زي الكور داخل بطونهم ..؟

[HaiDy]

خمسة كيتنز نوعهم شيرازي امريكي.. اعمارهم شهرين ونص .. ياكلون دجاج مسلوق مع خضار احيان رز او مكرونه جبن

.. خبز اسمر مغمس بحليب بودرة احله بماء .. بعض الاحيان شوفان كويكر اضيفه لأكلهم .. دراي

فود للكبار مو للكيتنز نوعه ايطالي اسمه LE Chat .. واحيان اخلط مع وجبتهم شوي زبادي..

يلعبوووووون ويحوسون الغرفه فوق تحت ينامون بشكل طبيعي الحمدلله وشهيتهم طبيعيه ..

اخراجهم طبيعي الا اثنين واحد برازه لين ومرات يجي سايل مو متماسك يعني يتغير من وقت

للثاني ومابي اعطيه علاج بهالفتره .. والثاني لين بس اقسى شوي من اخوه .. وبس ماعندهم

مشاكل غير كذا .. الا العث الي بأذانهم وقاعده اعالجه لي كم يوم..

المشكلة ملاحظتها من فترة بس اليوم واضحه جداً .. اخر وجبة عطيتهم دراي فود مع امهم ..

تحسست بطونهم بعدها لقيت كل واحد في بطنه زي الكور كبيره وبعضهم زي المستطيل (على شكل

البراز الطبيعي للقط البالغ) ماعليش على الوصف بس عشان تتخيلون معي واذا حركتها تتحرك

الكور معي وممكن تتقسم وش هذا ؟!!

هو ثنين الي كنت ملاحظه عليهم بس قلت دامه مافي مشكله غير كذا معناه بسيط ويروح

ولاارجع اشيك عليه .. واليوم كلهم تحسست بطونهم عندهم كذا .. وش يعني هذا؟ امهم

ماعندها هالمشكله

معقوله يكون من دراي فود تبع البالغين ..؟ بس انا ماكثر منه مره باليوم وكميه قليله

اول كنت اقول مابي اعطيهم منه عشان للبالغين وشفتهم ياكلونه عن امهم ماشاءالله وصرت

اعطيهم كميه بسيطه مع امهم لان هي لو تقعد ماتاكل شي ماتبي الا دراي فود تجاملني احيان وتاكل

شوي دجاج وقطعة جبن وبسسس



فسرولي هالكور مدري مستطيلات ..؟

[genan]

ياليت اقدرافيدك بس تجربه مامرت علي ع العموم اتصلي اقلها ع البيطري اذاانتي برياض اتصلي ع البيطري الي بواحه الحيوان فيه دكتورين مره شاطرين واحد سوداني وثاني اتوقع سوري بس بيردعليك السوداني لانه هوه الي بالعيااده والثاني شكله صارمشرف ع المحل ومره دكتور طيووب وبيفيدك ورايق واخلاقه حلووه وطمنيني ؟ماايشوفون شر

[دلوعةقطوتي]

صح اتصلي عالدكتور قاسم واساليه
لان هالشي اول مره اسمع عنه زي ماقالت جنان بس السوداني يحووس بالعياده اسمه سيد اتصلي الصبح يرد عليك اسرع

[الخبيرة ناديا]

دائما اكل القطط البالغه ماينفع للكيتنز مهما كان وخاصه الدراي فود المخصص للكبار

يكون قاسي وماينهضم بسرعه وحباته كبيره غير مكوناته من فيتامينات تكون عاليه جدا على الكيتنز وصعبه

الهضم ..وطبيعي تحسينها في بطنهم يابسه ومثل الكور لان معدتهم وامعائهم ماتقدر تهضمها بسرعه ..

فراح تسببلهم مشاكل في الهضم وممكن امساك.

نصيحه ابعدي عنه واشتري المخصص للكيتنز..

[اخت امل]

مايشوفون شر بس افضل شي انك تسالي البيطري
عشان تعرفي ايش فيهم وان شاللة مافيهم شي. بس حاولي تجيبي لهم
دراي فود للكتينز افضل لهم

[HaiDy]

ناديا .. هلا فيك حبيبتي نورتي وعسى خير الغيبه "


بالنسبه للكور مالها تفسير الا الدراي فود حق الادلت ..؟

انا مادري وين قريت المعلومه ان دراي فود الكيتنز يكون مركز بالفيتامينات عشان النمو عكس تبع البالغين عشان

كذا توقعت انه عادي وان شاءالله من اليوم بقطعه عنهم نهائي .. وزي ماقول دايم عندنا هنا مايبيعون دراي فود الا

للبالغين وانواع عاديه اكثر شي طبعا ويسكاس وفيه ميو مكس بس اكياس صغيره نص او ربع كغم مافيه كبار وفريسكس مثله

والايطالي هذا هو الي موجود منه اكياس كبار واحد ونص كغم هذا المتوفر بس تبع الكيتنز مايبيعون ولا ودي اشتريلهم بس الله يعين


دلوعه .. وجنان .. الله يعطيكم العافيه حبيباتي .. بس ممكن ترسلو لي رقم واحة الحيوان عشان استشيرهم بعض الاحايين ..

[دلوعةقطوتي]

تامررين امر الحين ارسلك اياه

[HaiDy]

اخت امل .. مشكوره قلبو والبيطري مجرد يطمني بشوية كلام او يضخم الموضوع واكيد بالاخير بيقولي لابد اشوفه وافحصه عشان اعطيه العلاج المناسب ويالله حليها عاد هو برياض وانا بالقصيم .. الله كريم


دلوعة : ياتسلمين لي ياعسل ماننحرم من هالقلب "

[لولي11]

طمنينا عنهم
لا عاد الدكتور اللي ادتك رقمه دلوعه ممتاز ميه بالميه

[HaiDy]

الحمدلله ماشفت الكور بعد ذاك اليوم .. طلعت المشكلة في دراي فود البالغين يابعد حياتي هم ماتتحمله بطونهم

قطعته عنهم وان شاءالله باخذ لهم للكتنز بس يقولون ان رويال كانين انقطع عن السوق !!!!


بس فيه واحد كتن جسمه العام نحيف مو يابس عظام لا ماعليه بس مو متختخ .. بس الاحظ بطنه بارزه من بدة

جسمه وملمس بطنه لين لامنفوخ ولا يابس .. برازه طبيعي .. واكله زي ماقلت في اول الموضوع .. هذا طبيعي ..؟