منتديات تو زوو - مشكله مع الحرباء

منتديات تو زوو (http://www.2zoo.com/vb/index.php)

- سؤال و جواب لقسم هواة الزواحف (http://www.2zoo.com/vb/forumdisplay.php?f=60)

- - مشكله مع الحرباء (http://www.2zoo.com/vb/showthread.php?t=117144)

مشكله مع الحرباء

السلام عليكم
انا عندي حرباء ماتتلون الا درجات البني بس مع اني شفت فيديو الحرباء الي فيه تتلون مع الوان النظارات والوان زاهيه من اخضر الى بنفسجي الى احمر...
ممكن تفيدوني لأني احتمال ابدلها مع غوانا من القهر ...
وممكن تفيدوني بالبيئه المعيشيه للحرباء لأنها توها صار لها يومين وحاطها بقفص عصافير هههههه كاسره خاطري وماكلت ولا شربت <<<<حرباء دلوعه ههههههه
ساعدوني بليز لأني من زمان ادور هالحيوان وتعبت لما لقيته وحرام يموت :(
وشكرا

رد: مشكله مع الحرباء

اول شي كل عام وانت بخير
للاسف انا ماعندي خبره في الحرباء لاكن نترك اهل الخبره يفيدوونك

رد: مشكله مع الحرباء

حسب البحوث الي سويتها على الحرباء
الحرباء من النوع الي ماتتغير الا على حسب البيئه الي قاعده فيها وما تتغير الا اذا كانت خايفه من شي وحابه تختفي امه بالنسبه للفيديو الي شفته عن النظارات هو خدع ومجرد العاب كمبيوتر لانه الحرباء لمه تغير لونها تتغير مره وحده وماتتغير تصاعدي والحرباء لها الوان محدده تتغير عليها حسب المكان الي كانت تعيش فيه وبالنسبه للمكان الي تحب تعيش فيه هو تقريبا نفس مكان عيش االاغوانا الي حضرتك قلتلي عنه وهي تتغذى على الحشرات في لها معلبات حشرات مجففه تقدر تروح وتشتري لها يعطيك العافيه اخوي
اتمنى اكون عطيتك معلومه جديده

رد: مشكله مع الحرباء

لا تبعد الحرباء ، بعطيك الحل بس اصبر علي :) ..

رد: مشكله مع الحرباء

اقتباس:

ماتتلون الا درجات البني بس مع اني شفت فيديو الحرباء الي فيه تتلون مع الوان النظارات

الحرباء تتلون حسب النوع ، والمقطع خطأ ترا ، صح ان النوع الي فيه ممكن يتلون هذي الألوان لكن مو بذي السهولة ومو بذي الطريقة أصلاً (كلام الأخ Mr.LoNeLy-12 صحيح) ..

الحل : اولا عطنا صورة حرباك عشان نشوف اذا النوع يتلون كثير او لا ، واذا كنت تبغاها تصير خضرا (الاخضر يدل على الراحة عند الحربا) ، لازم تتطمن عندك ولازم توفرلها الي تبغاه ، وعشان تتطمن لازم تعودها عليك يعني دايم توكلها وتشيلها ، بس ترا نشاطها نهاري يعني في الليلي خلها تنام :) ..

اقتباس:

وممكن تفيدوني بالبيئه المعيشيه للحرباء

قفص العصافير مناسب ، وهو أفضل بكثير من الحوض الزجاجي أو البلاستيكي ، والأفضل منها كلها انك تحطها في صندوق بحجم مناسب وتكون جدرانه شبك :) ..

ولازم تسوي بعض الخطوات :

1- انك ترش الحوض كل يوم يومين بأي طريقة لرش الماء لكن يكون رذاذ مايكون قوي :) ..
2- اذا كان الجو برا حر مررة دخلها البيت اذا كان مكيف وجوه حلو :) ..
3- كل يوم في الصباح أو العصر فقط ، تاخذ قفص الحرباء وتحطه عند الشمس عشان تتشمس الحرباء لمدة 10 دقائق يوميا :) ..
4- إذا كانت في مكان ماتقدر تتسلق فيه حطلها أغصان ، لكن القفص مناسب لأنه تقدر تتسلق فيه :) ..
5- كل 4-7 أيام توكل الحرباء وتشربها وتختلف حسب الحرباء ، الصغيرة ممكن تعطيها 10 حشرات في 4-7 ايام والكبيرة ممكن 4-6 حشرات :) ..

