ابي مساعده عن الأغوانا

[Taboo]

السلام عليكم ورحمة الله وبركاته

انا عندي غوانا عمرها تقريبا 3 شهور, ماتاكل ولا تشرب ماي , وكله راقده واذا اقرب يدي منها تضرب بذيلها بالقوو حتى احيانا ماقدر اغير لها الماي والاكل بسهوله
ممكن تساعدوني لو سمحتو

ويعطيكم العافيه مقدما!!

[Taboo]

بليييييييييز ساعدووووني
والله احس انها بتمووت تكفوون

[العقرب الامبراطوري]

اخي نفس الشي عندي الاغوانا تربيتها صعبة و انا اتوقع خلص هي توحشت عندك و انصحك تبيعها
لانها من الحيوانات الصعبة جدا

[الارمله السوداء]

الاغونا من الحيوانات سريعه الترويض عموما حاول انك تغير لها البيئه يعني يكون الحوض او القفص كبير الحجم حتي تستطيع التنقل بسهوله وان يكون مفروش بنشاره خشب ناعمه ويجب ان تضع لها جدع اوغصن من الشجر طبيعي او صناعي لتتسلق عليه والماء ضروري وحاول ان تنوع لها الغذاء مثلا خس ملوخيه عنب موز ويكون مقطع قطع صغيره تناسي حجم الاغوانا ولا تضع الحوض في غرفه بارده او مكيفه ....
ومن ناحيه العدائيه حاول ان تمسكها بيدك لفترات طويله يوميا وان تربت او تمسح لها على راسها لعده ايام ومع الوقت سوف تجدها اليفه هادئه ومعتاده عليك

[مهووس الحيوانات]

النوم وقلة الاكل والشرب ممكن يكون سببها البيات الشتوي ، بس غريبة لأن الشتا قرب ينتهي

=-=

تأكد من ان المكان الي هي فيه والرطوبة مناسبة ، وان الاكل نظيف وماهو معفن

ومن ان الاغوانا صحتها جيدة وماعندها جروح ولا حروق ولا حشرات مثل القراد

والاكل طبعا لازم ينحط في صحن مسطح

[Taboo]

انا حاولت اشلها لاكن قعدت تضررب بذييلها وتعضضضض بقووووه من كل قلبها
والأكل كل يووم انوع لها فيه واقطعه واحطه فصحن
وكل يوم العصريه احطها تحت اشعه الشمس عشان تتدفى بس مافي فايده

هل تنصحووني بأني ابييعها؟

[مهووس الحيوانات]

بكيفك بس لو بغيت تخليها معاك لازم تحل المشكلة

حاول تسيطر عليها وتمسكها من ذيلها وراسها عشان ما تئذيك وتأكد من انه مافيه جروح ولا حروق ولا حشرات

=-=

وبالتوفيق

[Taboo]

مشكورييييييين ويعطييكم الف عاافييه
والله ماتقصرووون
وعسااااااكم عالقوه يارب