صور الرمادي الي مات

[تراني جديدة]

عبد الرحمن ..الله يجزاك خير يارب ..ان شاء الله ربي يعوضني ..وشكرا كثير ..





معاد تفرق .. الله يجزاك خير ..شكلي حزنتك من كثر بربرتي عنه ..وتسلم والله بس ما ابي واحد يموت علي مره ثانيه لاني اشوف اغلب الي هنا يقولوا انه مات عليهم اكثر من واحد .. والطيور الحين حالتها صعبه مع الجو .. فراح انتظر شوي الين ما ادخل تجربه ثانيه .. وكل تجربه بتعليمه ..وشكرا كثير على كرمك ..






فارس مجهول ..انا يوم شريته على طول شريت القفص الابيض ولعب منها خشبيه .. بس الاكيد مو الي في بالك يعني كنت ماخدته طازه ما كان عند احد ..ولا سرقته : )

[تراني جديدة]

يا ناس معقول كل شوي اسمع انو طير رمادي يموت .. يعني من الميه يمكن يعيش عشره ..يعني المربي يجيب لحاله التعاسه بدل ما يستمتع ..ماعرف وش الحل هل المفروض انو نشتري طير كبير عشان مناعته تكون اقوى .. حتى القفص لمن تجي تشوفه تلقاه معفن يعني موب واضحه فضلاته من كثر الاهمال وعدم النظافه .. ولازم يكون الموضوع شختك بختك يا تصيب ويا تخيب .. والله حاله ولا الواحد يجيب بيطري ويرشيه عشان يختار له واحد ..انا ماني عارفه اصحاب المحلات كيف يتاجرون ببضاعه الطيور وهم يمتون بسرعه يعني يمكن ما يمديه يبيعه الا وهو ميت عليه ..

مساعده بليز يا خبراء كيف نجحتوا في تربيه طيوركم ؟؟

[fan]

وااله باين عليه كان طير حلو

يالله الله يعوضك مرة ثانية بواحد أحسن منه.

وترى شوفي لازم في البداية الواحد يتعب علشان يوصل الى اللي يبغيه
انا اول واحد عندي بعد 9 شهور مات مع أنه كان كبير يعني مو لازم تاخذينه كبير علشان يعيش عندك والثاني سنة وطار والثالث يالله الله يخليه لي.

يعني كله توفيق من الله.

[معاد تفرق]

تراني جديده انا بقولك على حسب تجربتي المتواضعه ان الببغاءات هذي حساسه وخصوصا الرمادي هذا مشكلته مشكله تمرض على طول وعلاجها يطوول واحيانا يفشل العلاج معه ويموت ويكون العلاج احيانا هو السبب والله مشكله اما من ناحيه محلات بيع الطيور للأسف ماعندهم اهتمام طيورهم تمرض ونادرا اللي يهتم فيها وعشان كذا الطيور تنقل العدوى لبعض بس فيه طريقه حلوه عند الشراء ... انا اخر واحد شريته طلبت من صاحب المحل ضمان لمده 7 ايام عشان اقدر الاحظه واشوفه اذا فيه شي ارجعه قلت انا بشتري بس بشرط تعطيني فرصه7 ايام اذا مافيه شي وخالي من الامراض خلاص تبري ذمتك وغير كذا اسف مقدر اشتري منك ولاقصر وافق وكتب لي بالفاتوره يلاحظ الطير من قبل المشتري لمده 7 ايام من تاريخه وختم عليها بختم المحل يعني مايقدر ينكر بعدين هذي الطريقه الوحيده عند شراء الطير نضمن حقوقنا واذا فيه شي نرجعه

ملاحظه الطيور هذي مالها وقت محدد تمرض فيه يعني يمكن انه يمرض حتى بالصيف بس الشتاء اكثر نسبه بس اهم شي عشان مايتعب يبعد عن التيارات البارده في الشتاء وفي الصيف لا انصح بالمكيف لانه عدوه ... بالصيف يكون بمكان معتدل لابارد ولا حار.. تحياتي

[هاوي ببغاوات]

السلام عليكم
أول شي الله يرحم طيرك
من جهة تربيتي للطيور بالذات الافريقي يحتاج عناية في اول شهرين واهم شي وضع الطائر في مكان يبعد عن الاطفال الاشقياء وابعاد القفص عن المكيف او اي مصدر للهواء البارد
بالنسبة للطيور الصغيره والظاهر الي عندك لا يتجاوز ال8 او 9 شهور فلابد ان يكون الاكل منقع بالماء النظيف ومغسول كويس للابتعاد عن اي بكتيريا تصيب الطائر وتزويدو بالابروتين والاملاح
وبعض انواع الفواكه المحبوبه لديه مثل التفاح والبرتقال وحبوب الذرة الطازجه المنقوعة
واهم شي تنظيف مخلفات الطائر اي الصحن يكون نظيف ووعاء الماء ايظا
وانشاءالله ربنا يعوضك خير يارب

[the snipr]

ma sha allah 3aleh marrah 7lo
w allah i3awdek b wa7ed a7san
w wallah 5aweftone
ana tewe men gabl ams iom aljom3ah sherat wa7ed amazone
w a5af ennah imot
w al9owar ateiah gareban enshallah
w shokran

[تراني جديدة]

fan شكرا على مرورك ..والله يخليه لك ان شاء الله الثالثه ثابته ..





معاد تفرق .. والله انك خطير وراعي المحل من جنبها .. انا اول ما مرض طيري كلمت راعي المحل وقلت له انه مريض وكيف يبيعني واحد مريض واني برجعه قالي انا بعته لك وهو كويس يعني انا الي جبت له المرض طبعا على المتضرر اللجوء الى القضاء .. والضاهر لازم الواحد يفطس من الحر في الصيف عشان الاخ رمادي .. والشتاء ممنوع تشم ريحه المطر ولا تفتح الشباك بعدين الاخ يمرض واحنا ينطبق علينا المثل الي يقول يامن شرا له من حلاله ...
صحيح اني معترضه عى دلع ومرض الرمادي بس الشكوى لله ..ابتلينا .. ( انتظر المفاجئه )


هاوي .. الله يجزاك خير .. انا قاي البايع افضل الواحد يخفف من الفواكهه وخاصه في البرد عشان حكايه الاسهال ..مع ان الاخ كان في الطبيعه وياكل من الي قدامه ولا مرض .. شكرا كثير لك



سنايبر الف مبروك تستاهل .. ورنا اياه .. وخل قلبك شديد .. وبالرفاء والبنين ..

[فصولــي كناري]

الله يرحمه

[mmc260]

الله يصبرك اختي ويعوضك بأحسن منه