم الله كله فضلات الطير كأنه جبل

والاعمده وكل مكان في القفص حتى اوعيه الاكل كلها فضلات وشكله مافي حياته روش الطير

وحاله الطير سيئه , عينه اليسرى مسكره ولما فتحها لونه كان مختفي وكأن عليها غشاوه بني على بياض والله اعلم انه مايشوف فيها

اما عينه اليمنى احسن حال من اليسرى لكنها بدت تتأكل يعني عند الجفون وكأنه تتقشر وشكلها

صاير مثل عين الطير الميت لما تذوب وتعبانه جدا

واللي بط كبدي زوجه اخوي توصيني تقول اعتني فيه زين هي بنسبه لها كل هذي الوساخه اللي هو فيه قمه العنايه

المهم اول ماشفته رميت قفصهم القذر على باب بيتهم وبدلته بقفص نظيف من عندي واسع ونظيف

وحطيت لها في الماء فيتامين اسمه ( فيتانار ) , استخدمه لطيوري في العاده مابين فتره وفتره

ورشيت ماء على الكناري بالبخاخ ترويش , خفت اسبحه وتزيد حالته سوء وباخذه اليوم للبيطرين الفاشلين اللي عندنا بس الحين مسكرين

المهم ياجماعه حاولت اصور عيونه بس مشكلته سريع الحركه برقبته ماقدرت اصوره

الله يجزاكم خير شو تنصحوني اعطيه وبشو اعالجه وبرضوا رجوله مليئه بالقشور

انا متعوده على البقبقاوات مافي حياتي ربيت كناري

النصيحه النصيحه ياخوان الله يخليكم

[محمد جمعة]

اخي بالنسبه للعين هناك مرهم خاص لمثل هذة الحالات موجود عند البيطري

اما الاقدام فعليك بدهنها بزيت الخروع