استدعاء للرازم اذا ممكن

[tota_119]

اخوووي الرازم بما انك تربي هالنوع POMERANIAN عندي حاجة معذبتني في لولو<<اسمها لولو
انها اكثر شي تحب تسويه اكثر من اللعب انها تظل تدوور وتشم الارض وتاكل كل شي في الارض ..حتى وهي توها ماكله..كللل شي مناديل حشرات...وبعض الاحيان اشيل من فمها اشياؤ خطره زي الازارير اشياؤ بلاستك
ومره اختنقت وقامت تكح الى رجعت لانها اكلت منديل
انا احاول اشيل كل شي عنها بس بعض الاحيان مالحق
كيييف اخليها تترك هالعاده الشينه مع اني كل مره اشوفها تاكل شي من الارض اصرخ عليها بس تعاند وتكمل
مع انها في اي شي ثاني اذا قلت لها لأ تسمع كلامي
اتمنى الرررد باسرع مايمكن لاني صرت اخاف عليها دااااااايم فجاه تكحح زي المختقه وهي توها اكلت شي في الارض وانا مدري وش كلت...

[Musab Pro]

الله المستعان .. اختي افضل شي هو انك تدربينها وتعلمينها كيف تختار الشي اللي تاكله والاشياء اللي ما تاكلها.

مثلا .. تخلين الكلب قدامك ومعك اشياء في كيس .. اكل + بلاستك + مناديل + حجر و.و.و. هلم جره

بعدين تطلعين من الكيس حبه اكل صغيره تحطينها قدامها ولما تجي بتشمها وتاكلها تقوالين لها برافووو وتشجيع

تطلعين كيس بلاستك صغير او قطعه من صحن بلاستك .. تشمها لما تاكلها قولي لها نوووو وضربه خفيفه جدا على الانف..

فقط نبين لها ان الشي اللي سوته غلط ..

بعدها مثلا اكل .. ولما تاكل نعطيها تشجييع .. بعدها زرار .. لما تاكل نسحبه ونقول نوووو اما اذا شمته وما اكلت نقولها

برافوو ونعطيها اكل مكافئه .. انشالله هذا التمرين يجدي . مع ملاحضة الاستمرار على هالتمرين لفترة

تجعل المعلومه ترسخ في ذهن الكلب .

في حال انه ما اجدى ممكن تستخدمين نفس التمرين بس هالمره تحطين المنديل مع شوي شطه او فلفل ..

راح قولي له نوو اذا جا ياكل بدون لا تسحبينه .. في حال لحس المنديل راح يكره اليوم اللي يشوف فيه مناديل .

بس ما نبي نسوي له عقد فالافضل استخدام الطريقه الاولى بدون استعجال ..

وانا في انتضار الاعضاء اذا كانت هناك طرق اخرى نفيد ونستفيد

تقبلي تحياتي

[pitbull_fer]

اختنا العزيزة هو عمر كلبتك كام???

يعني ممكن اتكون في فترة تبديل للاسنان

[tota_119]

تقريباً 3 شهور وشوي لساتها صغيره وهي تحب تعضض الاشياء وحاطه لها عضاضات والعاااب
بس المصيبه انهااا ماتعضض الاشياء تااااكلها وهذا يضرها ويسبب لها الاختاق اذا اكلت شي ماينفع للاكل

ومشكوره اختي Musab Pro على الرد راح اجرب طريقتك وانشالله تظبط

[Musab Pro]

يبدو اني بحط بالصوره الشخصيه شنب لمدة قصيره لقطع الشك باليقين

في كلاب لا تتوقف عن الاكل مثل اللابرادوور يجب الاهتمام فيه من ناحية الاكل ولا راح يكون وزنه مفرط .

انا ما اعرف الكثير حقيقةً عن نوعية كلبك ولكن المقصود ان الكلاب دايما تحتاج مراقبه وعنايه في هذا العمر ..

وللمعوميه عمر جروك الحين هو عمر توثيق علاقه وتصحيح اخطاء يعني لازم يكون تحت المراقبه

[tota_119]

اسسسسفه اخوووي هههههه
كلبتي من كلاب الزينه ...صغنوووه ومن ناحية الاكل اكلهااا قليييل ماتاكل كثير بالعكس اخلي الصحن عندهااا طول اليوم ويكون حجمه صغير وماتاكله كله
بس هيي كذا حتى الاكل وهو موجود تتمشى وتاااكل اللي بالارض مدري للييش
والاكل اللي بالصحن تخليه
اي شي صغير بالارض تحطه بفمها وتحاول تاكله
على العموووم الف شكر على تفاعلك معاي ...واسفه مره ثانيه

[Musab Pro]

its ok

انشالله الاخوان بيفيدونك اكثر ..

