●ْ [ مـــا سـبـبـ إخـتــياركــ لــحــيــوانـ الــقــطـ..؟ ] ْ●

[القطةالسوداء]

انا صديقة القطط


وحلمي الأكبراسير طبيبة بيطرية بس اعتقد مافيه امل ولا يمكن اكون اول مرائه سعوديه

تفتح عيادة بيطرية



المهم ليش اخترت قطواتي


انا بالعطلة اروح بيت جدي وبيت جدي بجدة وجدة مليانه قطط

وخوالي واحد منهم يكره القطط

فيوم من الأيام لقيت تحت السياره حقت خالي بساس صغار

لا تخافون السيارة لاصقه بالباب

المهم رحت جري المطخ وطبعاً اثنين من خوالي بالشغل وبالقين يشخرون بالمجلس

واخذت قطعة لحمة ورحت مفحطة للحوش هههههههه وفتحت الباب وحطيت اللحمة على عتبة

الباب واشوي قرب واحد والثاني ثمن الثالث وبالنهايه جو كلهم

وتشوفوني اختار الأزين واخذت اقرب واحد لي ورحت الحمام وروشته وجففته بالستشوار

وهوالمسكين خايف والمصادفه جاء واحد من خوالي قمت خبيت البس في بلوزتي

وحطيته ورا ظهري دخل قال السلام عليكم قلت وانا خايفة وعليكم السلام

قال بروح البوفيه وش تبين قلت لا ماني جعانة قال وش ذا ليش البلوزه تتحرك

قلت خلاص بس قول والله مااسوي شي قال والله ماسوي شئ قلت هاه شوف لقيته

بالحوش >>>>بيعصب لو قلتله فتحت الباب قال طيب بس مادخلينه الغرفة >>>يقصد الي ينامون فيها

قلت طيب وراح عاد انا دخلت الغرفة الي ينامون فيها ولحفت البس بلحاف خالي

انسيت جا البيت ودخل الغرفة وهومعصب لا لا ليش ملحفتها بلحافي واخذهامني

ورماها برا وانا اشوي وابكي بس عيب بيضحك علي

وجلسنا ناكل وانا معصبة وقعد يسولفلي بأشيا مالها داعي انابعد شهر بعد سنه

بتخرج واجي عندكم بالرياض ،اليوم بنطلع ،ومدري وش وانا جالسة على نار معصبة

وهويتريق قلت شوف والله بس اروح الرياض لأشتري قطوتين

وانومها على السرير ومسحها بثيابك

وكذا رجعت الرياض وجمعت فلوسي واشتريت قطوتين نوعهم مانشكن اسود

والله يعطيك العافيه الموضوع مميز

[الآسطورهـ]

المشاركة الأصلية كتبت بواسطة القطةالسوداء

وحلمي الأكبراسير طبيبة بيطرية بس اعتقد مافيه امل ولا يمكن اكون اول مرائه سعوديه

تفتح عيادة بيطرية

وليــش لا

بنكون انا ولويـس أول الزوار ..

وهذي قصتي ..

كان عمري 9 سنوات

وكنت طالع مع ابوي لإستراحة خويه ..

وكان عندهم قطط صغار على ماذكر 3 قطط

وحده سودا ووحد تايقر برتقالي ووحده ملونه

وكل ماشوفهم اروح الحقهم ..

ومامسكت ولا وحده

وبعديـن كنا بنرجع البيت

لمحت الي لونها تايـقر

ومسكتها

وقالي ابوي اتركها قلت له ابي اخذها للبيت

واخذتها وجلست عندنا بالحوش كم شهر وبعدين صارت قطوة شوارع داشرهـ

وللحيـن اشوفها برا , طبعا صارت شرسه ماتقرب من احد

وطنشتها

وبعدين آخذت 3 قطاوهـ زيادهـ << شوارع

ماني فاضي اقول قصصهم

والحيــن عندي قطوتي السياميه رووز

وانا اخترت هذا النوع لأنه لطيـف وحنون وذكي وكل شي فيه حلو

عكس الشيرازي << احلى شي فيه شكله بس

وربيـت بعد قطاوهـ كثير وحاط صورهم بألبوم بملفي الشخصي ..

ويعطيـكـ العافيه لويــس ..