سؤال بخصوص طريقة تدريب الكلب على اللعبه؟

[Musab Pro]

بسم الله الرحمن الرحيم

انا اكره المقدمات لكن بما انه اول موضوع لي و مجهوداتكم تجبرني اثني عليكم كمقدمه والله على ما اقول شهيد

اكثر الاعضاء هنا وبدون ذكر اسامي يسخرون من وقتهم الكثير وافادو الكثير وانا اول المستفيدين بكل ما تعنيه الكلمه من معنى .. باختصار قبل اعرف هذا الموقع كنت اعرف فقط 1٪ من طرق التدريب وبفضل الله ثم مواضيعكم الممتازه اصبح لدي فكر جيد و نتايج واضحه .

كلبي جيرمان شيبارد عمره 4 شهور تقريبا ( مو متأكد) لكن بديت اهتم فيه من ناحية النضام الغذائي وبديت معه في اوامر الطاعه مثل المشي وهو بجنبي و سيت و كم و الاشياء البسيطه هذي وجبت له لعبه .

المشكله انه مو مره يحب هذي اللعبه .. مع اني احاول احمسه بالكلام واسوي له حركات تنرفزه شوي واخليه على قولتهم اكسايتد بس للاسف مو مره يتحمس .

كلب احد اصدقائي عمره سنه يموووت بشي اسمه لعبته وميزتها نوعها تصفر يعني لو كان اخر الدنيا وصفرتله باللعبه حقته يجيك باسرع ما عنده بس يبي يلعب فيه
ولما امسكها بيدي وامشي يكون جنبي وعينه عليها يحتريني بس اقربها له ((ما شاء الله عليه))

انا ابي الطريقه اللي اخلي فيها الكلب يتعلق فيني وباللعبه بنفس الوقت ابي يكون كنترولي عليه 100٪.

تحياتي

[الـــــــرازم]

http://www.2zoo.com/vb/showthread.php?t=159774

[Musab Pro]

مبدع يابو خليفة

كنت متأكد بالقى الجواب هنا بسرعه

الف شكر يا غالي

[rayad]

انا عندي كلب راعي بلجيكي يموت في شيء اسكه اللعبة اتمنلك نفس الشيء

[Musab Pro]

المشاركة الأصلية كتبت بواسطة rayad

انا عندي كلب راعي بلجيكي يموت في شيء اسكه اللعبة اتمنلك نفس الشيء

الله يسمع منك

في موضوع هنا يقول خل كلبك يختار اللعبه واذا كبد مزاجه ما يتغير

انا باخذه محل وبحط له كل الالعاب الموجوده واخليه ينقي وانشالله احرص على اللعبه اللي فيها صوت عشان طلعت معه ما يحتاج اناديه من بعيد وافضح نفسي بين العالم

كلها ويص وبص وهو جايك ركض

[البحتري]

الله يعينك عاد تدريب بعض الكلاب يمرض

[وليد المعبدي]

انا عندي كلب يموت شي اسمه نعال

[Dooby93]

انا افضل المكافأه كل ما انجز شي مثلا احذذف له ( اقذف ) اللعبه له وان مسكها كافأه فا يتعود على هل شي

[الموسوي]

