أبي خبير بالقطط الشيرازية يجاوبني على أسئلتي !

[QTR cat]

راح اجاوب على الاسئله اللى اعرفها من واقع تجربتي مع القطط الشيرازيه.



1- في تحت عيونه مثل نقط سود صايرة جافة تشبه الخربشة ابي اعرف هذا التهاب او طبيعي
اذا قصدك ان عينه تفرز سائل لونه بني... لازم تراجع البيطري وبيعطيك تنظيف للعين..بس عموما هالشي طبيعي بالنسبه اذا كان القط شيرازي بيور لان الشعر اللى حول عينه يكون ناعم ويدخل داخل العين ويخليها تدمع....انا عن نفسي قصرت الشعر اللى حول عينه بمقص صغير جداً ومشى الحال معاي بس انصحك خل البيطري يقص الشعر اللى حول عينه

2- هو مطعّم من اسبوع هل لازم اطعمه كل شهر؟
من ولادة القط اول ثلاث شهور من عمره يتطعم مره في الشهر وبعدين كل سنة..يعني الحين اللى عندك عمره شهرين تطعم مرتين..بقى تطعمه بعد شهر وبعدها راح تطعمه السنه الجايه

3- يقال بأن أكل السمك بهالعمر مايناسبه ويطيح شعره وانا اعطيه مويه وسناك مقرمش بنكهات
متنوعة ... شنو احسن اكل يناسبه برايكم بهالعمر؟
اكل السمك للشيرازي بأي عمر كان يضره ويطيح شعره..اي شي بنكهه السمك ابتعد عنه
لازم تنوع بين الدراي فود(سناك مقرمش) وبين الأكل المعلب ولازم الماي يكون متوافر للقط طول اليوم ويتبدل يومياً
انا عن نفسي اعطي قطوتي من الدراي فود ومعودته على أكل البيت ( لحم ودجاج)

4- هل صحيح بأن القطط تؤدي الى امراض للبشر مثل تساقط الشعر !!!؟
القط كائن نظيف من نفسه بتلاحظه ينظف نفسه 24 ساعه .. بس مش معناتها نهمله اذا اهتميت بنظافه القط وصحته مااعتقد بتصيدك امراض منه


5- هل وقت الاستحمام مرة بالاسبوع ودرجة الماء تكون باردة او فاترة او ساخنة؟
الاستحمام مره كل شهر بماي دافي..وبعد الاستحمام لازم يتنشف شعر القط جيداً.
ولان شعر القط الشيرازي كثيف وطويل لازم يتمشط يومياً عشان شعره مايتشابك.

اتمنى اني جاوبت على اللى اعرفه وان شالله تستفيد اكثر من خبرات غيري