|
كم سؤال ^_^ ’’ عن ميشو ..
السلام عليكم ورحمة الله وبركاتة عالسريع مني حابه اطول عليكم :o قطي الغالي ميشو :shy: مني عارفه كيف انضفلو ادانيه ومره خايفه أأذيه لاسمح الله لأنو يجلس كل كم ساعه يحكها برجلو مدري يدو مامي شكت >:angry: > قالتلي ليكون براغيث !!؟؟ >:eek: وانا مره خايفه يكون فعلا براغيث :eek: لاسمح الله وانا لسا ما اشتريت حق البراغيث محتاره بين البودره والسبراي والطوق ,, > قولولي إيش افضل؟ وكيف أنظف ادانيه ؟ وإيش استخدم ؟ هل في دوا او شي ؟؟ :confused: وكيف الطريقه ؟؟ وياريت طريقه ماتخليه يخاف مني :( وفي سؤال كمان شنباتو تقولي مامي إنها طولت > طبعا انا ما الاحظ لأنو معايا طول الوقت فما انتبه لدا الشي هل القطط لما تطول شنباتها نقص شويه منها ؟ مع إنو بعرف أهميتها بس خايفه من الطول الزياده يزعجو أو يسبب مشكله لاقدر الله .. وسؤال كمان : ميشو من يوم ما اخدتو من صاحبو اللي كان معاه قبل وهوا ماياكل إلا دراي فود واداني معاه ميو مكس , طبعا مالقيت ميو مكس كأنو اختفى من محلات الحيوانات كلها دورت والله يقولو مايتعاملو مع الشركه دي . جربت أكل من شركه جديده قالو طيب وعجب ميشو وخلص وروحت محل ومالقيت إلا رويال دحين بأكلو رويال كانين بس قلقانه مره لأنو هادا الاكل الوحيد اللي بديلو وخايفه يكون مافي فيتامينات وفوائد كتير >أفهموني :( طمنوني هل رويال كانين كويس مره ؟ عمرو 6 شهور ميشو ,, وسارلي موقف بسيط بس إن شاء الله مايأثر : قبل كم اسبوع من فتره يعني كنت باكل خبز (صامولي) وجبن وانا جالسه ميشو جا لعندي وجلس يشم الاكل وقضم من الخبز والله ولا شويه امكن قد دي النقط ( ..... )> شي بسيط مره اقل من الاصبع وبالليل طلع > استفرغ مره خفت والله كانت اول مره وإن شاء الله اخر مره بس من بعدها مامي خافت عليه وقالتلي لاتأكليه إلا الدراي فود وبس حتى لو كان يبغى مدري ايش .,, من بعدها ماطلع وما أأكلو إلا الدراي فود مرتين باليوم وأحيانا اتركو موجود طبعا المويه طول الوقت وكل كم ساعه بغيرها , ومشكلة اظافيرو مره تعبني : دحين اللعب أحيانا بالنسبه لو هوا : يللا اديني يدك وانا اعض وإنتا ابتسم بحاول اقولو : لأ > :angry: بس يخاف وشويتين يرجع . طبعا مايعضني انا الحمدلله بس اخواتي > انا مايقدر يعمل شي غلط قدامي يعرف حقولو >لأ :angry: ويخاف مني مره بس زي مايقولو يطيعني :88: وأنا أحب دا الشي فيه , المهم هل في طريقه أخليه يلعب بدون مايطلع اضافيرو ولا يعض ؟! > كحل مؤقت ألمن اوديه للبيطري عشان التطعيمه وقص الاظافر وكمان في مشكله صغيره بس قلقانه منها شويه : انفو هل طبيعي يكون رطب؟ يعني أحيانا لما احط انفي على انفو >عشان يحس بحناني > :rolleyes: او يجي يشمني يشم انفي ووجهي :rolleyes: يكون انفو في زي المويه احسو واحاول امسح بالمنديله بس شويتين وترجع دي الرطوبه , طمنوني هل دا طبيعي ؟؟ ممم وإيش كمان ,, كيف أخليه يسمن ؟ لأنو هزيل مره يعني لايغركم كثافة الفرو حقو لما احممو تنكفش >نكتفش > إكتشاف الحقيقه :64: الا وهيا الهزاله والنحف :eek: إيش اللي يخليه يسمن حبتين ؟ ولحد يقولي اديه اكل من البيت والله سرت اخاف من بعد كسرة الخبز . مممم إيوا فمو أحيانا لما يصحى من النوم ويبدأ يتثاوب او لما يجي ينام أحيانا احس ريحة فمو مو حلوه > :( ,, هل في معجون وفرشاه معينه استخدمها ؟ او شي يحسن ريحتو ؟ مممم إن شاء الله كدا اكون خلصت اسإلتي , لاتلوموني على الاسئله وممكن نسيت اسأل كمان بس والله ميشو بجد غالي مره عليا لدرجة نسيت نفسي وأهتم فيه بزياده ^_^ يعني هوا ملك بالنسبه ليا ^_^ > لاتنسي سمكاتك كمان وي فـ ما أبغى أقصر بحقو بأي طريقه وأعتني فيه حتى لو اجلس طول عمري اسألكم أهم شي يكون قط صحي ومبسوط بالنسبه ليا :rolleyes: وهادا هوا ميشو : باللهي قولو ماشاءالله تبارك الرحمن , :) http://www.up-00.com/s3files/FVs91654.bmp http://www.up-00.com/s3files/tjZ91654.bmp وجزاكم الله خير مقدماًً ,, |
اهلن
ماشاء الله اسئلتك كثيره يمكن باجوبتي انسى شوي من الاسئله ويمكن لا اولا البراغيث فيه مشط من الصيدليه البشريه مره اسنانه جنب بعض مشطيه فيه عشان تبين البراغيث وبخصوص الطول ولا البودره ولا السبري اشتري بودره وطوق والشنبات لااااااااااااااااااااا والف لا تنتبهي تقصيها ترا يقلل من توازنه ولا لو تطول حتى ماتسبب له مشاكل وممكن مثلا لو قصيتيها مشا على شي ممكن يطيح وش احسن الشوارب ولا موته ؟ والدراي فود لا تكثري منه عطيه اكل بيت عاااااااادي وانتي تقولين ريحت فمه مو حلوه عارفه وش سببها سببها الدراي فود وبخصوص الخبزه والجبنه الي خلتو يستفرغ مو هاذا الي خلاه يستفرغ بالعس الخبز والجبن مفيدين مره ولازم تعطيه منهم يمكن ستفرغ عشان داخله برد مثلا روشتيه وخليته عند مكيف او روشتيه ومانشفتيه كويس او ممكن دخله برد من المكيف حتى لو هو جاف والاظافر عااااااااااااااادي هو كذا لعبه وكل القطط مالك الا تقصيها بنفسك او توديه البيطري ولا مافي حل مؤقت لين ماتودينه الطبيب الا انك تقصين اضافره وانفو لو رطوبه قليله عاديه اما يرشح لا وديه بيطري السمنه ما اعتقد بيكون نحيف مره لان واضح من الصور حتى لو كثافه شعره مره قويه ولو يبين المهم تبينه يسمن عطيه اربع وجبات باليوم دجاج وبطاطس مهروس وبخصوص الريحه انا جاوبت عليك فوق وقلت لك من الدراي فود بس للعلم فيه فرشاه ومعجون خاصين للقطط وماشاء الله ميشو مررررررررررررررررررررررره حلو يوووووووووووووه واخيرا خلصت من اجاباتي اتمنى اكون كفيت ووفيت في اجابات اسئلتك وانا سويت هاذا كله عشان الشي الي كاتبه بتوقيعي ما ابغى اخلف وعدي ويبغالك وقت طويل على ماتقرين ردي مثل ماقعدت انا وقت طويل عشان اقرا موضوعك هههههههههههههه بآآآآآآآآآآآي |
رد: كم سؤال ^_^ ’’ عن ميشو ..
