مشكله مع الحرباء

[مهووس الحيوانات]

ماتتلون الا درجات البني بس مع اني شفت فيديو الحرباء الي فيه تتلون مع الوان النظارات

الحرباء تتلون حسب النوع ، والمقطع خطأ ترا ، صح ان النوع الي فيه ممكن يتلون هذي الألوان لكن مو بذي السهولة ومو بذي الطريقة أصلاً (كلام الأخ Mr.LoNeLy-12 صحيح) ..

الحل : اولا عطنا صورة حرباك عشان نشوف اذا النوع يتلون كثير او لا ، واذا كنت تبغاها تصير خضرا (الاخضر يدل على الراحة عند الحربا) ، لازم تتطمن عندك ولازم توفرلها الي تبغاه ، وعشان تتطمن لازم تعودها عليك يعني دايم توكلها وتشيلها ، بس ترا نشاطها نهاري يعني في الليلي خلها تنام ..

وممكن تفيدوني بالبيئه المعيشيه للحرباء

قفص العصافير مناسب ، وهو أفضل بكثير من الحوض الزجاجي أو البلاستيكي ، والأفضل منها كلها انك تحطها في صندوق بحجم مناسب وتكون جدرانه شبك ..

ولازم تسوي بعض الخطوات :

1- انك ترش الحوض كل يوم يومين بأي طريقة لرش الماء لكن يكون رذاذ مايكون قوي ..
2- اذا كان الجو برا حر مررة دخلها البيت اذا كان مكيف وجوه حلو ..
3- كل يوم في الصباح أو العصر فقط ، تاخذ قفص الحرباء وتحطه عند الشمس عشان تتشمس الحرباء لمدة 10 دقائق يوميا ..
4- إذا كانت في مكان ماتقدر تتسلق فيه حطلها أغصان ، لكن القفص مناسب لأنه تقدر تتسلق فيه ..
5- كل 4-7 أيام توكل الحرباء وتشربها وتختلف حسب الحرباء ، الصغيرة ممكن تعطيها 10 حشرات في 4-7 ايام والكبيرة ممكن 4-6 حشرات ..

كاسره خاطري وماكلت ولا شربت

أكيد طريقة توفيرك للأكل خطأ ، بشرحلك كل شي عن هذي النقطة :

أولاً مكونات الأكل :

الحشرات بشكل عام مناسبة ولكن أفضلها الجراد وبعده الحشرات الطائرة وبعدها الصراصير والجنادب والديدان ، وبعدها باقي الحرشات
(ملحوظة : 1- لاتقدم أبدا حشرات سامة أو مرشوشة بمبيد
2- من الممكن إضافة الفيتامينات والكالسيوم والمواد المغذية إلى الطعام لتوفير مواد مغذية أكبر (هذه النقطة غير ضرورية لكنها مفضلة) ) ..

ثانيًا طريقة الإطعام :

عدة طرق ببداها معك من الأفضل :

1- الطريقة العادية : وهي انك تعطيها الحشرة وتكون الحشرة حية أو انت تحركها والحرباء تمد لسانها وتاكل ..
2- هذه الطريقة تكون بانك تحاول تخويف الحرباء وحملها إلى أن تفتح فمها تلقائيا وبعدها تقوم انت بادخال الطعام الى فمها وستقوم بمضغه بمفردها ..
3- هذه طريقة الطوارئ عندما ترفض الحرباء الطعام وترفض فتح فمها ، وهي بأن تقوم بالضغط على فمها من الأمام بشكل خفيف وتزيد الضغط إلى أن تفتح فمها وبعدها تدخل انت الحشرة وستمضغها تلقائيًا ..

ملحوظة مهمة : الطريقة الثانية هي عند الطوارئ فقط (عند عدم نجاح الطريقة الأولى) والثالثة عند عدم نجاح الثانية ..

لذا حاول قدر المستطاع استخدام الطريقة الأولى ، وقد ترفضها لأنها خائفة ، حاول تنفيذها بحيث لاتراك الحرباء (يعني تضع الحشرة وتذهب) وهذه الطريقة تنجح عندما تكون الحشرة تتحرك ..

ثالثًا الماء :

الشرب عند الحرباء يكون بالتقطير وله عدة طرق :

- وضع الحرباء تحت صنبور مياه نظيفة وجعله يقطر على فمها ..
- استخدام قطارة لتقطير الماء ، ويقطر الماء على فم الحرباء ..
- استخدام ثلجة ووضعها على القفص بخيث يكون التقطير مستمر فتشرب الحرباء متى أرادت ..
==

وستلاحظ ان الحرباء تقوم بالبلع وفتح فمها فتحات بسيطة وهذا معناه انها تشرب .

وأي سؤال انا جاهز ..

لاحظ ان كلامي بدا بالعامية وصار فجأة فصحى بس أهم شي ان المعلومة توصل ههههههههه