.. ~ فرخ الكروان والعمل ~ ..

[فلونه]

ماشاء الله تبارك الله

من جد طيور تفتح النفس

الله يباركلك فيهم يااارب ويحفظهم لك

انا متااابعه الموضوع من البدايه

والله يعوضك عن الفرخ اللي مات باحسن منه

ولك الاجر ان شاء الله في العناية فيهم والاهتمام

حبيت اسالك عن الطيور الاليفه اللي في الصوره

شكلهم فروخ صح؟؟

مافيه ولا واحد منهم متكلم؟؟

باقولك عن تجربتي مع الكروان

اول كروان اربيه هوه فرخ كروان عمره كان 24 يوم تقريبا

اشتريته واغره سيريلاك

وكنت مهتمه فيه بزياده لاني اول مره اربي فرخ ولا اعرف شي

بس كنت اقرا كثيررر قبل ما اقرر اشتري الفرخ

والحمد لله ربي وفقني في تربيته واهتميت فيه

ولما صار عمره تقريبا شهرين ونص

تفاجأت انه يناديني اذا شافني

ويقول كلماااات كثيرره من اللي كنت اقولها له لما كان فرخ

ويقول بووسه ويقرررب ويبووس ويقول بعدها (يااانااااس) لاني كنت ادلعه

ويغني ويرقص ويقلد اصوات الجوالات ويضحك ويغطرف مثل امي بالضبط

لاني كنت اخذه معايه عند امي عشان اوكله هناك وكانت امي تسولف عليه

وماشاء الله عليه على طول قلدها

والحين عمره ماشاء الله ستة شهور

يعرف اسمه واذا ناديناه يجي طيرااان من اخر غرفه في البيت

...... هل كل الفروخ كذا ؟؟ لاني اشتريت اجواز كروان كنت ابغى الفروخ

عشان ادربها يكونوا مثل الكروان اللي عندي

وانته ماشاء الله عليك متخصص كروانات

ياليت تفيدني هل كل الكروانات لو تدربت في سن صغير

فرخ يعني ممكن تكون كلها مثله

اعذرني على الاطاله لاكن لتعم الفايده على الجميع