وآااهـ يازين أهل جده بس :D
مآعليناا :p اذنوو تنظفيها بزيت جونسون تبع الأطفآل ., يمكن يكون ميشو معاه جرب ولا شي .. شوفي اذنه فيها اسسود كثيررر ! وصعب التنظيف ؟ ولا عاادي يتنظف بسرعه ولونه وردي كذا . لانو اذا جرب بيعطيكي البيطري قطره للأذان تتسعملينها وانشاء الله يروح .,:rolleyes: الطريقه تجيبين قطن اذان وتحطين الجونسون عليها وتنظفين بس لازم مآ يووصل العود الي اخر الأذن انتبهي . لا شنبااتو لا تقصيهاا مره لهاا فواائد كثييرره . فخليها ولا تقصيها انشاء الله مراح تضايقو .. لا روووياال كانوون المرتبه الاولى في الدراي فوود وبعده يجي بالمرتبه الثانيه مياو مكس يعني مره كوويس عادي ., يمكن الأستفرااغ لحس شعرره كثيرر وبلع her ball ! مو شررط من الأكل ., ولا اكل نبته مغبره ولا سامه العض كل مربين القطط يشتكون منها واولهم انا :( المشكله عض من قلب :D لاعادي انفووو هو كذاااا كل القطط انوفهم رطبه الاا ياااقلبي لازم تعوديه على اكل البيت عششان يسمن ويتربرب الدراي فود هو مكمل غذذائي يعني مو اساسي شووفي عطيه الزايد من اكلكم ولا غدائكم بس غسلي الدجاج من الزيت وسخنيه بالمايكرويف وقدميه وانشااء الله ياكله وسوي له بطاطس مسلوقه اهرسييهآ مررره يحبووونها القطط بس موكلهم زي جيجي :( قص الأظآفرر هذي الصور توضح لك كيف , الصورة الأولى تبين ظفر القط وبه لونين وردي وأبيض .. ولازم مانقص الظفر عند المنطقه الورديه فقط بداية الظفر يعني لاتصل حتى الى نص الظفر بالمعنى قص ربع الظفر http://www.cat-world.com.au/images/AnnieClaw4.jpg والآن نبدأ بالطريقه التسلسلية والصحيحة أمسك يد قطك وأظغط عند صبع القط لخروج الاظافر http://www.cat-world.com.au/images/NickPaw.jpg ويجب خروجه بالكامل لقصه بطريقه صحيحه http://www.cat-world.com.au/images/AnnieClaw5.jpg ويبين المنطقه التي لايجب الوصول اليها وهي المنطقه الورديه في ظفر القط http://www.cat-world.com.au/images/AnnieClaw4.jpg المقص المستخدم بقص ظفر القط هما نوعان : مقص أظافر الانسان http://www.cat-world.com.au/images/NailClippers.jpg ومقص اظافر القطط http://www.provet.co.uk/Catalogue/images/KU/131410.jpg http://www.cat-world.com.au/images/AnnieClaw2.jpg وهذا شكل الظفر بعد القص http://www.cat-world.com.au/images/AnnieClaw6.jpg ريحه فمه يمكن مع تساقط اسناانه طيب قووييه مررره ولا عااديي ؟ هو الدرااي فود يسبب ريحه بس خفيفه , :D يدنن ميشششو مشاااء الله :shy: بآي بآي :o |
رد: كم سؤال ^_^ ’’ عن ميشو ..
