سؤال وجواب (في تدريب وترويض الببغاوات والعناية بها)

[سكر]

المشاركة الأصلية كتبت بواسطة بحر الأحزان

يا سكر أو يا عسل

طال عمرك بخصوص عمر الطير .. عندي طير بلوفرونت يقولون صغير لكن حبيت اتأكد منك طال عمرك الطير صفار الريش الي حول المنقار بحدود ثلاثه سم لكن اللون الأزرق بسيط جداً

أول ما شريت الطير عرضته للبيع على هذا الرابط وما جاب الي نفسي فيه وعذلت عن البيع .. http://www.2zoo.com/vb/showthread.php?t=146540

وهذه بعض صور الطير .. إذا أمكنك تحديد نوعه من أي درجه وعمره أكون لك من الشاكرين بصراحة خويك غشيم في الأمازون ..

هلا فيك يا بحر الأحزان,,

من الصور يبين ان عمره ما يقل عن سنة,, والله أعلم,,,

وبالنسبة لنوعه هذا من النوع اليلو فيس,,

الدفعة هذي تدريبها سهل,, وفي نفس الوقت صعب,,

صعب اذا طبقت عليه مبادئ تدريب الافريقي,,

وسهل إذا تعاملت معاه بطرق مختلفة,, مثل انك تغريه بالأكل,, واللعب,, والإحتكاك اليومي,,

أسهل طريقة لتدريبه وترويضه هي انك تشيل الأكل من القفص نهائياً,,

وتصير انت تأكل بيدك طول الوقت وكل ما سمح وضعك,,

واذا شبع, روح من عنده, وارجع في وقت ثاني وكمل عملية الإطعام,,

تطليعه على اليد سهل جداً,, بس أهم عامل هو المواجهه,, (يرفض الطلوع على اليد لأنه ما يعرف ايش يعني طلوع على اليد بس اذا جرب مرة, راح يرضى أكثر)

الحك على الرأس, تقدر في يوم واحد توصل لهذي الحركة,, اذا اتبعت عامل واحد اللي هو البطئ في الحركة...

يعني لو تطبق معاه فلم بطيء جداً,, وتجي بيدك من بعيد,, بكل هدوء وبطئ شديد,, راح يتعامل معاك بشكل أكثر ارتياح وأقل عدوانية,,

وحاول تصور لي اياه صورة ثانية واضحة لرجله,, واذا فيه فيديو وانت تتعامل معاه يكون أفضل,, وترسلها لي على الرسائل الخاصة,,

ملاحظة: حاول تروشه بالبخاخ

وربي يوفقك يا قمر

تحياتي