كم سؤال ^_^ ’’ عن ميشو ..

[Mo0oMo0o]

السلام عليكم ورحمة الله وبركاتة

عالسريع مني حابه اطول عليكم

قطي الغالي ميشو مني عارفه كيف انضفلو ادانيه ومره خايفه أأذيه لاسمح الله

لأنو يجلس كل كم ساعه يحكها برجلو مدري يدو

مامي شكت > > قالتلي ليكون براغيث !!؟؟ >

وانا مره خايفه يكون فعلا براغيث لاسمح الله وانا لسا ما اشتريت حق البراغيث محتاره بين البودره والسبراي والطوق ,, > قولولي إيش افضل؟

وكيف أنظف ادانيه ؟ وإيش استخدم ؟ هل في دوا او شي ؟؟
وكيف الطريقه ؟؟ وياريت طريقه ماتخليه يخاف مني

وفي سؤال كمان شنباتو تقولي مامي إنها طولت > طبعا انا ما الاحظ لأنو معايا طول الوقت فما انتبه لدا الشي

هل القطط لما تطول شنباتها نقص شويه منها ؟ مع إنو بعرف أهميتها بس خايفه من الطول الزياده يزعجو أو يسبب مشكله لاقدر الله ..


وسؤال كمان : ميشو من يوم ما اخدتو من صاحبو اللي كان معاه قبل وهوا ماياكل إلا دراي فود واداني معاه ميو مكس ,

طبعا مالقيت ميو مكس كأنو اختفى من محلات الحيوانات كلها دورت والله يقولو مايتعاملو مع الشركه دي .
جربت أكل من شركه جديده قالو طيب وعجب ميشو وخلص وروحت محل ومالقيت إلا رويال
دحين بأكلو رويال كانين بس قلقانه مره لأنو هادا الاكل الوحيد اللي بديلو وخايفه يكون مافي فيتامينات وفوائد كتير >أفهموني
طمنوني هل رويال كانين كويس مره ؟ عمرو 6 شهور ميشو ,,

وسارلي موقف بسيط بس إن شاء الله مايأثر : قبل كم اسبوع من فتره يعني كنت باكل خبز (صامولي) وجبن وانا جالسه ميشو جا لعندي وجلس يشم الاكل وقضم من الخبز
والله ولا شويه امكن قد دي النقط ( ..... )> شي بسيط مره اقل من الاصبع
وبالليل طلع > استفرغ مره خفت والله كانت اول مره وإن شاء الله اخر مره
بس من بعدها مامي خافت عليه وقالتلي لاتأكليه إلا الدراي فود وبس حتى لو كان يبغى مدري ايش .,, من بعدها ماطلع وما أأكلو إلا الدراي فود مرتين باليوم وأحيانا اتركو موجود طبعا المويه طول الوقت وكل كم ساعه بغيرها ,

ومشكلة اظافيرو مره تعبني : دحين اللعب أحيانا بالنسبه لو هوا : يللا اديني يدك وانا اعض وإنتا ابتسم
بحاول اقولو : لأ >
بس يخاف وشويتين يرجع .
طبعا مايعضني انا الحمدلله بس اخواتي > انا مايقدر يعمل شي غلط قدامي
يعرف حقولو >لأ ويخاف مني مره بس زي مايقولو يطيعني وأنا أحب دا الشي فيه ,
المهم هل في طريقه أخليه يلعب بدون مايطلع اضافيرو ولا يعض ؟! > كحل مؤقت ألمن اوديه للبيطري عشان التطعيمه وقص الاظافر

وكمان في مشكله صغيره بس قلقانه منها شويه : انفو هل طبيعي يكون رطب؟ يعني أحيانا لما احط انفي على انفو >عشان يحس بحناني >
او يجي يشمني يشم انفي ووجهي يكون انفو في زي المويه احسو واحاول امسح بالمنديله بس شويتين وترجع دي الرطوبه , طمنوني هل دا طبيعي ؟؟

ممم وإيش كمان ,, كيف أخليه يسمن ؟ لأنو هزيل مره يعني لايغركم كثافة الفرو حقو
لما احممو تنكفش >نكتفش > إكتشاف الحقيقه الا وهيا الهزاله والنحف
إيش اللي يخليه يسمن حبتين ؟ ولحد يقولي اديه اكل من البيت والله سرت اخاف من بعد كسرة الخبز .


مممم إيوا فمو أحيانا لما يصحى من النوم ويبدأ يتثاوب او لما يجي ينام أحيانا احس ريحة فمو مو حلوه > ,, هل في معجون وفرشاه معينه استخدمها ؟ او شي يحسن ريحتو ؟

مممم إن شاء الله كدا اكون خلصت اسإلتي ,

لاتلوموني على الاسئله وممكن نسيت اسأل كمان بس والله ميشو بجد غالي مره عليا لدرجة نسيت نفسي وأهتم فيه بزياده ^_^ يعني هوا ملك بالنسبه ليا ^_^ > لاتنسي سمكاتك كمان وي

فـ ما أبغى أقصر بحقو بأي طريقه وأعتني فيه حتى لو اجلس طول عمري اسألكم أهم شي يكون قط صحي ومبسوط بالنسبه ليا

وهادا هوا ميشو : باللهي قولو ماشاءالله تبارك الرحمن ,







وجزاكم الله خير مقدماًً ,,