ساعدوني في الدره

[عزووووز25]

السلام عليكم ورحمه الله وبركاتة

يا أخوان اشتريت من السوق دره ذكر وليف يطلع على اليد
وما يعض الا عضات بسيطه عشان يطلع على اليد
اشتريته من واحد توه اشتراه قبلي كسبته واشتريته منه
يعني ما اشتريته من نفس راعي الطير الي رباه


لاحظت الطير معاه جالس على اليد ومايتحرك وهادي


وانا معاي يجلس على اليد شوي وبعدين يحاول يهرب
حتى في السوق شرد مني ومسكته
اش المشكله هل اضع يدي بشكل معين عشان يرتاح؟
او اني ما اصفرله او امسح عليه زين
لاني انا امسح عليه وبرضه يحاول الهرب


اش تنصحوني اخواني ابغاه يولف علي مرررررررره


دمتم بود

[بندولة حب]

هلا اخوي
والله صار لي نفس مشكلتك اشتريت دره من واحد وكان يقولي انها اليفه ومدري ايش ولمااشتريت الطير منه كان شايله بيده واشتريته
ولما رحت للبيت صر اللي ماتوقعته اشيله ويطلع على يدي بس استحاله انه يثبت على يدي يهرب على طول
وصبرت عليه وحاولت يمين شمال ومافيه فايده
وعرفت بعدين ان اللي باعه علي كان مثبته على يده وماسك اصابع رجوله عشان يوهمني انه اليف بس انت حاول معه يمكن يظبط معك الموضوع مع ان الدره فيه عناد وعض خيالي بس فيه مواضيع كثير باالمنتدى تدلك للطريقه الصحيحه وربي يوفقك انشاء الله

[عزووووز25]

المشاركة الأصلية كتبت بواسطة بندولة حب

هلا اخوي
والله صار لي نفس مشكلتك اشتريت دره من واحد وكان يقولي انها اليفه ومدري ايش ولمااشتريت الطير منه كان شايله بيده واشتريته
ولما رحت للبيت صر اللي ماتوقعته اشيله ويطلع على يدي بس استحاله انه يثبت على يدي يهرب على طول
وصبرت عليه وحاولت يمين شمال ومافيه فايده
وعرفت بعدين ان اللي باعه علي كان مثبته على يده وماسك اصابع رجوله عشان يوهمني انه اليف بس انت حاول معه يمكن يظبط معك الموضوع مع ان الدره فيه عناد وعض خيالي بس فيه مواضيع كثير باالمنتدى تدلك للطريقه الصحيحه وربي يوفقك انشاء الله

لا ما عتقد الطير يطلع على اليد بدون ما امسكه

وممكن تقولي وش افضل اكل للدره

وشكرا

[في خاطري شي]

اخي عزوز

لاازيد على ماتفضلت به الاخت "بندوله" الا ان اقول لك هذا طبع الطيور بشكل عام لايمكن يتعود على شخص بين يوم وليله وحتى لو كان اليف .. فانت بالنسبة له شخص غريب ولايعرف طباعك حتى الآن .. وما ان يتعود عليك وعلى طبعك وعلى اسلوبك بالمعامله معه حتى يستطيع تقييمك هل انت طيب معه ام العكس وهو الآن بمرحلة "الحذر والحيطه"

فهذا طبع الطيور لما تجي للبيت بأول مره .. فهي ذكية جدا وخاصة الدرة وتبقى حذرة في كل حركة تقوم بها او يقوم بها بقية افراد البيت


فالمطلوب عليك الآن : ان تضع الطيرر بمكان مرتفع او على مستوى رأسك وضعه في مكان يكون هو المُراقب وليس المرَاقب وانتظر لمدة 4 ايام او اسبوع حتى يطمأن من جوه الجديد فمهما كان فالببغات ذات مشاعر حسية في غاية الحذر والتخوف من ان يتم ايذائها

وما ان تتطمئن لك حتى تري ابداعات هذا الطائر ويسرجع لوضعه الطبيعي " طبع الالفه" فلمهم في ذلك هو الصبر

وكما عليك ان تبحث في المنتدى وخاصة المواضيع المثبته .. فالاخوان هنا مبدعين بحق في كيفية تربية الببغاء التي تحتاج الى ترويض وصدقني راح تستفيد الشيء الكثير


اما عن المؤكلات .. فالدرة تأكل الخضروات( كالخس والخيار والجزر والجرجير .. الخ ) والفواكة مثل ( التفاح بعد ازالة البذور ، البرتقال ، الفراولة ، الكمثرى ، التين ، وغيرها الكثير من الفواكة ماعادا المحظور منها وكذلك الحب الشمسي وهو يعتبر وجبة رئيسية لها

هذا باختصار للاجابة على تساؤلاتك .. اما الدقة والتفاصيل فستجدها في المواضيع المثبتة وراح تفيدك كثير


تحياتي لك ، وبالتوفيق ان شاءالله

[بندولة حب]

اخ عزوز العضو في خاطري شي ماقصر جاب الزبده وفادني الله يجزاه الجنه

[sm17]

لا ازيد بما قالة أخواني


وبالتوفيق لك يا الغالي

[في خاطري شي]

المشاركة الأصلية كتبت بواسطة بندولة حب

اخ عزوز العضو في خاطري شي ماقصر جاب الزبده وفادني الله يجزاه الجنه

حياك ربي اختي بندوله ويجزاك خير والجنة يارب .. فما دورنا نحن هنا الا ان نُفيد ونتسفيد

[عزووووز25]

الله يعطيكم العافيه جميع

[forg10chance]

ياخي الدره هذي راسها يابس كلنا نشتكي من ترويضه عموما هو يعتبر نص اليف دامك سالم من العض

[كاسكو معذبني]

اخي اول شي بالنسبه للطلوع على اليد خليه كم يوم اكليه بيدك واعطيه خس
وخيار وتفاع لانو يموت في هذي الاشياء وانا عندي دره وبعدين ابدي طلعيه على يدك لما يجي يشرد حطي يدك الثانيه وخله يطلع عليها وابدئي امسحي على راسه وشوي شوي وان شاء الله ماعد يشرد وبالنسبه للاكل الحب الشمسي شي رئيسي هوا والبندق باالاهم الحب الشمسي اهم من التفاح والخيار والخس ...الخ

اتمنا اكون افدك