الاعضاء اللي هنا دايم يفاجئوني باشياء حلوه *

[pitbull_fer]

الجروة لساتها صغيرة و هي تقوم بهذا الامر بالفطرة على سبيل اكتشاف الاشياء

والتمتع باللعب بها وعضها و واكتشاف طعمها

وهي فترة وستمر باذن الله بخير ولا تكوني خائفة جدا واتركيها على كيفها

ستختنق مرة واثنين وثلاث واربع وفي كل مرة ستتعلم ان ذلك خطر عليها

فقط حاولي ان لا تتركي لها مجالا كبيرا للعبث بالاشياء التي ترين انها خطرة

معلومة اخرى بسيطة (اعلمي ان معدة الكلب متطورة بدرجة غريبة حيث لا تتضرر بسهولة)

تحياتي

[الـــــــرازم]

اخوووي الرازم بما انك تربي هالنوع POMERANIAN عندي حاجة معذبتني في لولو<<اسمها لولو
انها اكثر شي تحب تسويه اكثر من اللعب انها تظل تدوور وتشم الارض وتاكل كل شي في الارض

هههه POMERANIAN كلب اذا اعتاد على شي مصيبه

انا عن نفسي لا يتم اخراجهم الى الحديقه الا عندما

يكون قد تم تنظيفها بالكامل لأن كلاب الـPOMERANIAN

مشكلتها اي شي قدامه تاكله على طول والسبب

تطفل او اكتشاف >>> على العموم اهم شي

عند طلوعها الى الحديقه ان تكوني معها وتحت مراقبتها

واذا في عضاضه او كره يكون افضل عشان تقدرين

تشيلين العاده هذي بالتدريج >>> كلاب POMERANIAN مجننتني

انا قبلك >>>>>>>>

..حتى وهي توها ماكله..كللل شي مناديل حشرات...وبعض الاحيان اشيل من فمها اشياؤ خطره زي الازارير اشياؤ بلاستك

يجب ان تراقبي الوضع اختي لاتتركيها تتناول ما تراه

ومره اختنقت وقامت تكح الى رجعت لانها اكلت منديل

POMERANIAN ياكل كل شي قدامه غريزته كذا سبحان الله

انا احاول اشيل كل شي عنها بس بعض الاحيان مالحق
كيييف اخليها تترك هالعاده الشينه مع اني كل مره اشوفها تاكل شي من الارض اصرخ عليها بس تعاند وتكمل

اختي دامها الآن صغير لايوجد حل غير المراقبه

وشد الأنتباه بالعضاضه او الكره

ولمن تتعدى عمر الـ 6 شهور لها عده طرق والحديث في وقته افضل

مع انها في اي شي ثاني اذا قلت لها لأ تسمع كلامي
اتمنى الرررد باسرع مايمكن لاني صرت اخاف عليها دااااااايم فجاه تكحح زي المختقه وهي توها اكلت شي في الارض وانا مدري وش كلت

المهم اذا الكحه بخصوص انها كلت شي ترى مش مشكله

افضل لها عشان ترجع ما تاكله >>> واذا كان اكلها مثلا

حشيش من الأرض اتركيها >>> لأنه افضل لها بحكم غريزه

تنضيف معده الكلاب بشكل تلقائي اما اذا كانت الكحة بسبب

شربها لماء بارد او تعرضها لمكيف بار في الغرفه فهذا علاجه

بسيط عباره عن الـ CAMSOL + AVIXIN وهو دواء شراب

5 مل فاليوم لمده 4 ايام فالفم مباشره مع خلطه بالماء قليلاً

على العموم كلاب POMERANIAN لابد من مراقبتها لأنها ضعيفه المناعه

ولبد من الصبر لحبها في اجراء المشاكل بشكل غير مباشر

تحياتي والأخوان ايضاً ماقصروو جزاهم الله خير

[tota_119]

مشكوره الرازم على ردك والمعلومات

المهم اذا الكحه بخصوص انها كلت شي ترى مش مشكله

افضل لها عشان ترجع ما تاكله >>> واذا كان اكلها مثلا

تغص وتكح وتستفرغ وانتو بكرامه وترررررجع تاكل نفس الغرض واكثر شي المنااادييل احلى وجبه عندها
المهم مشكوور على تجاوبكم