|| الكليكر وما أدراك مالكليكر " ورشة تفاعليه " ||

[يعقوب المرشد]

حبيت أرد على الأخوان اللي يقولون الكليكر ما منه فايده

انا اقول اللي بيستخدمه ويتعلم الطير عملية الكليكر صدقوني النتائج بتكون مذهله

طبعا لا تستخدم الكليكر فقط في لفت انتباه الطير انه عمل اللي انت تبغى وراح تكافئه

لازم تستخدم كلمه معبرة أيضا : على سبيل المثال انا لما ابغى الطير يصعد على يدي

اقول له اصعد واضع يدي تحت صدره ,, الطير اللي غير متعلم ما راح يفهم .. فأنت تدخل يدك زياده عند رجله وهو راح يرفعها ويضعها على يدك ,, أول ما يرفع رجله ويضعها على يدك اضغط بالكليكر وقل له : "شاطر" وعطه احلى اكل بالنسبه له مباشرة (( واللي طيره أهبل ومارفع رجله امسك رجله وارفعها ههههههههه "

وعلى هالمنوال اتبع الضغطه بكلمة " شاطر " لأنك مو كل الوقت بيكون الكليكر معاك

انا طلبت من امريكا كليكر وعلى بال ما يوصل الكليكر رحت محل مواد صحية واشتريت سويتش يصدر صوت مشابه للكليكر ودربت عليه حصاني عقاب وماشي معاه الحال على احسن ما يرام

كل ما يسوي شي انا اطلبه منه اضغط واقول له " بطل " والحين استغنيت عن الكليكر وصرت ادربه واقول له بطل وهو يفهمها من نفسه بعد التكرار

حتى نفسية الحصان ترتاح لما يسمعها ويتمنى انه يسمعها ويحصل على المكافأة ,, وهي الطعام اللي يحبه اكثر شي

هذا الحصان عقاب



وللمعلومية الكليكر ماهو شرط للطير فقط

الطريقة مستخدمة للدولفين والببغاء وعند الاجانب للقطط والكلاب وانتوا بكرامه

هي وسيلة تواصل بينك وبين الحيوانات اللي كرمنا الله عليهم بالعقل