هلا حبيـبتي .. ربي يخليلك ميشـوو يااارب
شوفي ياقمـرر بخصوص البراغيث .. انا ماستخدم الا البوودره .. السبراي والطـوق ماجربتهم والله .. واما عن طريقه تنظيف الإذن .. سهــالاات بس انتي لاتخـــــاافييين اشتري قطره اسمها واكسوول ( من الصيدليه البشريه ) واقطري بإذنه قطرتيين .. وخليه ربع ساعه .. وعقب روحي امسكيه وحطيه بحظنك . وخذي قطعه شاش طبيه ( أفضلها أكثر عن القطـن لانها تمسك الوسخ تمام ) ونظفي اذنه . بعدي خذي عود إذن ونظفي الأجزاء الداخليه . بس انتبهي تدخلين العود كثيرر .. لا شي بسيـــط بس وأما عن شنبــاتو . لا . لاتقصيـــنها خليها بطولها الطبيعي أفضل .. واصلا القطو مو حلو الا بشنباتو .. ومايأثر عليه أبدا طول شواربه واما عن رويــال كانن .. بالعكـــــس .. أحسن دراي فود هو .. وأفضل من مياو ميكس بعد وبالعكس الخبز مع الجبن مايضرررهم أبــداا .. يمكن هو استفرغ من حاجه ثـانيه . او مستفرغ الشعر الي ببطنه انا قطــواتي دايما يفطروون معي لو كـان أكلي معجنات وفطاير .. اعطيهم من الجانب الي مافيه حشـووه .. بس اذا كنت آكل لبنه ولا جبن لا أعطيهم من الخبز مع الحشوه ومرره يحــبونه . حتى مره لودي مادري شفيه مو راضي ياكل الدجاج . سوت له مااما برريد مع جبن وأكلهــاا كلها تقريبا يعني لاتخافين مو منه وعشان يسسمن .. سوي له دجاج مسلوق مع خضاار لاتخافين مراح يضــررره .. انا نظـامي مع قطـواتي أربع وجبات باليوم دجاج وبطاطس مسلووق والحمدلله دباديــــب وصحتهم عال العال .. حتى لما يجي بيتنا أحد من أهلنا وعنده بيبي .. يقولون لي بنجيب عندك ولدنا سمنيييه زي قطواتك :p وأظافره أفضل حل تقصيـنهم أسبوعيا بنفس الطريقه الي حطتها بينك جزاها الله خيرر ببس انتوا قد ماتقدرون حاولوا ماتلاعبونه بيدكم لان هو بكذا يفكر يدكم لعبه وبيجلس يعضها ولا يشمخهااا وطبيعي جدا ان القطـوه يكون أنفها رطب .. لاتخافييين اقتباس:
وبخصوص ريحه فمـه .. هو طبيعي تكون فيه ريحه .. لكن بسيـــطه .. أما إذا كانت قووويه كثيرر فـ هذا يعني عنده مشكله بأسنانه أو لثته .. ولما تجيهم أمراض بالمعده تصير الريحه قووويه .. أو انه بمرحله تبديل الأسنان فـ طبيعي وجود هالريحه .. وعمر 5 شهور وفوق هو عمر تبديل الأسنان .. بس غالبا قطاوتنا يبدلون اسنانهم بدون لانحس بشي احناا والفرشاه والمعجون الخـاصين بالقطط تحصلينهم بمحلات مستلزمات القطط بس دوري تمام :) وربي يخليه لك ان شاءالله ^^ |
رد: كم سؤال ^_^ ’’ عن ميشو ..
اقتباس:
|
رد: كم سؤال ^_^ ’’ عن ميشو ..
ماقصروا بنكي وسيسي وماآعتقد قطوتك فيها براغيث ,, يمكن عث آذن تفضلي هالموضوع بفيديك آن شاءالله .. http://www.2zoo.com/vb/showthread.php?t=95609 وبالنسبه للأستفراغ دام آنه ماتكرر مره وحده فـ عادي وآعتقد السبب آن الأكل كان الجديد عليها وهذي من الآسباب الطبيعيه اللي تخلي القطوه تستفرغ .. |
رد: كم سؤال ^_^ ’’ عن ميشو ..
