اشترك في نشرتنا البريدية ليصلك كل جديد

THE STALION · 01-12-2006, 11:11 PM

عندي كلب سلوقي يبلغ من العمر 10 شهور في تدريبات الصيد والركض يتمتع ما شاء الله بشخصية قوية وذكية جدا ولكن يصعب علي مسكه اذا فلته في حوش البيت ويهرب مني وينابح نباخ الخوف (عواء)و اذا حاولت أقرب منه لأمسكه يقترب مني بحدود الأمان بالنسبه له يعني قريب مني بس ما ألمسه وأذا أنام في الخيمة اللي في الحوش ألقاه الصبح نايم بجنبي يصحى معاي ويلعب معاي وبعد وا عزكم الله أطلع من الحمام وأرجعله بعد 10 دقايق ترد الحالة فيه مرة ثانية وما يقرب مني خير شر وهذه حالته من خذته من صاحبه يوم كان عمره 8 شهور يمكن صا معاه موقف مع الشخص القديم ولكن شو العلاج ألحين؟

بو راشد · 02-12-2006, 01:05 AM

اخوي ستاليون الي في الكلب هذا مو غلطتك ..

هذا غلط راعيه الاولي .. احس من كلامك انه كان يحب راعيه الاولي واهو يحبه بعد بس كان مثل ما يحن عليه يعصب ويقسى عليه ويضربه. وهالشي اهو الي معقد الكلب ومخليه مو عارف انت وش تبي منه الحين او وش حالتك النفسيه الحين بالضبط فيخاف منك في البدايه

الحل الوحيد اخوي هو انك تبني علاقه جيده معاه .. وانا ملاحظ ان انت قاعد تسوي هالشي .. وانك ما تعصب عليه ولا ترفع يدك امامه ابدا .. وحتى ان تبي تهاوشه هاوشه بتغيير نبره الصوت دون صراخ .. وكثر قد ما تقدر من عبارات التدليل والمدح وامسح عليه ولاعبه بكثره كل ما تكون معاه

وانشالله لما يكبر شوي بعد وتقوى شخصيته راح يحبك وتزول منه هالعقده نهائيا

والي انهدم في 8 شهور يبيله شويه صبر .. والله يوفقك يالغالي

واتمنالك كل التوفيق