هلا اخي

هي التدريب

اخواني واخواتي اليوم انشاءالله بتعرفون شلون يدربون الكلاب على ((Bark and hold)) واختصاره ((bh)) والعلاقه ماهي بين ال((helper)) وانشاءالله يتم فهم الموضوع لأنه اشوي معقد:-
المهم من هذا التدريب معرفه الكلب كيف يفكر اثناء قيامه بهذه الشغلات من العمل الا وهو ((bh)) فيجب عليك فهمه فهم كيف تبني هذا الشيئ داخله.
الكثير من المدربين الأن في ((schh or service dogs )) الطريقه الصحيحه ليعلمو بها الكلاب على ال((bh)).
الطريقه الصحيحه لتدريب ال((bh)) هو العلاقه بين الهيلبر ((helper)) و بين الكلب ليس بين صاحب الكلب وطريقته لتعليمه فهذا خطأ أكيد وليست الطريقه انه يتبع الأداه في مكانها المحدد الذي يقال عنه ((prey drive)) لأن هذه الطريقه ليست دائمه مفيده سوف تنجح مع بعض الكلاب ولكن هذا الشيئ كله عن طريق ال((drive)) .
التدريب على لعبه معينه مثل مانقول اهني عندنا في ال((bh)) سوف تري الكلب ينبح ويري
السليف ولا يري الرجل لأنه ينبح لكي يأخذ اللعبه فقط يعني نبحت الكلب يقال عنها ((prey bark and hold)) ولا تكون نبحه قويه مخيفه يعني نبحه جديه تخيف يري الكلب فيها الشخص وليس اللعبه وهذا يقال عنه ((defensive bark )) وهذا الذي يريدونه اليوم من الحكام من الكلاب ولا يريدونه مثلك مانقول يبي الشغله بدلع يعني ينبح على الشغله ابيها لا يبون شغله ينبح الكلب على الرجل عين الكلب على الرجل وليست على السليف تقدر ان تدرب الكلب على ال((drive bh)) ولكن هذا التدريب سهل وينزع عن الكلب الذي يسمونه والله ماادري اشلون اقلها بالعربي هههه((lacks nerves )) يعني اعصابه تنتهي الكلب يبقي لطيف علطول واكثر الناس لا تحب هذا الشيئ وخاصتا الي بالمنتدي بيون شيئ شرس يذبح علطول هههه.
طبعا للحين ماتكلمنا كيف اندرب الكلب على هذا الشيئ ولكن قبل تدريب الكلب على ال((bh)) لازم ايعرف الكلب ان يعض عن طريق الدرايف البادر من الكلب شوفو علشان اسهل أمر العض عليكم لازم الكلب يعني ايعض بعد ان ينبح هذي هي طريقت العض عن طريق الدرايف التي تسمي((prey bite development )) يعني لازم يتعلم الكلب هذي الشغله قبل التدريب ال((Bark and Hold)) الي اهو ((bh)) طريقه العض لدي الجرو من اول شيئ او الكلب بالعموم هو اذا الكلب نبح عليه يجب على الهلبر ان يعطي نابر للكلب انه سوف يتحرك لليمين او اليسار او سوف يرجع للوراء او سوف يركض ويهجم عليه يعني اذا الكلب في بدايه تعليمه للعض يجب ان ينبح على الهيلبر والهيلبر يعمل عمله مثل ماقلت وسوف يأخذ الكلب منه مايريد هو العض وسوف يشعر الكلب بالراحه طبعا هذا تدريب ال((prey bite development )) وليس موضوعنا بس لازم ينشرح علشان تفهمون شلون الطريقه بالضبط بعدين.
في الحقيقه الحين ممكن تستغربون لا يعني انه الكلب يعض الأن وطبق تدريب ال((prey bite development )) معناته سوف يفعل تدريب ال((bark and hold)) لأن هذا التدريب يدربه المدربين المميزون وكلابهم حقيقيه قويه وشخصيه قويه لمن تكتمل شخصيه الكلب تظهر به علامات الدفاع عن النفس لديه وهذا يبين على الكلب مع تقدمه بالعمر من سنه الي 18 شهر ويقال عنه ((defensive work)) يعني اذا حسيت انه كلبك بدأ يصبح لديه هذا الطبع ويوجد شغلات تبين على الكلب لا يعرفها غير صاحب الكلب صعب شرحها ويوجد شغلات تعرف الكلب منها ايضا.
الحين تسألون اشلون التدريب بالضبط انا بقولكم اشلون الجلب يفكر عن طريق طبع للكلب:-
((أكبر مثال هو الجرو مع القط انضر اليه عندما يذهب للقط يذهب اليه من تلقاء نفسه وهذا عن طريق الجينات التي داخله يعني ال((drive)) المزروع داخله وعندما يذهب الي القطه ماذا سوف تفعل القطه سوف تنحاش تركض يعني مرعوبه مثل الهيلبر مرعوب تذهب يمين يسار الي ان تتوقف تتعب سوف يرجع الجرو للقليل للخلف وترفع جسمها القطه وشعرها من الوراء لكي يصبح جسمها اكبر من الجرو وسوف تعطي الجرو ممكن شمخه في انفه او تنفخ عليه والجرو عندما يأخذ صفعه سوف يرجع قليلا للوراء وينبح ولكن هذه النبحه خارجه بكل قوه تختلف عن النبحه التي ينبحها الكلب ليأخذ كره او سليف او تق نبحه بكل قوه وينبح هذي النبحه للتحذير يعني لأنه يعرف انه لن يقدر على العض الا اذا تحركت فسوف يتحرك القط ويلحق به الجرو وهذي هي الطريقه بالضبط مع الكلاب الكبيره مع الهلبر((helper)).
ولكم بعض الصور للجرو مع القط ممكن اشوي اتوضح الي اقصده:-

يعني مع الكلاب الكبيره الطريقه يأتي ال((helper)) للكلب ويأذيه بالصوت والحركه يذهب وراء الحاجز او اي شغله مخفيه ويرسل الكلب له من مسافه قريبه بعيده الي هو حتي ولكن اذا اتي الكلب فيجب عليك ان تقف بلا حراك واذا لم يفعل الكلب شيئ ماعلى صاحب الكلب الا الهدوء وعدم فعل اي شيئ لأن هذا شيئ خاص بين الهيلبر وبين الكلب لا علاقه بين الكلب وصاحبه في هذا التدريب أبدا وهذا اكبر غلط يحدث يعني الكلب اذا اتي ولم يعمل شيئ الهلبر عن طريق مشيه خفيفه ويضهر بعض الخوف وبعض الكلمات سوف يرجع له شخصيته ويشكك الكلب بالأمر وسوف ينبح وممكن ان لا تنجح اول مره فيجب ان تحاول بأكثر من طريقه وممكن ان يأتي ويعض علطول فيجب عدم تصحيح هذا الأمر لأنه يقلل من شخصيه الكلب .
واذا فعل الأمر مثل ماهو مطلوب تعطيه الي يريده دائما وهو عضه طبعا هذا في بدايه التدريب والقليل من الضرب على البطن والصدر لكي يمدحه الهليبر مثل هالصوره :-
انشاءالله مثل القط فادكم اخواني وطبعا هذا التدريب ماخذه من مدربي في بلجيكا يعني مو من معلوماتي بس الطريقه جميله وقلت اوصلها لكم

تحياتي

[Musab Pro]

حلو حلو كلام كبير صراحه بس الصور ما طلعت عندي

يعطيك ست الاف عافيه