ببغائي تكلم بفضل تو زوو

[nasser1430]

أول شيء بعد ذكر الفضل لله ثم للمنتدى والاعضاء العسل

نقول ماشاء الله تبارك الله .. طيرك توه فرخ ( 7 شهور ) .. بإذن اللي ما تنام عينه إنها عدت مرحلة الخطورة يعني الامراض والموت ((( وهذا بيده سبحانه وتعالى ))) .

وبعد كذا زي ما قالوا الاخوان .. توه صغير يعني باقي ثلاث شهور علشان يكمل سنة ... وفي البداية إبدأ تعليمه كلمة كلمة يعني ركز على كلمة وحدة بس زي ما قلت ( لولو ) في اليوم الواحد رددها عدة مرات بس تفصل بين ترديد الكلمة بثواني علشان يركز الطير .. ولا تعطيه كلمة ثانية إلا لما ينطق الكلمة بشكل صحيح .. علشان ما يلخبط عليه ولا عاد يتكلم صح .

وترا التغذية لها دور كبير ومهم جداً جداً جداً في إعطاء حيوية وطاقة وصحة .. فعطه حبوب مشكلة بس إحرص على النوعية الممتازة والجديد ( لأن بعض الموجود في السوق تلقاها مضروبة أو قريب تنتهي صلاحيتها ) .. وفي مثل عمره عطه تشكيلة فواكه مثل ( تفاح قطع صغيرة بكمية بسيطة وعنب و شوي جزر وخس ) بس أهم شيء لا تعطيه ((( بقدونـس ))) ... إنتبه ... تراه يذبح ذبح ويقضي على حياته .

وحاول تعطيه حمام شمس يومياً خاصةً بدري مع طلوع الشمس يعني الجو بارد لمدة لا تزيد عن ( 10 دقايق ) .. تراها مهمة جداً .. و أتجول فيه بالبيت بشكل عام علشان يولف الاماكن كلها ويتعود عليها .. وكل فترة حطه قدام المرايـة علشان يشوف نفسه .. تراها مهمه .. راح تونسه هالطريقة وتفرحه .

ولعل الاخوان يفيدونك بشيء نسيته أو يكونون عارفينه أحسن مني .

تحياتي والله يوفقنا وإياك ... أخوك ( ناصر )