اقتباس:

كاسره خاطري وماكلت ولا شربت

أكيد طريقة توفيرك للأكل خطأ ، بشرحلك كل شي عن هذي النقطة :

أولاً مكونات الأكل :

الحشرات بشكل عام مناسبة ولكن أفضلها الجراد وبعده الحشرات الطائرة وبعدها الصراصير والجنادب والديدان ، وبعدها باقي الحرشات
(ملحوظة : 1- لاتقدم أبدا حشرات سامة أو مرشوشة بمبيد
2- من الممكن إضافة الفيتامينات والكالسيوم والمواد المغذية إلى الطعام لتوفير مواد مغذية أكبر (هذه النقطة غير ضرورية لكنها مفضلة) ) ..

ثانيًا طريقة الإطعام :

عدة طرق ببداها معك من الأفضل :

1- الطريقة العادية : وهي انك تعطيها الحشرة وتكون الحشرة حية أو انت تحركها والحرباء تمد لسانها وتاكل :) ..
2- هذه الطريقة تكون بانك تحاول تخويف الحرباء وحملها إلى أن تفتح فمها تلقائيا وبعدها تقوم انت بادخال الطعام الى فمها وستقوم بمضغه بمفردها :) ..
3- هذه طريقة الطوارئ عندما ترفض الحرباء الطعام وترفض فتح فمها ، وهي بأن تقوم بالضغط على فمها من الأمام بشكل خفيف وتزيد الضغط إلى أن تفتح فمها وبعدها تدخل انت الحشرة وستمضغها تلقائيًا :) ..

ملحوظة مهمة : الطريقة الثانية هي عند الطوارئ فقط (عند عدم نجاح الطريقة الأولى) والثالثة عند عدم نجاح الثانية :) ..

لذا حاول قدر المستطاع استخدام الطريقة الأولى ، وقد ترفضها لأنها خائفة ، حاول تنفيذها بحيث لاتراك الحرباء (يعني تضع الحشرة وتذهب) وهذه الطريقة تنجح عندما تكون الحشرة تتحرك :) ..

ثالثًا الماء :

الشرب عند الحرباء يكون بالتقطير وله عدة طرق :

- وضع الحرباء تحت صنبور مياه نظيفة وجعله يقطر على فمها :) ..
- استخدام قطارة لتقطير الماء ، ويقطر الماء على فم الحرباء :) ..
- استخدام ثلجة ووضعها على القفص بخيث يكون التقطير مستمر فتشرب الحرباء متى أرادت :) ..
==

وستلاحظ ان الحرباء تقوم بالبلع وفتح فمها فتحات بسيطة وهذا معناه انها تشرب :) .

وأي سؤال انا جاهز :) ..

لاحظ ان كلامي بدا بالعامية وصار فجأة فصحى بس أهم شي ان المعلومة توصل ههههههههه :) :) :)

رد: مشكله مع الحرباء

شكرا ماقصرتو صراحه معلومات حلوه وكل عام وانتو بخير

واليوم شريت لها اكل عليه صورتها مع صوره الغوانا بس ماكلت منه قمت أأكلها غصب
اول ماتفتح فمها احط الأكل داخل
ياجماعه شوفولي المشكله لييييييش ماتتلون صايره بنيه بس؟؟؟
الحبر خلص مثلا؟؟:rolleyes:؟؟

http://www.up-00.com/oqfiles/l4i57803.jpg

.

طبعا كانت نايمه هههههههههههه

http://www.up-00.com/oqfiles/rCI57803.jpg

وهذا الأكل الي قلت لكم عنه

رد: مشكله مع الحرباء

حرباءتك من نوع حلو وهو الحرباء المحجبة وممكن تتلون ألوان كثيرة :) ..

والسبب قلتلك اياه فوق :) ..

رد: مشكله مع الحرباء

انا كانت عندي وحده نفسها سبب انها ما تتلون تكون عطشانه وما تتعرض لشمس

رد: مشكله مع الحرباء

اخوي اهيه شلون تبيها تتلون وانت حاطه فقفص وماعندها اي شي تلمسه عشان تتلون عليه لازم تحطلها ديكورتا ونباتات وايد عشان هي تصير تتخفى وتغير الوانها

رد: مشكله مع الحرباء

لا القفص مناسب :) ..

القفص مناسب بس مو مشكلة يضيف له بعض النبات :) ..

====

نسيت أقول ، من وين شريت الأكل المخصص ؟ واشهو متحواه ؟ يعني هو حشرات ولاّ ؟