شباب من منك خله طيره يترك الجعير وكم الفتره الي خذها معاه

[أبو راشد]

الامر بسيط فوق ماتتصور


اول شي لازم ندري الجعير اساسا ليش ؟

الجعير يكون من الخوف خصوصا لاقترب منه شي يخاف منه


اذا طيرك جديد لابد تخليه فترة مايقارب الاسبوع بدون ان تكلمه او تعير له انتباهك
خله بقفصه وبدل له الاكل والشرب وبس وخله هو يراقب

وخلك حواليه دايم بس لا تناظره ولا كنه موجود

هو بيراقب تصرفاتك وحركاته سواء انت او هلك

ثم بيكتشف انكم مافي منكم خطر عليه فيبدا يتأقلم مع المكان

ثم انت تحاول تتقرب منه مرة تكون تجلس جنبه وتسولف عليه بشويش

ثم مرة تفتح له غطا القفص وتخليه هو اذا ارتاح بيطلع من نفسه

وهو بيمل من الوحده طبعا ً وبيصير فرصة التقرب منه كبيرة

ثم تتقرب منه شوي شوي مع تحمل جعيره وتمسح على راسه شوي

وبس مع الايام بيكون صداقه معك ثم بيصير يتقبل منك التعليم والاكل وغيره