تقلبات مزاج الطير

[hnoo]

وعليكم السلام ورحمة الله وبركاته

انا ببغائي كان مايخليني اقرب منه لو اقرب بياكلني مو بس يعض

وسويت معه هالحركه وحررم يعض ابداااااا الحمد لله..

المهم .. الحل :

انك تخلي الضوء منخفض شوي ..

وتجيب لك عصا قصيره طولها 15 سم تقريبا ونحيفه نحف اصبع

زي العصا الي تصير للعبه البلياردو حقت البزران

وتحطها جنب اصبعك وانتبه لاشوف العصا

خلها ع اساس انها اصبعك ومد يدك وخل العصا اطول من اصبعك

عشان مايعظ اصبعك ... المهم هو بيعضض العصا يحسبها اصبعك

لاتوخرها .. بيعضض ثم بيخاف ويبعد .. اذا خاف ابعد يدك ..

وهكذا .. لحد مايقتنع ان العض ماراح ينفعه ..

ومن عقبها ماراح يعضك الا عض خفيف ..

واذا صرت تحكك له وعضك فمعناه انه مل من الحك .. او انه يبي يشوف انت تخاف ولا لا

لا لا لا ماانصحك بالقفاز لان الببغاء يحسب انها مو يدك ..

والقفاز ماله اي داعي ..

واذا تبغى الطير يركب ع يدك . اذا كان ع القفص

فك الجزء العلوي من القفص وهو راكب عليه

وشله وحطه بعيد عن القفص

وشل القفص وحطه بمكان مرتفع .. بتلاقي الببغاء نزل من على الجزء العلوي

وراح يم جهة القفص

ويحاول يصل للقفص ومو قادر . انت حط يدك عنده ثم ارفعها والمس القفص

ثم نزلها عليه

عشان يعرف ان يدك تقدر تصل للقفص

بتلقاه يرفع رجله يبغى يركب ع يدك ..

واذا خاف من يدك اصبر عليه شوي وبيجي ان شاء الله ..

خله يركب و ع طوول حطه ع القفص .. لاتجلس تتمشى به لان راح يقفز من ع يدك

واتركه .. ثم اذا جاء بكره نفس الحركه .. لكن نصيحه تأكد من ان اظافره من طويله

لانه راح يتمسك بيدك بقوووووه وراح يؤذيها .. ويصير فيها جروح .

عشان كذا الافضل برد اظافره قبل ..


وبالنسبه للكلام ..

انا ببغائي كان بس يصفر ..

وصراحه الحين ماهمني يتكلم او مايتكلم ..

لكني لاحظته الحين يقلد الاصوات فقط

مثلا يقلد صراخ البزران وهم يلعبون .. واذا صفرت له تصفيره معينه يقلدها

واذا ماعرف يقلد يصرخ بقوه صرخه مزعجه ..

لكن انت استمر ع تلقينه كلمات في وقتها

يعني مثلا اذا جيت تعطيه اكل قل له سَم ..

وهكذا اربط الكلام بالفعل اذا ودك .. وتقدر تخليه يكرر كلمه بس كذا

زي هلا .. انت كل ما دخلت ع الببغاء قل هلا بصوت واضح عشان يستوعبها ..

مثلا اذا كنت توك جاي من الدوام ودخلت قل هلا .. وهكذا

ومـــــــــــوفق