ساعدوني<<<<ليش ياقطوتي

[po_da7m]

السلام عليكم شبااب وشااباات

كيفكم

انا الحمد لله بخير

ما اطول عليكم

انا عندي قطوه باك فيس حااامل

عمرها:10شهووور

ولا تضع فضلاتهااا في الترااب المخصص لهااا

تضعه في البانيووو(حوض الاستحماام )

والمشكله ريحة الحماام مرررره شينه

والله مدري وشو السبب

الى عنده فكره على هذا الموضوع يااليت يقوولهاااا

لا تنسوو الر دوود

تحيــــــpo_da7m ــــــاااتي

[nasser]

خوي حاول اتغير التراب الي تحطه لها . يعني جدده بين فتره و فتره والله يوفقك!!!

[po_da7m]

هلا اخوي nasser

التراب جديد انا خفت ان التراب ماا عجبهاا وغيرت النوووع

شكرااا

[صاحبة وفا]

القطة الانثى ماتحمل في سن 10 شهور !!!

المهم اترس البانيو شوي ماي والرمل لاتجدده عشان هي اتشم ريحة الفضلات وتوصخ فالبوكس

اللي تشم فيه الريحة .. وكل فترة وفترة حطها بالرمل بأيدك .. واذا شفتها توصخ فمكان ثاني .. فنفس الدقيقه اللي وصخت فيه امسكها وحط خشمها قريب منه عشان تشمه واظربها

لان هالطريقه مشت معاي

[قطو_Q8te]

غالبا" القطط البالغه خاصه تلجأ لاستخدام احواض الاستحمام او ارضية الحمام للاخراج
والسبب وراء ذلك باختصار هو انه حوض الاخراج العادي جدا" صغير عالقط
فيلجأ للحوض (( باعتقاده انه اكبر )) ويقوم بالاخراج
فماعليك اخوي العزيز غير تييبلها حوض اخراج اكبر من الموجود .. والف مبروك عالحمل ..
ولاتنسا اخي العزيز
انه القطط الحامل تزداد رائحة اخراجهم بطريقه شنيعه جدا" في اخر اسبوعين من الحمل .. فكلما اشتدت الريحه اقترب موعد الولاده

[Dominique]

شوف أخوي..

آنه هالطريقة نفعت مع دومينيك 100%

تحط القطوة بصندوق وتطلعها بره البيت لمدة ساعة أو ساعتين .. ولا توكلها قبل علشان لا توصخ بالسيارة..

لما ترجع البيت خلها بنفس الصندوق ( يعني أصبر لا تطلعها بعد )

وجهز صندوق الفضلات ودخلها فيه واحبسها لمدة دقيقة أو دقيقتين علشان أنفها يتشبع بريحة التراب ..

بعدين خلاص خلها بروحها تطلع..

دومينيك لما يبناه على بالنا ليشاف الصندوق بيعرف إن هذا حمامه ..

قمنا كل شوي نغير مكان الصندوق لأنا ما كنا مستقرين على مكان نحطه فيه

فكان يتبرز في مكان الصندوق القديم اللي أول مرة حطيناه فيه

لما سوينا هالطريقة معاه صارله والحمدلله 10 شهور عندنا ولا مرة تبرز أو تبول بره صندوقه..

حتى لو كنا حابسينه في غرفة ثانية بعيد عن غرفة الصندوق


الله يوفقك أخوي هالطريقة تنفع إذا القطوة كانت كبيرة وبالغة أما أسلوب الضرب والعقاب ينفعلما تكون بالأشهر الأولى لغاية 6 أشهر لأن ما فاد مع دومينيك هالأسلوب



تحياتي..

[تاليه]

كل مره تشوفها تجي بالبانيو شغل الماي عليها شوي مو كثير حتى تصيبها قطرات فقط

أو أنك تعبيه ماي بمقدار قليل جداً بحيث يرطب رجولها من تحت علشان تتوب تطب فيه...

وغير حوض الفضلات وجيبلها أكبر ....


وبالتوفيق...

[بزنس قطوة]

أخوووي هي قبل متعلمه على صندوق الرمل أو تقضي حاجتها من قبل
إذا كانت من قبل خلها بغرفة صغيرة وحط لها الصندوق بحيث تشوفه من أي مكان بالغرفة
وكل ماتدخل عليها حطها بصندوق التراب <<<<<< هذا إذا كانت من قبل تقضي حاجتها بره
-------
إذا كانت توها تجيها هذي الحاله تقضي حاجتها بره
أنا حسب علمي الأنثى تبلغ 8 شهور
وإذا حملت تكون قضاء حاجتها غير إراديه ولكن مهما كان حاول معها
وانتبه ! انتبه! انتبه! انتبه! انتبه! انتبه! انتبه! انتبه! انتبه!
تنقل الصندوق من فتره لفتره لأنها مش هي تفهم بالرمل بل تفهم المكان
------
أنا عندي قطاوه شاريهم من محل ما يحط لهم سطل بل يقضون حاجتهم على الغطاء اللي تخت الشبك وفيه رمل وكانوا متعودين على هاذي الحاله وأنا جربت الطريقه الاولى إنها متعوده بره بس أنجحت معاي مع أنهم 3 قطط ! وكلهم ماشين صح والحمدلله
أخوووي بالنسبه للحمل عطني بيبي هههههههههههههههههههههههه
الله يديم العافيه والصحه علي أنا وعليك أنت وعلى جميع المسلمين السنَّه وعلى قطوتك الحامل

[قطقوطه]

بالنسبه انها تسويها بالبانيو مو بس انت انا مرت على هالحاله
تاكد من ان الرمل كثير بصندوقها واحرص على تنظيفه لان القطوه ما تحب الرمل الوسخ وشوف نفسك انت متهتم فيها زي اول ولا لأ؟؟ لان القطه وهي حامل تصير عطوفه وحساسه وتبي حنان لان القطوه لما تبي تلفت نظر صاحبها لها ما تسوي حمام بالحوض المخصص لها

[Moz3ej]

والله قطوي نفس حالة قطوتك

لكن الفرق ان قطوي ذكر ,,
ويوسخ على ارضية الحمام [بـ جنب صندوق الرمل]


يعطيكم العافيه ,, ان شاءالله يكوون الاخ استفاد من تجاربكم
وبحاول اسوي الي سويتوه مع قطاوتكم