اقتباس:
|
رد: كم سؤال ^_^ ’’ عن ميشو ..
يالله
بجد بجد بجد ربي يديكم على قد نيتكم يارب ويعافيكم ^_^ اطمن قلبي والله بجد والله ما اعرف كيف اوفيكم حقكم ^_^ ربي يجزاكم كل خير على ردودكم راح أوديه إن شاء الله السبت للبيطري عشان يشوف التطعيمات اللازمه ويشوف حالتو الصحيه بشكل عام وأطلبو يقص اظافيرو لأنو أخاف اقصها بنفسي أقوم اغلط ويسير نزيف تعرفو كيف الوضع *_* وشفت ادانيه طلع وسخ عادي الحمدلله وراح انظفو ولونو بني فاتح وأكلو بحاول ارجع اعملو أكل لأنو كل مره يشم فيها الدجاج المسلوق يجلس يعطس ويبعد بسرعه مو عاجبو> دا الكلام قبل ما اعرف إنو ياكل بس الدراي فود والله بستغرب منو وماياكل لكن ححاول اعملو هوا مفروم ممكن إن شاء الله ياكلو > ولا بالاحلام < اتفائلي خير وي وريحة فمو لا موقويه مره الحمدلله إن شاء الله اشتريلو فرشة اسنان وعادي لو استخدمت معجون اكسترا ؟> كومبليت وياتينغ > لأني أستخدمو وأثق فيه عبال ما الاقي معجون القطط وحابه اسألكم على التطعيم دحين هوا قريب حيدخل 7 شهور إن شاء الله هل تفرق تطعيمات 6 شهور عن 7 شهور ؟ وإيش هيا التطعيمات؟ ضد إيش يعني ؟ سامحوني رجعت اسأل من جديد . وهل تنصحوني بشي أعملو ؟ يعني عموما وخصوصا لأنو ابغى اخد كل الاحتياطات قبل ما اروح للبيطري |
رد: كم سؤال ^_^ ’’ عن ميشو ..
التطعييمات هي ضد الأمراض يعني 4 تطعيمات بالسنه
كل تطعيمه ضد مرض زي مثلا سرطان الدم وكذااا لا ماتفرق تطعيمات 6 و 7 شهووور بس اهم شي تكملين التطعيمات قبل لا يدخل السنه واذا دخل السنه راح تطعمينه من جديد نفس التطعيمات يعني كل سنه تطعيمات فهمتي |
رد: كم سؤال ^_^ ’’ عن ميشو ..
اقتباس:
العتب على النظرر ,, برضوو آنت ماقصرت بأجابتك الوااافيه جزاك الله خيرررر http://www.dohaup.com/up/2009-05-11/...1314003964.png آختي Mo0oMo0o حبيبتي وااجبنا ,, وآي سؤال بخاطررك حاضرين بالنسبه للتطعيم ماقصررت بنكي جاوبتك ,, آول الجهاز التنفسي / السعار / اللوكيميا .. وبين كل تطعيمه والثانيه شهررر وآقللل شي 15 يوم ,, مو كلهم سوا لآن القط مايستحملهم مع بعض وبعد التطعيمه ماتروشينهم لمده 3 آيام ويُفضل آسبوووع .. ونصيحه على معجون الآسنان ,, مايصلح معجوون البشر على القطط لآنه يسبب تهيج بمعدتهم خذي معجوون خاص من البيطري ,, آو لفي شاش على آصبعك وغمسيها بزيت تونه وآدعكي له آسنانه والزيت بخليه يتعاوون معاك لآنه حاااب الطعم وفيه برضو حلاو تحصلينه بالمحلات الخاصه يحسسسن ريحة الفم .. |
| جميع الأوقات بتوقيت GMT +3. الساعة الآن 09:36 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو